سلف أكورد 2013 ( المشكلة والحل )
السلام عليكم ورحمة الله وبركاته
سيارتي أكورد 2013 استاندر
بدت معي مشكلة السلف بعد ممشى 80 ألف وهي كالتالي:-
عند التشغيل تسمع صوت (تشك ) وما يدق السلف اكرر تشتغل طبيعي صارت تزيد يعني بالأول من ثاني مرة تشتغل صارت تزيد التكرار.
رحت للوكالة بحكم السيارة تحت الضمان وكانت ماشية 95 ألف المهم قالوا لي لازم تسوي صيانة الـ 100 ألف حتى ندخلها الضمان أنا ما كنت أسوي صيانة آخر مرة سويتها 30 ألف .
المهم هذا عذر أقبح من ذنب انك تسوي صيانة عشان ندخلها ضمان لأن واحد صارت لك مشكلة وهو متابع الصيانة معهم لقيتهم يواعدونه على الصيانة القادمة حتى يشييكو ويحددوا وين المشكلة نفس وضعي ياللي ما اسوي صيانة .
كانت قيمة صيانة الـ 100 هي 2400 ريال , أدفعها لهم وبعدها يشخصون المشكلة هي يغطيها الضمان أو لا .
قلت 2400 اشتري سلف جديد وأكون حليت المشكلة من أساساها .طبعاً بحكم خبرتي بالكهربا عارف ان المشكلة بدقمة السلف .
رحت وفكيت السلف بنفسي ولقيت المشكلة مثل ما توقعت
كما بالصورة
http://saudiping.com/wp-content/uploads/2015/10/old.jpg
هنا القطعة النحاسية متآكلة
http://saudiping.com/wp-content/uplo...9572855628.jpg
بحثت بالنت وشفت السلف جديد بقيمة 333 دولار
الجميل اني لقيته ينباع على شكل قطع حددت القطعة وطلعت بـ 26 دولار تقريبا 100 ريال سألت عنها بالوكالة قالي بـ 200 وطلبية 3 ايام .
توكلت على الله وطلبت القطعه أخذت 2 عشان الشحن نفس التكلفة ووصلتني بعد 13 يوم
القطعة القديمة سويت لها صنفرة وصبطتت تمام ويعد ما وصلت القطعة الجديدة على طول ركبتها والحمدالله الامور تمام
كلفتني قطعتين 304 ريال واصلة عندي .
هذي القطعة الجديدة
http://saudiping.com/wp-content/uplo...3120fd2ad1.jpg
رابط القطعة
هنا
اقطعة الثانية موجودة عندي لو احد احتاجها .
تركب من موديل 13 الى 15
تحيتي,,,
