مشكلة بالاكورد جننتني ( الرجه عند تشغيل المكيف )

السلام عليكم
مسائكم صباحكم راحه ي رب ,
حاب اشكر القائمين ع هالمنتدى الي استفدت منه كثير وانا متابع معاكم من سنه ونص بصمت : )

مشكلتي ي اخوان والي خلاني انزل هالموضوع
انا معاي اكورد 2006 4 سلندر فل
السياره بكل حالاتها زي الحلاوه
لاكن لما اشغل المكيف اذ هي ع p او n تبقى هاديه شوي
واذ خليتها ع ال d والمكيف شغال تجي رجه مو طبيعيه وقويه
واذ طفيت المكيف تصير السياره هاددديه واجمل منها مافيه
لفيت كل ورش الرياض والاغلب يتفلسف
غيرت بواجي + نظفت ثروثل بدي + غيرت فلتر شكمان + فلتر هواء
والمشكله زي ماهي لاكن خفت منها بنسبه بسيطه لما وديتها صناعية ام الحمام عند محل هوندا جلسو نص ساعه يفكفكون بالسياره
قالو لي الكويلات سليمه البواجي تمام الكراسي تمام كل شي تمام راح لم المراوح همل المسامير شوي لانها كانت مشدوده وخفت الرجه شوي
بس الرجه الاصليه مع المكيف وهي في ال d كرهتني في السياره
لحد يجي يقول كراسي ماكراسي السياره شيكت عليه كامل مافيه شي


الي عنده حل او مرت عليه هالمشكله يخبرنا ربي يوفقه

هذه والعلم عند الله سببها زيادة الجهد على الدينمو بعد تشغيل المكيف

أنت افتح الكبوت و خلي خويك في السيارة ومشغل المكيف وركز ع المروحة الامامية وخله يحطلك d وشوف وش الي بيهز معك بالزبط لان المروحة الامامية تخرب حسب علمي ومرة شفت 2009 فيها نفس المشكلة لما تشغل المكيف السيارة ترج رجة مب طبيعية ولكن انت تقول لما تحط d صراحة مالي علم فيها أكيد .

الشيخ لجند حياك ربي
فكرت بالشي هذا انا لاكن ركز معاي الرجه ماتجي الا اذ اشتغل الكمبرسر يعني لما اطفيه يبقى المكيف شغال والسياره هاديه مافيها شي
بس لما يشتغل الكمبرسر لان الكمبرسر يفصل ويشتغل من وقت للاخر ينزل الضغط شوي وترج لما اطفيه ترجع زي ماهي طبيعيه
يعني المراوح مافيها اي مشكله حتى ايام البرد لما تشتغل المراوح ماترج السياره المصيبه هي من الكمبرسر يمكن
المشكله اقول لحقين الورش يقولون لا مو معقوله يكون في الكمبرسر شي
وزياده ع الموضوع لما ادوس بنزين واخلي الضغط فوق الواحد تروح الرجه صراحه مدري وش العله

اخوي زيزو شيكت اكثر من مره السياره بكبرها ترج مافيه مكان معين

لحد يقول كراسي المكينة <<<--- (غيرها واقطع الشك باليقين) لان كان عندي موديل 2003 ونفس حالتك وغير كذا معروف الاكورد من موديل 2003 الى 2007 اسرع شي يخرب فيها الكراسي

حياك اخوي عبدالمجيد
انا شيكت ع الكراسي عند اكثر من واحد سليمه وبنفس الوقت احط ع ال d والمكيف مو شغال السياره
مافيها ولا هزه وحده بسم الله عليها مالها اي دخل الكراسي بتشغيل المكيف
بس لما يبدا يشتغل المكيف تحس فيه شي يسحب السياره بقوه شي غريب وتبدا ترج الضغط ينزل تحت شوي لما ادعس بنزين تروح :)
وفيه كم شخص نفس مشكلتي وغيرو كراسي وماصار شي

هذا الاهتزاز لحظته في الاكورد اذا صارت قديمة مثل اللي كانت عندي 2007

ومن شهر اشتريت 2010 وما شاء الله السيارة ثابته .

