تحذير من محلات قطع غيار النعماني
السلام عليكم ورحمة الله وبركاته
انا سجلت في الموقع الرائع هذا اليوم عشان احذركم من بعض عمليات النصب والإحتيال لقطع الغيار
انا سيارتي اكورد 2009 واعاني من طرمبة الدركسون مثل مايعاني اغلب مالكين هذا الموديل اضافة لموديل 2008 وهو العيب المصنعي في علبة الدركسون او طرمبة الدركسون
المهم انا قررت اغير الطرمبة رحت للوكاله عطوني سعر مبالغ فيه جداً بـ 2800 ريال بعد الخصم ....
بعدها رحت للصناعيه وحصلت محل مكتوب عليه عمر النعماني مقابل ورشة الجنوب بالضبط في الصناعية القديمه ...
سألته عن سعر الطرمبة الأصليه قالي بعد الخصم تطلع عليك ب 1650 ريال يعني فرق عن الوكاله تقريبا ً 1150 ريال وفرق كبير جداً
قلت اوكي توكلنا على الله لمن جاب الكرتون حق الطرمبه ولا مكتوب عليه made in the thailand صناعية تايلنديه قلت له متأكد هذي الاصلي
انا شكيت في الموضوع قال ايوه الاصلي وكاله وافا عليك ومن ذا الكلام قلت اوكي توكلنا على الله
رحت لصاحب ورشه باكستاني اعرفه من زمان ومتخصص في هوندا وقلت له انا شريت الطرمبة وصناعة تايلندية وانا اعرف ان الاصلي ياباني مادري هو نصب عليه ولا لا
قال لالا هذي نوع ثاني درجه ثانيه بعد الاصلي وسعرها تقريبا 600 ريال وفيه نوع صيني درجه ثالثه ب 500 ريال
قالي الرجال نصب عليك في 1000 ريال وقطع هوندا الاصليه كلها تجي ياباني مافي تايلندي الا كم قطعه بسيطه مثل السوائل حقت المحركات او كلبسات واشياء بسيطه اما الباقي كلها ياباني
قالي لحظه انا اجيب لك الاصلي ياباني وبنفس السعر .... وشوف الفرق بينهم وانت قرر اتصل على محل قطع غيار يعرفه قال ابي طرمبة اصلية للهوندا
شوي جت الطرمبة و كان فرق كبير بينهم اول شي التايلندي كرتونها صغغير وتحس الطرمبه محشوره داخل الكرتونه
الياباني مكتوب على كرتونها طباعه عالكرتون صنع في اليابان مو استكر ...
الياباني تغليفها داخل الكرتون يختلف عن التايلندي لان التايلندي تحس تغغليفها ابو كلب واي كلام وشغل مشي حالك ..
المهم مالكم في الطويله رحت رجعتها لابو يمن وتهاوشت معه واخذت فلوسي كامله
وكنت بطلب له وزارة التجارة بس تعرفون جو الصناعيه الكئيب وحرارة الجو واصوات الشواكيش طق طق طق هههههههههههه
ودك بس تخلص سيارتك وتمشي ولاتجلس ولا دقيقه
في نهاية الكلام حبيت احذركم من المحل النصاب هذا وانتبهوا من الغش في قطع الغيار وتأكدو من القطع انها صنعت في اليابان
تحياتي ...
