مشكلة الثروتل انتبهو منها + مشكلة
السلام عليكم و رحمة الله و بركاتهاسعد الله صباحكم \ مسأكم بكل خيراملك هوندا اكورد 2013 نص فل واجهتني مشكله غريبه جداً شغلت السياره بدون اي مشكلة ( لمبة المكينه طافيه) و رحت لمشوار قريب و بعد نص ساعه رجعت أشغل السياره تشتغل بعدين ينزل الـRPM و تطفى السياره تقريباً ما تكمل ثانيه و تطفى
حاولت اكثر من مره ونفس المشكله فصلت البطاريه ولا فيه فايدة , فحصت السياره عن طريق OBD 2 فـ اعطاني كود المشكلة P2101 فـ تفاجأت بعد البحث عن الكود هذا له علاقة بـ "Throttle actuator control module range " اي بمعنى الثروتل فيه مشكله طبعاً كنت مستبعد بوابة الثروتل
لان الي أعرفة لو بوابة الثروتل متسخه و فيها شوائب يكون فيه تفتفه في السياره و اذا دعست بنزين المفروض السياره تشتغل لاكن ما اشتغلت فصلت البطاريه لمدة نص ساعه ولا فيه فايدة شيكت على علبة الفيوز لاكن ما حصلت فيوز له علاقة بالثروتل و فصلت حساس الهواء لاكن بدون فايدة , فوضت امري لله
وقلت اكيد المشكله فيها حساسات و بحكم قلة خبرتي لجأت لأخر حل وهو اني اجيب كهربائي و شيك على السياره و قال اذا دعست بنزين الثروتل ما يفتح يعني المشكله من الثروتل و فعلا فتح الثروتل و اشتغلت السياره !!!
الحمد لله نظفت الثروتل و الامور طيبه طبعا الي حاب ينظف الثروتل لازم يستخدم بخاخ خاص بالالكترونيات و يتجنب اي شيئ ثاني
اخيراً قالي الكهربائي ان السيارات الجديده اذا كان الثروتل متسخ ما تشتغل السياره فـ انتبهو يا اخوان
عموماً يوجد عندي مشكله حالياً وهي اذا قفلت السياره او فتحتها الاشارات ما تشتغل ( طبعاً اذا دقيت اشاره تشتغل مافيه مشكله ) ما ادري هل هي فيوز ولا برمجة و اذا ظغت زر القفل مرتين ما تقفل الدريشه لاكن اذا ظغطت زر فتح القفل مرتين تفتح الدريشه طبيعي
اتمنى تساعدوني
شكراً لكم
