هل هنالك حل لمشكلة تنسيم الهواء في الهوندا الأكورد 2014 ؟ الصوت مسبب لي قلق بصراحة
هل هنالك حل لمشكلة تنسيم الهواء في الهوندا الأكورد 2014 ؟
الصوت مسبب لي قلق بصراحة
رحت للوكالة فرع خريص وشرحت لهم المشكلة بالضبط
وطلع معاي المهندس وساق السيارة وتأكد من وجود التنسيم
وجلست السيارة عندهم يوم كامل
ويوم جيت أستلمها ، قالوا خلاص غيرنا الجلد وضبطناها
المهم طلعت مبسوط وكلي أمل بأن لا يعود ذلك الصوت المزعج إلى مسامعي
والله وأمسك خط صلبوخ بإتجاه الشمال ويطلع الصوت بعد 120
قلت يا ليل الليل ، يستهبلون وإلا وش قصتهم ذولا !!
والله وأكلم مدير الصيانة حقهم المهندس شريف صلاح الدين على جواله
وقلت له السالفة من طقطق للسلام عليكم ..إلخ
تتوقعون وش رد علي يا جماعة الخير ؟؟
قال بص حضرتك إنتا لما بتمشي بإتقاه الشمال حيقيك الهواء إللي قاي من رفحاء وسكاكا
قلت أيووووووه وبعدين ، وأنا فيني الضحكة ههههههههههه
قال ولما بيقيك الهواء ده بيكون قوي وشي طبيعي بيكون فيه صوت ارتطام مش تنسيم
قلت آها ، وبعدين ما فيه حل قصدك لهالمشكلة ؟؟
قال بينما لما بتمشي حضرتك بإتقاه الشرء (يقصد الشرق) حيختفي الصوت تماما
ومستحيل أبدن إنك حتسمعه ولا 1 بالميه
قلت مشكوووور مشكوووور وما قصرت ، بصراحة إني صدقته أو إنه طقطق علي
والله وأمسك خط المطار ويطلع نفس الصوت يا ليل الليل
قلت يا ولد إمسك خط مكة بإتجاه الغرب ولا تردك إلا المزاحمية والله ونفس المشكلة
يا ليل الليل شكله يقصد خط الجنوب إللي ما فيه تنسيم ههههههه
وش رايكم عاد أمسك خط الوادي وأجرب وإلا أروح أتفاهم معه ههههههه
لا لا جد أبي حل لهالمشكلة إللي بصراحة كرهتني بالموتر
موتر فل كامل أصفار طاقه بميه وخمس طعشر ألف كااااش وآخرتها تنسيم !!
والله قهر ، يا ليت إللي عنده حل يعلمناه
