-
رجة بالسيارة كلها
السلام عليكم جميعا
والله يا شباب سجلت بالمنتدي لاني شفت ماشالله تبادل الخبرات فيه ممتاز
مشكلتي بالهواندا اكورد 2004 سياحي ، قبل اسبوع صارت السيارة ترج على سرعة 80 لدرجه اني ما اقدر اكمل لسرعة 100 من قوة رجه البودي ،،، ارجع اكرر البودي يرج الدركسون مايرج ، وتجي مع الدعسة يعني لو اشيل رجلي من البنزين تروح الرجة.
اللي سويته للحين
1- غيرت بواجي
2- غيرت 2 كفر قالوا انها موب كويسة ، غيرت 2 جديد حطيتهم قدام ورجعت 2 ورا مع ترصيص وميزان ( بصراحه ماشفت اي مشكلة بالكفرين الباقيات وقلت حرام اغير عالفاضي يكفي الاثنين اللي غيرتهم).
3- كشفت على كراسي القير والمكينة كويسة مافيها شي.
3- العكوس عندي مافيها صوت ولا ارتخاء.
والله تعبت جدن صراحه الرجه موب طبيعيه تحس انك بتطير من السيارة ، مع العلم ان وهي واقفة مافيها اي مشكلة ابدن ابدن
اللي عنده فكره عن المشكلة او يعرف ورشة اروح لها بالرياض جزاه الله خير.
نسيت اقول ان لمبه التشيك انجن ولمبه abs والعات عندي لكنهم والعات من زمااان قبل الرجه بكثير.
-
عليكم السلام ورحمة الله وبركاته
حياك الله يالغالي
هل ضربت رصيف لاسمح الله اوسويت حادث على السياره !
هل الجنوط اصليه اوتجاريه!
هل فحصة العكس الداخلي الموصول بالقير من جهة الراكب غالبا ماتكون الرجه الاعند الدعس .
لمبات الabsافحص الاسلاك خلف الكفرات الاماميه محتمل متقطع ولايعطي امر للكمبيوتر
-
حياك الله يخوي
رصيف لا ... يمكن السواق وصراحه بسأله
الجنوط اصلية وكاله
العكس الداخلي كيف يفحص ؟ اذا كان مجرد من النظر الخارجي تحت السيارة ففحصها الفني يقول مافي شي
بالنسبة لموضوع abs موب شايل همه انا المهم الرجه ذي تروح
جزااااك الله خير عالمشاركه
-
الرجة لازالت موجوده الحقونا با اخوان
رحت اليوم ورشة الجنوب بالصناعية قال رح افحص كمبيوتر بالوكاله ...
-
لازم يفك العكوس الداخلية ويكشف عليها أحتمال يكون ناقصه شحم وتحتاج تشحيم وهذا يسبب رجه .
[Output: 5.71 Kb. compressed to 5.57 Kb. by saving 0.14 Kb. (2.50%)]