عرض للطباعة
السلام عليكم ،،
مساء الخير ع الجميع ،،
بدخل في الموضوع على طول ، أنا راح أركب طقم كفرات جديده للسيارة ،
وبما إني مستخدم جديد للهوندا أكورد محتاج مشورتكم في أجود أنواع الكفرات ،،
علماً أن سيارتي أكورد 2008 وأنا أغلب وقتي في الديرة ، ماني راعي خطوط ،،
أنا حدي تقريباً 2000 ريال ،، وأنتظر آرائكم ،،
تبغى كفرات كرف ورساوه عند ال برجستون والمشيلان
تبغي كفرات لينه وثبات مو ذاك الزود عندك تويو وهانكوك
من ناحية التويو سعره الكفر ب 460 ريال السعر ذا برمضان
والهانكوك سعر الكفر 440 ريال
ولك الخيار
وعليكم السلام ..
اخوي انتبه ترا اغلب الكفرات حاليا تجي نوعين ... على سبيل المثال يوكوهاما .. تجي من وارد دبي .. وتجي من وارد اليابان ....
وارد دبي تجي مواصفاتها على ايران وتركيا ... ماتتحمل الحراره... وانتبه للنقطه هذي ..
انا كان عندي يوكوهاما جلست سنه معي وحبلت ..
وتوني شاري كفرات يابانيه 100% من الوكيل نفسه فقط ...
اسمها سويو تومو ... او تومو سويو ... يابانيه ... وسعر الكفر الواحد ب 265 ريال .. ياباني .. مقاس الجنط 16 .. مشالله تبارك الله مافيها صوت ولينه وراسيه في الخط وضمان سنه ..
وصف وكيلها وانت في الرياض .. على الدائري الشرقي ومتجه لمخرج 17 وجهك شمال ... .. اطلع مع مخرج 17 . وخل وجهك غرب ... سيده قبل الاشاره ب 300 متر بيجيك الوكيل على يدك اليمين ..
جرب التويو رووووووووووووووووعة ,,هدووووووووووووووء بس ينعاب عليه شوي بالمنعطفات كفر ياباني 100% اخذته من عند العمودي وعليه عرض الواحد ب 280 ريال مقاس 205-65-15 (جنط حديد) وجوده عالية
ولو تبي اقل شوي فيه النكسن من نفس الوكيل ,,,نفس الكفر بس صناعة كورية ,,,,
ولو اقل ممكن تفكر بالسوميتو ياباني وفيه ناس تمدحه بس صراحة ماجربته
ولو ميزانيتك تسمح مافي احسن من البريجستون بس الكفر الواحد ب 480 ريال
نصيحة اخوية : لا تشتري من محلات الكفرات او من البنشري تراه غالي ويزود عليك بثمن الكفر اقل شي ثلاثين اربعين ريال نفس كفراتي سالت عليه الواحد ب 320 ريال وشريته من وكالته ب 280
وعليكم السلام
اخوي انا انصحك مادامك بالديره ماتبعد احد كفرين
هانكوك ( hankook ) كوري وكيله بن شيهون
رنوي ( runway ) صيني وكيله البعيجان
النوعين هذي اثبتت جدارتهم
ولك حرية الاختيار
الله يبيض وجيهكم يالنشاما ، ماقصرتوا :)
شريت السيارة وكالة قبل سنتين وشهرين
والكفرات اللي جات معها ميشلان انيرجي تايلندي
السيارة الحين ماشية 110 الف كم وحالة الكفرات لازالت ممتازة يعني ماأفكر اغيرها
اعتقد ماراح تحصل على كفر خدوم مثل ميشلان
انا معي نفس سيارتك
تبي رأيي وتريح راسك : ركب من الوكيل قوووودير البولندي
لن تندم على ريال تدفعه فيها
<br><br><font size="4"><b style="color: rgb(62, 62, 62);">انا ركبت سوميتومو واشوفها ممتازة..كفرات ناعمة ولينه وصناعة ياباني تصلح اذا كانت السواقة هادية... يعيش الكفر اكثر من سنتين مع الشمس والكرف والخطوط.... بعضهم يعتبر ليونة الكفر عيب اذا هو يبي سواقة رياضية ..<br><br>اغلب اصحاب البناشر يمدحون هنكوك يقولون يعيش اكثر واقسى من سوميتومو ... سعره عند الوكيل ب 300 ريال .. الوكيل شارع الضباب مقابل المدينة الطبية</b></font><br>اقتباس:
المشاركة الأصلية كتبت بواسطة فتىسدير
<br>
انتبه لحرارهa السرعهw
ميشلان ممتازة وخدووووومه ماشاءالله بس مشكلتها مزعجه في الخطوط الطويلةاقتباس:
المشاركة الأصلية كتبت بواسطة سلطان2020
ميشلان سمعتها فوق واول ما شريت الموتر وهي ميشلان اساسا
سعر الكفر 540
موفق يا غالي
خذ برجستون او ماشيلان او هانكوك انا عن نفسي افضل البرجستون
بس انا مغير الجنط مقاس 18 ماشاء الله السيارة صارت مرتفعة شوية وتاخذ راحتها على الطريق بعد ما غيرت الجنوط احس السيارة صارت احسن من ناحية القيادة واجمل من ناحية الشكل
بالنسبه لميشلان
يجي
3انواع
امريكي
تايواني
ماليزي
وافضل الانواع الامريكي
لكن خذ تاريخ جديد وتكون aaa
عشان تتحمل السرعه العاليه
واذا تبي رخيص عندك
نكسن سعره ممتاز ومناسب لك