عندي مشكلة في كهرباء هونداء اكورد 2013

السلام عليكم ورحمة الله وبركاته
مساكم الله بالخير
قبل لااطرح مشكلتي يشرفني انضم لكم
المشكله طال عمركم في الكهرباء الانوار ترمش ارماش غير عادي مع تبديل المكيف ترمش وتروح وعلى ها الموال رحت الصناعيه وقالوو لي دينمو رح جيب دينمو وبطاريه
ما اقتنعت وسويت فحص كمبوتر ولا طلع شي كل شي سليم ورحت حق كهربائى ثاني وفحص الكهرباء بجهاز الفحص الي عندهم المهم يقول الدينمو كويس والبطاريه فيها ضعف رحت وغيرت البطاريه ومازالت المشكله مستمره في الارماش مع تبديل المراوح ترميشه قويه وليست العاديه الي مثل الوكاله ارجووو الافاده يا اخواني او اذا تعرفون كهربائي كويس دلوني عليه
لان قيمت الدينمو نااااار 4190بعد الخصم والدينمو سليم

جرب نظف الإصبع الي يركب ع البطارية نظفه كويس برشه أو سفن افركه بقوة وحاول تقشر الطبقة الي عليه بسكين وان شاء الله تنحل المشكلة

جرب نظف الإصبع الي يركب ع البطارية نظفه كويس برشه أو سفن افركه بقوة وحاول تقشر الطبقة الي عليه

نضفت الاصبع ومازالت المشكله
تجي على خفيف
وبعدين المشكله تجي مع المكيف اذا كان شغال
بس اذا هو طافي ماتجي

اقتباس:

---

المشاركة الأصلية كتبت بواسطة تركي المطيري

نضفت الاصبع ومازالت المشكله
تجي على خفيف
وبعدين المشكله تجي مع المكيف اذا كان شغال
بس اذا هو طافي ماتجي

---

طيب يمكن من نفس الواير الي يجي مع الصبع أتوقع المشكلة منه بس مو أكيد شوف لك كهربائي كويس يشيك عليه وإذا مانفع مالك إلا تروح الوكالة

حياك الله

ودنا نعرف قبل حجم البطارية اللي غيرتها
النور حق الوكاله او مركبه
هل انت مركب إضافات كهربائيه شاشه سماعات كشافات
بعدين من قالك ان دينمو الاكورد بالسعر اللي ذكرته ونادر ما يخرب ترا له فحمات ورمانات تغير اذا احتاج عكس تويوتا

دامها مع تشغيل المكيف أكيد تكون حول الكمبروسور او مراوح التبريد ,
اذكر صارة مع واحد مشكلة مشابهة لها وطلعت المشكلة من حساس المروحة وغيره وضبطت معه.
خل تركيزك عند المكيف وبتلقى المشكلة باذن الله

السلام عليكم
يااخواني المشكله تصير مع تشغيل الكيف
وتذكرت اني شيكت على الفريون ولقيته ناقص وسويت له زياده فقط
من بعدها جاتني ذا المشكله

عندي نفس المشكلة معي اكورد 2015 بس تجي
ترميشه خفيفه بروح الوكاله اليوم واذا اعطوني الحل بقولك