السلام عليكم ورحمة الله وبركاته
بدخل بالموضوع على طول وبدون مقدمات
الأشياء اللي تسبب خراب طرمبة أو دوده الدركسون :
1) زيت القير الأوتوماتيك الأحمر
2) زيادة الزيت فوق الـ MAX أو نقصه تحت الـ LOW
3) كثرة كسر الطاره للأخير بقوه ألين تطق
4) إطفاء و تشغيل السياره .. والطاره مكسوره على الأخير
5) سوء الإستخدام بشكل عام
6) عيب مصنعي
كيف تحافظ على طرمبة و دودة الدركسون :
- لا تستخدم إلا زيت دركسون هوندا الأصلي من الوكاله سعر العلبه بـ 50 ريال تقريباً .. الزيت خاص بالهوندا والوكاله يجيبونه من تايلاند
- كمية الزيت الصحيحه .. عدم الزياده وعدم النقص .. الزياده تفجر الصوف وتصير تهرب زيت والنقص يسبب تآكل
- حاول أنك ما تكسر الطاره للأخير ألين تطق
- لا تطفي السياره والطاره مكسوره
- فيه فلتر شخال داخل علبة أو قربة الزيت تقدر تنظفه لكن أنتبه لا تشقه .. لأنك اذا شقيته بتروح كل الأوساخ وكل برادة الحديد الناتجه عن الإحتكاك والتآكل ... وراح تضر وتؤثر على الطرمبة ودودة الدركسون .. راح أقولكم بالأسفل طريقة تنظيف الفلتر أو الشخال
كمية الزيت الصحيحه :
http://pic01.uxsight.com/i/12d/ux_a1...333_ux_g01.jpg
على علبة الزيت مكتوب بالإنجليزي على أعلى العلبه :
use only HONDA genuine power steering fluid استخدم فقط زيت دركسون هوندا الأصلي
Fill fluid up to upper level when fluid is below lower اذا كانت كمية الزيت أقل من lower level عب زيت إلى upper level
Level with cold engine يعني كمية و عيار الزيت والسياره بارده (( لأن كماهو معروف أن زيت الدركسون يتمدد بالحراره ويزيد شوي ))
نبدأ بالمكتوب على جنب العلبه
UPPER LEVEL وتعني الحد الأعلى للزيت ولازم ما تتعداه والسياره بارده يعني مثل الـ MAX
LOWER LEVEL وتعني الحد الأدنى للزيت LOW
طبعا هوندا و أغلب شركات السيارات فلسفه ويلحسون مخك بكمية زيت الدركسون !!
* أنا بسهلها عليكم وعلى نفسي :
أول شيء .. لازم تكون السياره على أرض مستويه ومستقيمه ؛ عشان ما يكون الزيت بالعلبه مائل لجهة معينه ولا تقدر تشيك على كمية الزيت بطريقه صحيحه ودقيقه
ثاني شيء .. الهوندا مصممه على أنك تشيك على زيت الدركسون وهي (( بارده COLD ENGINE )) ومكتوب على علبة أو قربة الزيت
وكمية الزيت الصحيحه والسياره بارده وعلى أرض مستويه :
أعتقد .. بالوسط بين الخطين أو قبل UPPER LEVEL بشوي (( للاحتياط ))
http://store2.up-00.com/2013-11/1384320956481.png
ملاحظه :
* بعض السيارات الثانيه مثل السيارات الأمريكيه والخ... علبة زيت الدركسون يكون فيها 4 خطوط عيار للزيت وهي بارده COLD LOW و COLD MAX و HOT LOW و HOT MAX .. لأن الزيت يتمدد مع الحراره كما ذكرت سابقا
http://www.askthemechanic.co.uk/imag...ng%20fluid.jpg
الحين نجي لطريقة تنظيف فلتر أو شخال علبة زيت الدركسون :
لكن انتبه لا تكسر كلبساتها مكان تثبيتها
وشيك على الشخال الفلتر شف هل هو سليم أو مشقوق .. اذا الفلتر مشقوق الله يعينك تحتاج تغير العلبه
http://store2.up-00.com/2013-11/1384321048341.jpg
تقلب العلبه وتصب الزيت بإتجاه السهم الأزرق وتقدر تستخدم محقان .. وتخلي الزيت والوصخ يطلع مع مكان الغطاء الأحمر
http://static.hardwarestore.com/medi...1_front200.jpg
