افيدوني عن الهوندا سيفيك 2013
السلام عليكم ورحمة الله وبركاته
اخواني اعضاء محبي منتدى الهوندا , انا ان شاء راح اشتري سيارة
وانا والله تعبت وانا افكر , رحت شفت النترا شكل حلو ومكينة قوية لكن فل كامل بدون abs وآيربآآق واحد !!! مو معقولة وشلتها من رآآسي
ورحت شفت الاوبتيما نص فل شكلها حلو ووالله وسيعه لكن قريت مشاكل كيا ومماطلة ونصب الجبر بطلت والله
رحت شفت الهوندا سيفيك 2013 نص فل شكل جميل مواصفات جميلة ( جنوط 16 - كاميرا خلفية - فتحة سقف - abs - 6 آيرباقات )
وعجبتني والله وسألت عنها والكل مدحها والله , ولو عندي سعر الفل كان اخذتها
المهم اللي ابغاه منكم
تقولو لي وش انطباعكم عن السيارة ؟
هل القطع متوفرة وهل سعرها مناسب ؟
وش رايكم بقوة المكينة ؟
وكيف مكيف السيفيك هل هو قوي وبارد ؟
وسمعت من احد اعضاء الموقع يقول فيه مشكلة في كراسي المكينة بأنها ضعيفة من مودديل 2006 الى 2008
هل بالفعل المشكلة موجودة ؟؟ أو تم إصلاحها !!
طبعا انا ابغى سيارة للمشاوير والكرف والراحه والرساوة وسمعت انها كلها موجودة بالسيفيك
وآسف على كثرة الاسئلة لكن ماقد جربت الهوندا تماماً
بإنتظآركم تعطوني انطباعكم عن السيارة ي اخواني
تحياتي
