عزم السيارة ضعيف ؟ شنو الحل الله يجازيكم.. جديد في عالم الهوندا لاتخيبوني

مرحبا يا عشاق الهوندا

سيارتي هوندا اكورد 2010 عندي اربعة اسئلة يتعلق فيها


1-عزم سيارتي ضعيف شنو الحل حق تقوية العزم فيها على الرغم ان غيرت الايل والفلتر وفلتر الهوا بس تحسن بشكل بسيط ؟


2-وبالنسبة للمحافظة على القير في الاكورد انا سمعت ان كثير القيرات فيهم مشاكل كيف اقدر احافظ عليه؟


3-ولو صرت كل اكبس على البترول يأثر على القير او لا؟

4- وايد ازعاج عندي داخل السيارة وافكر اغير الاطارات شنو افضل نوع تنصحوني فيه وهادئ وصامت؟

للعلم مااطلع ريسات ولاقومات ولاغيره استخدام عادي وشخصي


ولكم جزيل الشكر والتقدير

هلا اخوي جرب تغير البواجي واذا مانفع معك ، يمكن البخاخات تحتاج تنظيف

اما القير اذا انت راعي دووووس بالموتر انصحك تغير زيت القير كل 25000 الى 30000 كيلو

ونفس الشي اذا انت راعي دووووس تغير زيت المحرك والفلتر كل 3500 كيلو !!

لان طال عمرك احتكاك حديد البساتم داخل المحرك في حال الدعس المستمر يولد عنه برادة للحديد ( الرايش ) بشكل اكبر من الطبيعي

ويؤدي ايظاً الى زيادة حرارة الزيت داخل المحرك ، وبالتالي استهلاك الزيت بشكل اسرع من الطبيعي

اما تغيير الاطارات عن نفسي انصح بالميشلان انرجي 17/50/225

تحياتي ...

وضح هل من اول استخدامك للسيارة حسيت عزمها ضعيف والا كانت احسن من كذا
يمكن العزم طبيعي بس انت كنت متعود على سيارات عزمها احسن

بالنسبة للعزم صراحة ما عندي حلول كثير بس شيك على فلتر الهواء والبنزين

اما بالنسبة للاطارات عن تجربة شخصية التويو روعة وهدوووووووووووووء وخصوصا مع ضغط هوا 30 او اقل بشوي ولو تدور ارخص فيه منه النيكسن بس صناعه كورية وناس يمدحونه

بالنسبة لمشكلة العزم حاول تمشي بالسيارة على طريق سريع تكون مسافته طويله راح يطلع الكربون المترسب في المكينة في حال كانت مشاويرك اليومية قصيرة
وبالنسبة للكفرات فأنا أنصحك بكفرات ماركة هانكوك بصراحة أنا مجربها على سيارتي مريحه وأسعارها مناسبة

يبيلك تغير البواجي !

1- استبدل فلترالهواء من 25 الى 30 الف
2- فلتر البنزين كل 80 الف تغييره
3- البواجي كل 100الف اختياري و200الف اجباري عندي واصل الى 160 الف وتمام ماشاءالله
4- زيت القير كل 60الف اول مره وكل 40الف للمره الثانيه والثالثه..الخ
5- الفلتر الخارجي كل 100الف
6- استخدم بنزين 95 افضل شي بالعزم
7- بالنسبه لزيت الماكينه استخدم زيت خفيف عندك 10w40 او 5w30

اقتباس:

---

المشاركة الأصلية كتبت بواسطة أكــــــــــورد11

1- استبدل فلترالهواء من 25 الى 30 الف
2- فلتر البنزين كل 80 الف تغييره
3- البواجي كل 100الف اختياري و200الف اجباري عندي واصل الى 160 الف وتمام ماشاءالله
4- زيت القير كل 60الف اول مره وكل 40الف للمره الثانيه والثالثه..الخ
5- الفلتر الخارجي كل 100الف
6- استخدم بنزين 95 افضل شي بالعزم
7- بالنسبه لزيت الماكينه استخدم زيت خفيف عندك 10w40 او 5w30

---

فلتر البنزين هل يجب تغييره عند 80 الف حتى لو مافيه مشاكل ؟؟؟

بالنسبة للبنزين الاحمر انا جربته وجربت الأخظر مالقيت فرق لافي العزم ولافي المسافة المقطوعة

مشكورين احبابي

بس انا سيارتي مستخدمة فماادري عن عزمها في البداية كيف

وبالنسبة للبواجي راح ابدلهم قريب لان السيارة ماشية حدودد 80 الف بنظر عليهم وببدلهم .. بس حبيت اعرف لهالدرجة البواجي تأثر في قومة السيارة ومشيها؟؟


وفلتر البنزين كم سعره تقريبا؟

وبعد ايل القير والله مابعرف مالك السيارة السابق متى اخر مرة بدله

وبالنسبة للكفرات عليها نكسن جديدة بس جدا سيئة ومزعجة وماانصح احد ياخذها

وشكلي باخذ هانكوك

اخر شي بالنسبة اذا كنت كثير اكبس على البترول يأثر على القير او لا محد عطاني نصائح بخصوص هالموضوع
انا المشكلة سياقتي جذي



ماقصرتوا شباب ويعطيكم العافية

اخ فيصل وشو قصدك بالبخاخات؟ قصدك الانجكترات injectors ?

وشو فايدة تنظيفهم؟

نسيت شغلة مهمة احس احيانا القير يتأخر في التعشيق هل هذا له علاقة بالزيت يحتاج تبديل؟

وايضا عندي مشكلة في الشماسية اللي فوق السائق لما انزلها عشان بغطي اشعة الشمس ماترتفع لحالها ، لازم اضغط على قطعة داخلها مثل الحديد او البلاستيك بقووة عشان اقدر ارفعها
احد صادفه مثل هالمشكلة وشنو الحل ليها؟

اقتباس:

---

المشاركة الأصلية كتبت بواسطة أكــــــــــورد11

1- استبدل فلترالهواء من 25 الى 30 الف
2- فلتر البنزين كل 80 الف تغييره
3- البواجي كل 100الف اختياري و200الف اجباري عندي واصل الى 160 الف وتمام ماشاءالله
4- زيت القير كل 60الف اول مره وكل 40الف للمره الثانيه والثالثه..الخ
5- الفلتر الخارجي كل 100الف
6- استخدم بنزين 95 افضل شي بالعزم
7- بالنسبه لزيت الماكينه استخدم زيت خفيف عندك 10w40 او 5w30

---

ماقصر ^^^^
+1

اقتباس:

---

المشاركة الأصلية كتبت بواسطة سلطان2020

فلتر البنزين هل يجب تغييره عند 80 الف حتى لو مافيه مشاكل ؟؟؟

بالنسبة للبنزين الاحمر انا جربته وجربت الأخظر مالقيت فرق لافي العزم ولافي المسافة المقطوعة

---

الافضل تغيير فلتر البنزين لان اهماله يضرالبخاخات على المدى البعيد ..
وبالنسبه للاحتراق البنزين 95 افضل من 91..

اقتباس:

---

المشاركة الأصلية كتبت بواسطة أكــــــــــورد11

الافضل تغيير فلتر البنزين لان اهماله يضرالبخاخات على المدى البعيد ..
وبالنسبه للاحتراق البنزين 95 افضل من 91..

---

يعطيك العافية

بالنسبة للبنزين الاحمر صحيح لكن أعتقد للمحركات ذات الانضغاط العالي
اما محرك الاكورد فأنا مجرب الاثنين ومالقيت فرق