استفسار طويل شوي ,,,,

بسم الله الرحمن الرحيم

اخواني خبراء هوندا انا معاي هوندا اكورد موديل 2005 في الدمام السياره ماشاء الله كانت ميت فل وعشره وفجاه بدت السياره ترفع الضغط من بعض الخرابات اللي محد عارف وش حكايتها وهي كالتالي

1- السياره فيها حذفه ومو راضيه تتعدل مع تجربة جميع انواع الموازين

2- علبة زيت الدركسون صلحتها وغيرتها ومع كذا لسا تهرب

3- السير كل شوي ينقطع وما اعدي الا 6 شهور ويحتاج تغيير

4- غيرت كراسي مكينه اصليه ومساعدات ومع كذا لسا في صوت مع المطبات

5- احيان اللمبات تعلق وما ترضى تطفي الن افصل الفيوز وبعد فتره ترجع الفيوز وتشتغل طبيعي

6- وهذي المشكله الادهى والامر وانا ماشي فجاه السياره كلها تطفي وتشتغل من حالها واحيان قليله تطفي نهائي


اللي يعرف حل للمشكلات اللي فوق ياريت يفيدنا ,,,,,, انا نويت ابيع السياره فهل تنصحوني بكذا او اصلحها واكمل فيها واذا بعتها كم تقريبا بتجيب مع انها محتاجه رش وفين افضل سوق الدمام ولا جده من هالناحيه وايش تنصحوني مع العلم اني امسك خطوط كثيروالسياره ماشيه قريب 300,000




ادري اسئله واجد بس ياريت توسعون صدوركم وتتحملوني وكل عام وانتو بخير

1- لازم تتأكد من وزن هواء الكفرات ، الوكالة تنصح بوزن 32 لهواء الكفرات ( هذا خاص بالاكورد ) سوي ميزان الكتروني امامي وخلفي بـ 200 ريال وخذ ظمان شهر او شهرين على الشغل

2- علبة زيت الدركسون قصدك المجموعة او الطرمبة (ممكن توضيح اكثر ) طبعاً هذا احد عيوب هوندا من زمان

4- تأكد من كرسي المساعد و مقص المساعد روح عند اي مربط ويفيدك

5- طبعاً هذه المشكلة موجودة في الاكورد 2005 ، تغيير قاعدة الفيوز اللي عند المكينة " طبعاً اكثر الكهربائين قالو تغيير القاعدة" او تغير كتاوت النور اصلي وتنظف القاعدة

6- هذه صارت مع اخي غير طرمبة البنزين ، والافضل لك روح ورشة متخصصة بهوندا