حل مشكلة الصوت المزعج في طرمبة الدركسون
بسم الله الرحمن الرحيم
السلام عليكم ورحمة الله وبركاته
أسعد الله صباحكم /مسائكم بكل خير وتحية طيبة لأعضاء نادي محبي هوندا .من زمان عن المواضيع الشيقة
في البداية عند تشغيل السيارة في الصباح الباكر وقت الشتاء تحديداً ظهرت صوت الحنه في طرمبة الدركسون والصوت مستمر والسياره حاميه .
طبعاً مستوى الزيت ممتاز وهناك صوت لما ألف الدركسون يمين ويسار والسياره واقفه من حسن الحظ أن الدركسون خفيف وبكذا تطمنت أن الطرمبة مافيها مشكله بعكس لوالدركسون ثقيل تحتاج تغير الطرمبه.
فتحت علبة الزيت للدركسون لاحظت ظهور فقاعات في علبة زيت الدركسون مشيت على السياره والزيت في علبة الدركسون يفيض وينسكب برا العلبه .
مالكم بالطويلة شيكت على الربلة الدائريه في طرمبة الدركسون وسليمه ؛بالأخير المشكلة من الليات ناشفة وقاسية والقفيز مايقفل تمام مما يسمح في دخول الهواء مع الليات إلى الزيت وأيضاً أربع سنوات من شريت السيارة ماغيرتهم (أكورد2011).
سعر الليات واحد قصير والثاني طويل ب70 ريال أصلي من موزع معتمد.
إعذروني على الإطالة لأن إخواننا بحاجة للمعلومات من إستغلال الميكانيكيين لجهلهم بالأمور ويقولك الطرمبة خربانة .
تحياتي
أكـــــــــــــــــــورد 11