المشكلة في الدينمو يمكن يبي فحمات او البطارية عندك صغيرة والاكورد في الاصل يقبل 60 امبير او 70 امبير

لأن اكثر بياعين البطاريات يحسبون الاكورد مثل الكامري 55 امبير

الرد اللي فوق بنسبة للامبير اما الفولت لازم 12 فتلقاها بالانجليزي 12v60ah

اشكرك ع تفاعلك حبيبي ليجند

وبالنسبه للاكورد 2006 و 2007 فيها رجه خفيفه للمكيف زي الرجة لما تكون في ال n طبيعيه وعاديه وماتحس فيها مره
بس الرجه عندي دبلها مية مره يعني مو طبيعيه وبعضهم ترا ماعندهم ولارجه نهائيا
وراح اشيك ع البطاريه تبعي لاني شاريها من الوكاله من سنه المهم اني راح امر محل بطاريات وبخليه يشوف الوضع

غير كراسي المكينة + كراسي القير

بإذن الله تختفي الرجه

يا اخي روح الوكالة وشيك كمبيوتر 150 ريال وريح بالك ..

اشكركم ع تفاعلكم
فيصل التميمي ي صاحبي مشيك بالوكاله ب 150 قالو سليمه السياره شيكت عند محل ثاني فحص كمبيوتر برضو سليمه
و بخصوص كراسي قير وكراسي مكينه اتوقع هو الحل النهائي لاني تعبت نفسياً ولاكن المصيبه كل الوش تقول انها سليمه ,
ولاكن قررت اني اترك المشكله هذي زي ماهي الى ان ربي يفرجها ,

وربي يوفق الجميع

أخوي راشد عندي نفس المشكلة

لفيت لها حل ؟؟؟؟

وانا عندي نفس المشكلة بالضبط، نفس وصفك كأنك جالس معاي، ، كان لقيت لها حل عطنا خبر

^^^
الموضوع قديم
في حالة كراسي القير والماكينه سليمه
افحص قواعد الراديتر عباره جلب تتغير ممكن تسبب الهزه اذا كانت تالفه
مع تشغيل الكمبريسير تعمل مروحه المكيف مع مروحه الراديتر مع بعض وتسبب في حركةالراديتر

جزاك الله خيرا، ممكن تعطيني ارقام قواعد الرديتر في الصورتين هذي :

http://estore.honda.com/honda/images.../SDA4B0510.png

http://estore.honda.com/honda/images.../SDA3B0500.png

حياك الله
رقم 20 جلبه يمين وشمال السفليه
ورقم 21 العلويه
واذا أمكن تاكد من قربه الهواء بالاسفل امام الكفر الامامي اذا ماتكون ثابته تسبب رجه

الله يديك الف عافية ، تقصد هذي:

http://estore.honda.com/honda/images.../SDA3B0105.png

اقتباس:

---

المشاركة الأصلية كتبت بواسطة DrXX

الله يديك الف عافية ، تقصد هذي:

http://estore.honda.com/honda/images.../SDA3B0105.png

---

الله يعافيك
بالضبط القربه هذي المقصوده وتتاكد انها مثبته من جهة البطانه (كليبس)

انا كان عندي اكورد 2003 وكانت نفس المشكلة عندي بس على خفيف
لكن جرب تنظيف منظم الدعسة ( القطعة اللي مربوط على خرطوش الهوا حق القربة مع المكينة ) او تسمى البوابة
يكلف 50 ريال وبعد تنظف المنظم حق
الدعسة زود التقسيمة على السيارة شوية مثلا
اذا كانت تحت الواحد بخط او خطين
خليها اعلى من الواحد بخط او اخطين

واتمنى مشكلتك تنحل

الموضوع قديم لكن المشكلة من تماتيك مروحة المكيف

الموضوع قديم صحيح لكن للفائده نفس المشكله طلعت معايا بالضبط وطلع الخلل من بلف الهواء

اقتباس:

---

المشاركة الأصلية كتبت بواسطة عمار الخطيب

الموضوع قديم صحيح لكن للفائده نفس المشكله طلعت معايا بالضبط وطلع الخلل من بلف الهواء

---

شنو الحل بالضبط عندي نفس المشكلة بلف الهواء ؟؟