صيانة ال 100 ألف اتمنى الإفاده

بسم الله الرحمن الرحيم


السلام عليكم ورحمة الله وبركاته

ياشباب عندي اكورد 2012 والآن واصله 100ألف

فهل تشيرون عليه اعمل الصيانه في الوكاله ؟ وكم تكاليف الصيانه في الوكاله وماهي الامور التي سيقومون بعملها في صيانة ال100 الف؟


وبالنسبه

ماأنصحك تسوي الصيانة في الوكالة
الناس تسوي الصيانة في الوكالة خايفين من سالفة الضمان
لكن ضمان سيارتك انتهى خلاص

أنا أشوف ماله داعي تسوي صيانة عامة والسيارة ماتشتكي من شيء
عندك فلتر الهواء شيك عليه اذا يحتاج تغيير او لا
البواجي ماأنصحك تغيرها الحين
اتركها لين 150 الف على الأقل او 200 الف على الأكثر
فلتر البنزين كذلك مايحتاج تغيير ماعمري سمعت بأكورد احتاجت تغيير فلتر بنزين على 100 الف كلهم غيروها بعد الـ 300 الف
شيك على سير الماكينة الخارجي اذا يحتاج تغيير او لا

عليكم السلام ورحمة الله وبركاته
الاشياء المطلوب عملها كالتالي :
1-فلتر الهواء يستبدل كل 20الى 25 الف وأنصحك بالابتعاد عن فلتر الوكاله واستخدام فلتر afe آمن وعمر أطول
2- فلتر المكيف كل 50 ألف
3- زيت القير زيت هوندا ثلاث علب وربع العلبه مع الفلتر الخارجي
4- البواجي لاتستعجل بتغييرهم انا اوشكت على ال200الف وسليمه مافيها تقطيع بالكهرباء
الوكاله تقولك كل 100ألف وقائيا ولا عمرها أطول بكثير
5- افحص الفحمات الاماميه والخلفيه
6- انصحك بتشحيم العكوس كل 100الف .أنا لما فكيت الجلد للعكوس مويه سوداء مافيها شحم ومنها تحافظ عليهم مده أطول
7- عشان تحافظ على سيارتك غير فلتر البنزين كل 80 ألف .الفتره اللي أغيرهم فيها البنزين لونه أسود وش تتوقع منه لمايوصل لغرفة الاحتراق بيتجمع الكربون وبيوصل للكنداسه ويخرج مع عادم السياره وحدث ولاحرج بالمحطات اللي عندنا وانت براحتك ..
8- افحص طرمبة الدركسون ودودة الدركسون أسفل الباكم للفرامل مايكون فيهم تهريبات زيوت .
9- موية الراديتر نوع هوندا TYPE 2 لونه أزرق يتغير إجباري كل 200ألف أو خمس سنوات
وإختياري كل 100ألف .
10- سير الماكينه غيرتها احتياط قبل 200ألف ولاحظت تشققات بسيطه لاتذكر .

الله يسعدكم ياشباب ماقصرتوا

بس يااخ اكورد

الآن تكلفة تغيير الزيت مع الفلتر للقير في الوكاله بكم؟

والتشحيم الخاص بالعكوس بكم في الوكاله ؟

وفحص الفحمات وكشف تهريب الزيوت بكم في الوكاله؟

الله يسعد أيامك
آخر مره تعاملت مع الوكاله صيانة 1000 و5000
تغيير زيت القير مع الفلتر والفحمات وتشحيم العكوس في ورشه أتعامل معاهم