حل مشكلة صوت السماعات للأكورد 2013-2014 عند تركيب سستم صوت

السلام عليكم ورحمة الله وبركاته
أخباركم ان شاء الله طيبين
طبعا اغلب الشباب يعانو من مشكلة السماعات للأكورد الجديدة لما يركبو سماعات او بازوكا او أوفر
اليوم في حل مؤقت بس المشكلة لازم كل ما تشغل السيارة تسوي الحركة دي وان شاء الله يختفي الصوت(دررررررر)<<<كيف التشبيه بس ههههههه
اول حاجة الطريقة دي تنفع لأصحاب الشاشتين يعني سبيشل وفوق
شغل المسجل واضغط على disp+back+vol(الزر اللي يشغل ويقفل المسجل) علق عليها مع بعض اللين ما تطلع شاشة زي اللي في الصورة

image

لو طفا المسجل طبعا محايشتغل معاك الا لو من شاشة المسجل سويت return
بعد كدا علق على زر الmenu اللين تفتح شاشة خيارات في شاشة المعلومات
زي اللي فوق


image

تدخلو على خيار anc diag
حتلاقوه على off حولوه ل on حيطلع صوت من السماعات رجعو الخيار off وبعدها on حيختفي الصوت من السماعات ومن السستم
انا مركب بازوكا وكنت اعاني من المشكلة دي واغلب وقتها مفصولة بسبب الصوت دا
اتمنى اني افتدكم ومعليش اني ماضفت الصور لاني مسوي الموضوع من الايباد
اي سؤال انا حاضر
كلمة شكر ودعوة في الغيب تكفيني
مع السلامة

عليكم السلام و الرحمة

مركب بازوكا لحالها و الا مع عدة كاملة من امبليفاير و غيره؟
كيف جودة الصوت

مركب بازوكا والامبلي فاير معاها
في طريقة تزود قوة السماعات من نفس المسجل سويت الطريقة ومن وقتها فصلت البازوكا ماستخدمها

واللي يبا حل دائم للمشكلة يفصل المايكرفون اللي عند النظارات واللي فيالمقعدة الخلفية ويختفي الصوت نهائيا

فيه حل افضل من فصل المكرفون وهو فصل كيبل قطعة anc وهي موجودة خلف الدرج اللي في النص بالطريقة ذي تبقى المكرفونات شغالة عشان تستعملها مع المكالمات و في نفس الوقت حليت مشكلة السستم

مالقيت كيبل anc خلف الدرج فتحات مكيف فقط ممكن توضحلي أكثر الله يسعدك تعبني الصوت مزعج جدا

اقتباس:

---

المشاركة الأصلية كتبت بواسطة .special

مالقيت كيبل anc خلف الدرج فتحات مكيف فقط ممكن توضحلي أكثر الله يسعدك تعبني الصوت مزعج جدا

---

شوف هذا الفيديو من الدقيقة 1:38 الى 2:17
https://youtu.be/VwhrlTnN6Og

الكيبل فيه كلبسات تضغطها عشان تقدر تسحبه
قعدت احاول فيه وقت لين قدرت افصله بشكل سليم
http://i.imgur.com/pHVfjWK.jpg

http://www.driveaccord.net/forums/at...1&d=1377475929

بغيت اسألك وش فائدة anc يتغير شئ بالمسجل او الرادو انا سيارتي أكورد سبورت يختلف عن اللي بمقطع الفديو في فرق بمكان الكيبل ولانفسه

اقتباس:

---

المشاركة الأصلية كتبت بواسطة .special

بغيت اسألك وش فائدة anc يتغير شئ بالمسجل او الرادو انا سيارتي أكورد سبورت يختلف عن اللي بمقطع الفديو في فرق بمكان الكيبل ولانفسه

---

فايدته يرسل موجات للسماعات عشان تقلل الازعاج داخل السيارة

عن نفسي ماشفت فرق بالازعاج قبل او بعد ما فصلته اللي فرق معي هو الصوت صار افضل بكثير


بالنسبة للسبورت هو نفس الكيبل مايختلف لكن بيكون عندك قطعة زايدة تبع البلوتوث اتوقع مكانها تحت قطعة anc و احتمال انك لازم تشيلها عشان توصل لسلك anc

اذا كانت سيارتك موديل 2015 قطعة البلوتوث ماراح تكون موجودة تحت لانها صارت مدمجة مع المسجل و الله اعلم


تذكرت شغلة ، السبورت فيها ازرار مكان الدرج .. ما ادري اذا المكان نفسه او لا

غالبا السبورت ماتحتاج تفصلها لانك تقدر تلغيها من الاعدادات و راح تحفظ الاعدادات لما تشغل السيارة مرة ثانية بعكس الانواع الاقل اللي لازم تسويها كل ما تشغل السيارة
ذولي حلهم يفصلوها

طبق الفيديو ذا و شوف ايش يصير معاك
https://www.youtube.com/watch?v=n83d00Mh7K8

شكرا لك كفيت ووفيت ماقصرت الله يعطيك العافيه وييسر امرك دنيا وأخره

اقتباس:

---

المشاركة الأصلية كتبت بواسطة .special

شكرا لك كفيت ووفيت ماقصرت الله يعطيك العافيه وييسر امرك دنيا وأخره

---

العفو حياك

ترا عدلت ردي شيك عليه