استفسار عن طرمبه الدركسون اكورد 2011 من امريكا اونلان !!

السلام عليكم ...

كيف حالكم عساكم بخير وعلى القوه ...

موتري هوندا اكورد 2011 سبيشل 4 سلندر .... ماشي 180 الف ..

قالو الوكاله عندك تهريب في طرمبه الدركسون .. مع العلم ان مافيه صوت لما الف بالدركسون .. وقالو نبي نسوي له اصلاح عشان ماينقط علي الدينمو ويخربه الزيت ..

وتكلفه الاصلاح 400 ريال تقريبا ...

عاد انا الي اعرفه ان هوندا اكورد بالذات اذا خربت طرمبه الدركسون لازم تشتري جديده الاصلاح ماينفع ..


ف اخوي في امريكا وبيرجع بعد 3 اسابيع وفكرت اني اقوله يمر وكالتهم وياخذ طرمبه دركسون كامله ....


ف سؤالي هنا هل فيه فرق طرمبه الدركسون امريكيه على هوندا اكورد 2011 سبيشل .. وايش اسمها بالانجليزي .. وكم تكلفتها تقريبا بدون الشحن ..


وشكرا للجميع

أولا : لازم تتأكد من انه فعلا فيه تهريب من طرمبة الدركسون
الوكالة احيانا داجة
اذكر فيه عضو قالوا له الوكالة فيه تهريب ولازم نسوي اصلاح ولما كشف عليه خارج الوكالة طلع مافيه تهريب

ثانيا الاصلاح ينفع اذا كان شغل اليد تمام
اشتري الاصلاح فقط وصلحه خارج الوكالة في ورش جيدة
يفيدك العضو اكورد 11 عن ورش ممتازة في اصلاح طرمبة الدركسون

وعليكم السلام ورحمة الله وبركاته
طرمبة الدركسون ماتخرب الا اذا اذاكان فيها تهريب اوتنديه مع نقص بالزيت تحت المستوى الادنى لمده طويله وبكذا تتلف الطرمبه نتيجة لتاكل التروس مع الحراره .
أنا اشتريت طقم اصلاح بحدود 100ريال تقريبا مع شغل اليد 100ريال في صناعية ام الحمام (العروبه) ورشه 20 والحمد لله الطرمبه ممتازه ولافيها مشكله
لان الشغله كلها صوف وربلات تغيرها وانتهينا
وعندك كذلك ورشة الجنوب بالصناعيه القديمه ممتازه

اقتباس:

---

المشاركة الأصلية كتبت بواسطة سلطان2020

أولا : لازم تتأكد من انه فعلا فيه تهريب من طرمبة الدركسون
الوكالة احيانا داجة
اذكر فيه عضو قالوا له الوكالة فيه تهريب ولازم نسوي اصلاح ولما كشف عليه خارج الوكالة طلع مافيه تهريب

ثانيا الاصلاح ينفع اذا كان شغل اليد تمام
اشتري الاصلاح فقط وصلحه خارج الوكالة في ورش جيدة
يفيدك العضو اكورد 11 عن ورش ممتازة في اصلاح طرمبة الدركسون

---

الله يعطيك العافيه ..لا انا متاكد فيها تهريب اشوفه ...

اقتباس:

---

المشاركة الأصلية كتبت بواسطة أكــــــــــورد11

وعليكم السلام ورحمة الله وبركاته
طرمبة الدركسون ماتخرب الا اذا اذاكان فيها تهريب اوتنديه مع نقص بالزيت تحت المستوى الادنى لمده طويله وبكذا تتلف الطرمبه نتيجة لتاكل التروس مع الحراره .
أنا اشتريت طقم اصلاح بحدود 100ريال تقريبا مع شغل اليد 100ريال في صناعية ام الحمام (العروبه) ورشه 20 والحمد لله الطرمبه ممتازه ولافيها مشكله
لان الشغله كلها صوف وربلات تغيرها وانتهينا
وعندك كذلك ورشة الجنوب بالصناعيه القديمه ممتازه

---

فعلا كان فيها نقص زيت سابقا .. طيب بالنسبه لطقم الاصلاح من وين اشتريه ؟؟؟؟؟ وكم يستغرق وقت للتصليح ؟؟ انا دوامي حول ام الحمام ف افكر احط موتري عندهم ويصلحونه ..... وياليت الوصف الدقيق بالظبط وانا على تركي الاول وجهي جنوب ...


وهل تنصحني اشتري طرمبه جديده من امريكا ولا ماتستاهل الشغله ؟؟؟

في انتضار ردك وشكرا

انا شريتها من امريكا كلفتني تقريبا 900 ريال مع الشحن ولها ستة أشهر زي العسل لا تهريب ولا صوت

أنا مأنصحك تشتري طرمبه وشغلتها سهله جداا وشغلهم يستغرق نصف ساعه تقريبا
أما بخصوص قطع الاصلاح عندك قطع غيار النعماني بالصناعيه القديمه وفيه محل بن ماضي بصناعية النسيم وممكن بعض الاحيان الاسعار عند الوكاله أقل
بخصوص موقع الورشه وانتا متجه جنوب بعد تقاطع العروبه تتجه للمسار المحلي اخر لفه تلف يمين والورشه ثاني ورشه يسار
اسم المهندس فيصل

اقتباس:

---

المشاركة الأصلية كتبت بواسطة almhrom

انا شريتها من امريكا كلفتني تقريبا 900 ريال مع الشحن ولها ستة أشهر زي العسل لا تهريب ولا صوت

---

عشان كذا قلت اشتري وحده وش وراي .... اجيبها واخليها عندي ..

اقتباس:

---

المشاركة الأصلية كتبت بواسطة أكــــــــــورد11

أنا مأنصحك تشتري طرمبه وشغلتها سهله جداا وشغلهم يستغرق نصف ساعه تقريبا
أما بخصوص قطع الاصلاح عندك قطع غيار النعماني بالصناعيه القديمه وفيه محل بن ماضي بصناعية النسيم وممكن بعض الاحيان الاسعار عند الوكاله أقل
بخصوص موقع الورشه وانتا متجه جنوب بعد تقاطع العروبه تتجه للمسار المحلي اخر لفه تلف يمين والورشه ثاني ورشه يسار
اسم المهندس فيصل

---

وش اسم الورشه اخوي ... وهل قصدك المسار المحلي اصير على الخدمه قصدك ؟؟ ولا اطلغ يمين مع مخرج ام الحمام ؟؟؟

^^^^^^
نعم طريق الخدمه
إسم الورشه : ورشه رقم 20