شوفو فلتر سيارتي مليان وصخ وبرادة حديد
ترى الفلتر ( الشخال ) مثل لون العلبه ما يبين بقوه وفتحاته صغيره جدا جدا عشان يمسك الأوساخ وبرادة الحديد ولا يخليها تروح لطرمبة ودودة الدركسون
و الصوره هذي قديمه قبل 3 أو 4 سنوات ( قبل أغير الدوده والطرمبه .. لأن الزيت الأحمر والتهريب أعدم الطرمبه القديمه والدوده القديمه وصارت ثقيله جدا وفيها فضاوه و أظطريت أغيرهن بـ 2500 ريال من التشليح مع شغل اليد .. الورشه للأسف عبو لي زيت أحمر وبعد شهر أو شهرين شفطته أكثر من مره و عبيت زيت دركسون هوندا أصلي )
و حاليا لي تقريبا سنتين ونص وأنا ما أستخدم إلا زيت دركسون هوندا الأصلي .. والحمد لله تمام
بس عندي مشكله تندية طرمبة الدركسون يبيلها طقم إصلاح
http://store1.up-00.com/2013-11/1384324621141.jpg
http://store1.up-00.com/2013-11/1384324621432.jpg
http://store1.up-00.com/2013-11/1384324621713.jpg
سعر العلبه الجديده الأصليه بمحلات قطع الغيار تقريبا 210 أو 220 ريال والتجاري بـ 100 ريال
وبالخارج سعر العلبه الأصليه 15.35$ يعني تقريبا 60 ريال غير شامل تكلفة الشحن
http://www.1hondaparts.com/oem-part/.../53701-sda-a01
http://www.amazon.com/Amico-Power-Steering-Reservoirs-53701-SDA-A01/dp/B00B0Q6CR8/ref=sr_1_1?ie=UTF8&qid=1384322256&sr=8-1&keywords=53701-SDA-A01
--------------------------------------------------
نجي الحين لقطع إصلاح طرمبات الأكورد 2003-2005 و 2006-2007 و 2008-2012
وترى طرمبة الأكورد 2003-2005 تختلف عن طرمبة 2006-2007
وطرمبة 2008-2012 تختلف عن باقي الموديلات
وطرمبات السته سلندر V6 تختلف عن الأربعه سلندر
يعني اذا جيت تغير الطرمبه أو تشتري طقم إصلاح .. لازم تاخذ لنفس موديل سيارتك وتقوله سيارتك اربعه سلندر أو سته سلندر V6
نبدأ من بـ 2003-2005 و 2006-2007 الأربعه سلندر
طقم إصلاح ( ربلات + رمان بيرنق ) طرمبة الأكورد الأربعه سلندر 2003-2005
http://store1.up-00.com/2013-11/1384322999831.jpg
طقم إصلاح ( ربلات + رمان بيرنق ) طرمبة الأكورد الأربعه سلندر 2006-2007
http://store1.up-00.com/2013-11/1384322999942.jpg
ربلات ليات طرمبة الأكورد الأربعه سلندر 2003-2007
http://store1.up-00.com/2013-11/1384323000053.jpg
طقم إصلاح ( ربلات + رمان بيرنق ) طرمبة الأكورد السته سلندر V6 2003-2005
http://store1.up-00.com/2013-11/1384323271651.jpg
طقم إصلاح ( ربلات + رمان بيرنق ) طرمبة الأكورد السته سلندر V6 2006-2007
http://store1.up-00.com/2013-11/1384323271762.jpg
ربلات ليات طرمبة الأكورد السته سلندر V6 2003-2007
http://store1.up-00.com/2013-11/1384323271893.jpg
طقم إصلاح ( ربلات ) طرمبة الأكورد الأربعه سلندر 2008-2012
http://store2.up-00.com/2013-11/1384323514731.jpg
ربلات ليات طرمبة الأكورد الأربعه سلندر 2008-2012
http://store2.up-00.com/2013-11/138432355541.jpg
طقم إصلاح ( ربلات + رمان بيرنق ) طرمبة الأكورد السته سلندر V6 2012-2008
http://store2.up-00.com/2013-11/138432355552.jpg
ربلات ليات طرمبة الأكورد السته سلندر V6 2012-2008
http://store2.up-00.com/2013-11/1384323555613.jpg
http://www.1hondaparts.com/
http://www.hondapartsnow.com/
