فزعتكم :( صوت بالكفر الامامي الايمن مثل صوت الرمان وغيرته اصلي والصوت مثل ماهو

السلام عليكم

شباب ابي الفزعة واللي مرت عليه الحالة ياليت يفيدني
سيارتي اكورد 2007 ستاندر ماشية 260 الف

قبل فترة كان فيها رجة بالعكس وشحمته ومشى معي ابو شهر ورجعت الرجة
واضطريت اشري عكوس جديدة كاملة من خارج المملكة وركبتها ومشت الامور تمام
سافرت الشرقية ورجعت والامور تمام بعدها بيوم طلع لي صوت مثل صوت الرمان على سرعة 110 او اذا فيه منحنى يسار تسمعه بوضوح (وووو وووو ووو ووو) مع دعسة البنزين فقط
دخلتها الوكالة فحصوها قالوا لي الرمان بلي وغيرته عندهم اصلي .. طلعت السيارة من عندهم وكنت اسمع الصوت بس خفيف قلت يمكن اني موسوس
واليوم الثاني رجع الصوت مثل ماهو ولا كأني سويت شي وجلست شهر مع الوكالة رايح جاي
قالوا لي من الكفرات وغيرت الكفرات وبرضوا الصوت مثل ماهو
المهم اني تعبت من الوكالة ومريت ورشة 20 بأم الحمام وجربها الفني وقالي رمان قلت توني مغيره قال احتمال ماكبسوه صح وخرب
وشريت رمان جديد وركبته وما زال نفس الصوت :(
هل احد مرت عليه نفس الحالة وهل العكس يطلع صوت مثل كذا ؟

اسف على الاطالة وياليت القى حل :(

عليكم السلام ورحمة الله وبركاته
العكس اليمين اذا فيها مشكله وانت في منحنى يسار تسمع طقطقه والعكس سليم .
افحص البطانه السفليه احتمال يحك بالكفر وتسمع ونه مع السرعه يرجع للوراء .

اقتباس:

---

المشاركة الأصلية كتبت بواسطة أكــــــــــورد11

عليكم السلام ورحمة الله وبركاته
العكس اليمين اذا فيها مشكله وانت في منحنى يسار تسمع طقطقه والعكس سليم .
افحص البطانه السفليه احتمال يحك بالكفر وتسمع ونه مع السرعه يرجع للوراء .

---

مشكور يالغالي ...انا فكرت اني ارجع العكوس القديمة تبع الوكالة (مازالت عندي) وبغير الروؤس الاربعة وبركبها وبشوف يروح هالصوت او لا
انا مثلك اشك ان فيه شي يحك بالكفر او الفلنجة ويطلع هالصوت لان لما يكون الخط مو مستوي (طلعة ونزلة) تسمعه يجي ويروح
بجرب اغير العكوس اليوم والله يسهلها

اذا سمعت طقطقه لما تلف اقصى اليمين او اليسار من الراس حق العكس
حصلي مشكله مشابهه شوف موضوعي توني كاتبه

وش نوع قير السياره ووش اخر صيانه تمت للقير

انت تقول مع دعسة البنزين فقط ورمان الكفر يطلع صوت مع دعسة بنزين وبدون للمعلوميه لان الكفر يدوور بكل الاحوال

هو في احتمال يكون من كورونا القير او الدفرنس الامامي ويكون مدمج مع القير .. خاصه لو سيارتك قير عادي وغيرت زيته بعد مسافه كبيره

عموما لقطع الشك باليقين ... شوف ورشه ترفع لك السياره وتعشق وتمشي وكل شي يبااان معك سواء من ناحية القير او ناحية الكفرات.

اقتباس:

---

المشاركة الأصلية كتبت بواسطة متصفح

وش نوع قير السياره ووش اخر صيانه تمت للقير

انت تقول مع دعسة البنزين فقط ورمان الكفر يطلع صوت مع دعسة بنزين وبدون للمعلوميه لان الكفر يدوور بكل الاحوال

هو في احتمال يكون من كورونا القير او الدفرنس الامامي ويكون مدمج مع القير .. خاصه لو سيارتك قير عادي وغيرت زيته بعد مسافه كبيره

عموما لقطع الشك باليقين ... شوف ورشه ترفع لك السياره وتعشق وتمشي وكل شي يبااان معك سواء من ناحية القير او ناحية الكفرات.

---

القير اتوماتيك .. وتغير الزيت كل 40 الف كيلو .. وتوني مغيره لكن للمعلومية الصوت موجود فيها من قبل لا اغير زيت القير ..

حاليا انا متوهق لان ما حصلت عكس كامل بسبب ان عمود العكس القديم والجديد اللي ركبته كلها فيها اعوجاج بسيط.. والتشليح ماحصلت شي نظيف ..

واحتمال اني اطلبه من الوكالة لكن مو موجود عندهم ويبون يطلبوه من اليابان وبياخذ له شهر الين يوصل...

اكوود

بالالتفاف اقصى اليمين او اليسار ما يطلع اي صوت ..

الحمدلله،
اليوم مريت محل النعماني وشريت عكس كامل يمين ويسار ياباني
وركبته وابشركم اختفى الصوت :)
اللي اخرني ان ما كان عنده الا صيني والسوق كله حتى الوكالة مافي لا اصلي ولا ياباني
وحتى الياباني يقولي انهم منزلين دفعة بسيطة والا هو مقطوع من شهرين

الحمدلله .. والف شكر لكل الشباب اللي ساعدوني بردودهم ..