اللي عنده علم يفيدني

السلام عليكم ورحمة الله وبركاته
وأسعد الله أوقاتكم بكل خير .

الموضوع : عندي هوندا أكورد 2007 فل كامل مخمل 4 سلندر قير أوتوماتيك.

الموتر تعرض لحادث من المالك اللي قبلي وطلعت الإرباقات .

وقدر الله عليه قبل سنة تقريباُ بحادث وكانت أضراره بسيطه نوعاً ما

الآن ودي أبيع الموتر : وطبعا الات شكله الخارجي نظيف وبويته ممتازة

داخليته نظيفة جداً .

القزاز الأمامي والسائق تجاري . وزر الأوتو حق السائق عطلان .

السيارة فيها رجفه بسيطه وما أمداني اسويها .

قبل اسبوعين غيرت علبة دركسون وعليها ضمان شهرين لكن بعدما ركبتها طلع عندي فراغ في الدركسون وخاصة إذا لفيت الطارة وانت تسوق .

المكينة والجربكس نظيفة ولله الحمد .

ممشى السيارة: قرابة 235 ألف .

السايرة بوضعها الحالي كم تسوى .

لأني ناوي أبيع بإذن الله بكره في معارض جدة ولا أعرف اسعارها .

فاللي عنده خلفية في البيع والشرى يفيدني .

وعذراً ع الإطالة .

محبكم : أبو تميم