اللؤلؤي " خلص" و"الستة" سلندر جايّة و"العيب" واضح!!
مسّيكم بالخير جميعاً وكيف حالكم...
هذا ثلاث مواضيع في واحــد >>> :d( صار شامبوا ما صار موضوع)
عالعموم أنا اذا تذكرون كتبت موضوع اطلب فيه استشارة عن اللون وصراحة بعد الاستشارة والتأني >> ( حلوه التأني مسوي فيها دمه خفيف اليوم )
قررت شراء اللون "اللؤلؤي" ورحت للمعارض " معارض الشفا " أول شيء ولا حصلت اللون اللؤلؤي قالوا لي خلص، بعد اسبوع ان شاء الله نقدر نوفره لك.
على العموم سألته عن سعر الفل وقال 91,000 (يعني فرق 1500 عن الوكالة)
رحت للوكالة وكلمت واحد من الموظفين على جواله وقال انا ماني موجود رح لفلان وراح يتوصى فيك ، قلت له : احصل لؤلؤي قال الطلب عليه واجد وحيخلصـوه >>:d( صار عصير فيمتو) .
جيت الوكالة وما قصر الموظف استقبلنا وكان صراحة قمة في الاخلاق، سألناه هاه ان شاء الله اللي نبيه متوفر " الؤلؤي فل" قال صراحة لؤلؤي خلص وكله محجوز حاول تغير ، قلت "No way " ياللؤلؤي ولا بلاش بطلنا.
قال: وش رايك ننزل المستودع ونشوف ونسأل مسؤول المبيعات تحت، قلت له OK.
vpkh ggjk u عفوا عفوا نسيت اضغط "shift و Alt" .:rolleyes:
رحنا وسالنا المسؤل وقال بالحرف الواحد " بعد تقريبا 20 يو راح يجي اللؤلؤي ومع الدفعه الجديده للستة سلندر" .
قلت للموظف ودي اشغل السيارة ، قال خذ راحتك ، شغلنا السيارة و جربناه وكل شيء تمام ، شوي وإلا يجي الموظف ويقول لي : " انت اذا منتظر اللؤلؤي بعد 20 يوم وليه ما تاخذ الستة سلندر احسن لك، وقال: الستة صراحة روووعة وحنا جربناها . قلت طيب وش يميزها عن الاربعة قال:
1- انوار زينون
2- تكييف خلفي
3- المكينة تقنية متطوره (اذا تمشي 100 يمكن تحتاج 3 سلندر واذا اكثر 4 سلندر واذا انك داعس 6 سلندر يعني " كما قلنا سابقا 3 في 1)
وقالي الموظف صراحة انا منتظر الستة تنزل وابيع سيارتي واشريها ،
والله صراحة انا احترت وقلت كم السعـــــر;).
حاول يتهرب من السؤال لكن في الاخير قال مابين" 100 إلى 105 الف"
بعد ماخلصنا دردشة طفينا السيارة ، جيت اقفل الكبوت " غطى السيار ة الامامي " وإلا الموظف به يقول : اتحداك ياهذا ان تقفلها هاه هاه هاه >> ( عس ماشر وش فيه الرجال)
جيت ابي اقفل الكبوت ولا قدرت ، ياولد right , left ( يمين يسار) ولا قدرت.
صراحة حقدت على الموظف ، حسيت انه يتمصخر فيني وقال : هذا فيه ناس تسميه عيب ،الكبوت ما تقدر تسكره إلا لما ترفعه عاليا وتخبطه خبطة ً قويه .صراحه حركه مالها داعي.
هذا ما اردت ان انقله لكم من موقع الحدث كان معكم عبود سليم >> خخخخخخخ
في النهايه نطلع بهالدردشة الطويله بثلاث نقاط :
1- اللون اللؤلؤي للفل كامل عليه طلب واجد و الحق ماتلحق.
2- الستة سلندر قادمة قريبا وبقوه يعني باقل تقدير بداية شهر ذو الحجة أو بعد العيد مباشرة.
3- عيب تقفيل الكبوت.
ابي رايكم ياشباب باللي قلناه وهل اتحرى الستة سلندر؟؟؟
والســــــلام عليكم...:rolleyes:
