السلام عليكم ورحمة الله
شهركم مبارك جميعا ..
استفسار
معي اكورد، إذا جيت اشغلها تشتغل المرواح مباشرة وما تطفى إلا إذا طفيت السيارة..
- هل إذا تركتها على هذا الوضع فيه اشكالية؟! وهل يؤثر على عمر المراوح؟
عرض للطباعة
السلام عليكم ورحمة الله
شهركم مبارك جميعا ..
استفسار
معي اكورد، إذا جيت اشغلها تشتغل المرواح مباشرة وما تطفى إلا إذا طفيت السيارة..
- هل إذا تركتها على هذا الوضع فيه اشكالية؟! وهل يؤثر على عمر المراوح؟
غير كتوت المروحه وبتدعيلي باذن الله
السلام عليكم..
أنا بصراحة ما ودي أغيرها إذا مافيه ضرر عالسيارة، مريحتني بحر الرياض ما ترتفع الحرارة :)
عشان كذا سألت هل استمرارها فيها ضرر عالسيارة أم لا؟
المراوح الكهربائية مصممه بأنها تشتغل عند الحاجه
يعني تشتغل اذا :
- ارتفعت الحرارة شوي بدرجه معينه
- اذا شغلت المكيف
إذا المكيف طافي عندك يعني ما نسيته شغال .. والمراوح شغاله طول الوقت بإستمرار ما تطفى أبد مع أن المكيف طافي .. يكون عندك مشكله
وإذا خليتها على هالحال شغاله طول الوقت من يوم تدق سلف ألين تطفي السياره = أحتمال تقلل عمر المراوح + تزيد الضغط على كهرباء السيارة و دينمو الكهرباء على غير فائدة
لأن السيارة إذا كان المكيف طافي والسياره تمشي بسرعه متوسطه يعني الراديتر يجيه هواء كافي .. ما تحتاج مراوح بشكل كبير
إذا أنت شاريها مستعمله يمكن اللي باعها عليك مخلي المراوح تشتغل مع دقة السلف يعني تكون شغاله دايم - مسوي لها ترهيم أو تعديل بأسلاك المراوح أو كتاوت المراوح
أو
يمكن الحرارة ترتفع عندك و تحتاج تغير ماء الراديتر
و تشيك على غطاء الراديتر
تفرغ أو تفضي كل ماء الراديتر القديم وبعدين تعبيه ماء مقطر لحاله عشان تسوي له زي الغسيل وتستخدم السياره لكم مشوار قصير ثم تخليها تبرد
وتفرغ الراديتر مره ثانيه بالكامل
ثم تعبيه ماء راديتر تويوتا أو ميتسوبيشي الأحمر
بعد ما تعبي الراديتر بالكامل ؛ تشغل السيارة وتزيد الراديتر كل ما نقص ؛ وطبعا تكون حاط محقان
http://images.oreillyauto.com/parts/...tl/10714wr.jpg
وتضغط على اللّيات أو الهوزات عشان تخلي فقاعات الهواء تطلع وتخلي السياره شغاله شوي
ثم إذا تأكدت أن الراديتر فل وأغلب أو كل فقاعات الهواء راحت سكر الغطاء
وخل عينك على عداد الحرارة لأنك إذا ما عبيت الراديتر زين ممكن ترتفع الحراره
الإحتمالات كثيره :
- إذا أنت مشتريها مستعملها يمكن راعيها الأول مخلي المراوح تشتغل مع تشغيل السياره
- يمكن من حساس الحراره
- يمكن من كتاوت المراوح
- يمكن الحرارة عندك مرتفعه شوي عن الطبيعي .. يمكن تحتاج تغير ماء الراديتر
أبدأ بالأسهل والأرخص ثم الأصعب والأغلى
وبالتوفيق ان شاء الله