محاولت حل مشكلة التنسيم في اكورد 2014
السلام عليكم ورحمة الله وبركاته
لاول مره امتلك اكورد كانت سيارتي يارس كديتها 7 سنوات الحمد لله زي الفل اكيد الراحه فيها متواضعه جدآ من ضجيج وغيره
قررت اشرتي سياره اعلى فئه عشان الراحه والامان والرساوه .. إلخ
اشتريت اكورد واكتشفت ان عزلها سيء جدآ واليارس افضل منها بمراحل لاحط " اليارس افضل منها بمراحل " سالت عن المشكله قالو عيب مصنعي رحت لفرع الشركه في المدينه
قالو طلبنا قطع وراح تجي بعد شهر واجي بعد شهر قبل اصبر شهر زحلقه تصريف لين بعد خمس اشهر تقريبآ راجعتهم قبل اربع ايام لقيت مدير جديد تفاعل معي بجديه واعتذر لسوء الخدمه
وطلب مني اروح فرع الوكاله في جده الجديد " اكبر مركز صيانه في الشرق الاوسط " على حسب كلامهم اتصلنا بالمدير قبل نروح عشان نتأكد من القطع موجوده ولا لا . قال موجوده تعال بكرا الصباح
رحت جده وساعتين ادور على اكبر مركز صيانه في الشرق الاوسط لقيتهم في مكان الله يعلم فيه هههههه خفت على نفسي يارجل . المهم قلتلهم عندي موعد بخصوص التنسيم قال الموظف مافي قطع .! يارجل طيب فين المدير كلمت المدير قال السستم موجود قطع بس المستودع مافي !!!!!!!!
طيب والمشوار اللي جاي منه .؟ ليه تقول تعال .! قال هدي نفسك قولتله اليوم ابي السجن مهزله << زعل
حلوها ومادري من فين جابو قطع وطلع معي المهندس جرب السياره قال فعلآ تنسيم في البابين الراكب والسواق ودخلو السياره الصيانه من الصباح لـ 3 الظهر نمت ف الشركه : (
بعد ما خلصو طلع المهندس يجرب الصوت زاد .! ايش هذا ياصديق .؟ قال هذا مافي تنسيم هذا هوا اضرب في بودي طبيعي الهمدلله سياره انت كويس .!!
لعنت الله على بليسك الصباح الصوت اخف من كذا بكثير تقول هذي مشكله والحين تقولي طبيعي والصوت اضعاف ماكان عليه .!!
رجعت للموظف شوف الرد العبقري قال انت في عقلك الباطن ان المشكله موجوده بس المشكله انحلت خلاص وانت مازلت تفكر فيها عشان كذا ماحسيت انها راحت .!! ههههههههههههههه استهبال قسم
طيب تعال جرب معي وشوف العقل الباطن . قال هذا شغل المهندس مو شغلي هو مختص بالشي هذا
طبعآ بحكم عملي والتعب اللي انا فيه رجعت المدينه واتصلت في التجاره وقدمت شكوى واتصلت في الرقم المجاني حقهم وقالو روح لفرع المدينه واحكيلهم كل اللي صار وراح يحلوها لك واذا ماحلوها ارجع اتصل فينا ونشوف حل ثاني لمشكلتك
وانا لله وان اليه راجعون