عرض للطباعة
السلام عليكم
يا أخوان أنا عندي أكورد 2008 لكن والله ذبحتني بالقساوة
خاصة على عيون القطط اللي بالشارع فصارت مزعجة جداً
لي ذي القساوة
وأبي أغير مساعدات لينة
ففكرت أركب مساعدات كامري بس مدري تركب أم لا
المهم أبي حل للقساوة
نبي نسمع تجاربكم وخبراتكم
وحبيت أقلكم شغلة أنا مركب كفرات من ألين نوع والمساعدات شد بلد سليمة
قساوه تجي من كفرات هذا اللي اعرفه
ركب كفرات تويو لينه ورخيصه
اما مساعدات اشوفها مالها دخل في قساوه
ع اللي اعرفه
وانشاء الله باقي شباب يفدونك
أنا مركب كفر من عند نفس وكيل تويو أسمها نيكسن ومجربها لينها في سيارتي الأولة
وسيارة أخوي لكن العيب في السيارة فيها قساوة ماعمري شفتها بسيارة قلت أرهم وأغير
المساعدات يمكن تضبط
وعليكم السلام
اذا تسمع اصوات مزعجه على عيون القطط مشكلتها من مسامير الكليبر بعد مدة تتمدد مع الحراره وبكون فيها فضاوه وتسمع اصوات القربعه وتقدر تغيرهم وتختفي الاصوات المزعجه
ولكن اذا تقصد التعليق هذي طبعا ضريبة القساوه من ثبات ورساوه بالسياره وذلك لوجود اربع مقصات بالامام ومقصين بالخلف
تعليق الاكورد مشابه تماما بالصوره
http://im50.gulfup.com/GaTXfX.jpeg
الله يجزاكم خير خلاص أنا قررت أبيعها
ايش السبب؟
لو غيرت المساعدات يمكن تخفف في المطب,
شف أي مساعدات "زيتية" ألين من المساعدات الغاز,
أعتقد ان مساعدات الأكورد غاز وهذا من أسباب قساوتها ورساوتها وثباته,
فيه شركات كثيرة وموثوقة
كي واي بي أشهرهن وهي شركة يابانية تصنع مساعدات تويوتا حسب ماقريت,
أسعارهن حدود الـ190 للحبة,
إذا غيرتها علمنا وش تغير معك.
السيارة ما شاء الله عليها أعجبتني في ثباتها وصرفيتها
وعزمها لكن القساوة صارت مزعجة لي
بس انا رحت المكانيكي قال ماتركب مساعدات الكامري بس بسأل عن المساعدات اللي
قلتها واركبها إن شاء الله