هام / خطأ مصنعي لكل من لديه اكورد سارع بالدخول

السلام عليكم ورحمة الله تعالى وبركاته هذا رقم الوكالة بالدمام مع التحويلات . 03/8473000 Ext: 515, 516, 522, 525 موقع الوكالة .. تقع الوكالة بعد إسكان الدمام بإتجاه الخبر .. فاللي يعرف أحد يبلغه .. ويدعي لي .. حمانا الله وإياكم .. من كل سوء .. تم الاتصال بالوكاله والخبر صحيح --------------------------------------------------------------------------------لمن لديه أو يعرف أحد لديه سياره (( هوندا أكورد )) موديلات 2003 و2004 و 2005 و 2006يوجد خطأ مصنعي في تصنيع ليات الدركسون قيمة القطع 3000 ريال يتم تغييرها مجانا من الوكاله لا بد من التنسيق مع الوكالة وأخذ موعد ليتم تغييرها قبل إنتهاء الفتره المحدده . أرقام الوكالة في مدينة الرياض وكالة هوندا طريق خريص 4454646-01 وكالة هوندا الخالدية 4464646-01الأرقام لكي يتم التأكد والإتصال وحجز موعد ،،،،،،،،،،

مشكور يا الغالي

يعطيك العافيه على الموضوع ..... كلامك صحيح .. وتم الاتصال بالوكاله بالرياض واستقبلوا السياره وقاموا بالواجب ...

قدييييييييييييييييييم جدا جدا جدا جدا جدا ...

على كل حال مشكور على حرصك ...

والله يجزاك خير على اهتمامك ..

مشكور على هتمامك لاكن الخبر قديم

يقفل الموضوع

كح كح
وش ذا العج :mad:
اخبر كان في نفس الموضوع مثبت في احد الأقسام :)
عالعموم ان شاء الله الاعضاء الجدد اللي ما عندهم خبر يستفيدون ;)
مشكووور أخوي فقير الحظ :cool:.

معليش ياجماعة الخير انا اليوم وصلي هالخبر بالايميل وبصراحه أول مره يمر علي قلت انقله لكم :) طيب الحين لو اوديلهم سيارتي 2007 يصلحونها ؟

اي اكيد ... تره الخبر مو في كل الاكوردات ...

يعني الخلل احتمالية وجوده كبيره ولكن مش مضمونه في كل سيارة !

طبعا التصليح اخي العزيز يكون على طول مع اي صيانه .. :cool:

واي سؤال انا حاضر

اللي اخبرة ان الخلل في الموديلات من 2003 الى 2006 فقط .

مشكووووووووووور يا الغالي على الموضوووع

والاخوان لمن يقولو قديم ترى المسالة مزح يا الغالي عاااد هوندا موااانه >>>يلطف الجو بسماجه

ومشكووور

صحيح الخبر قدييييييييييم................... بس يعطيك العافيه واضن انه سيارتك ماتحتاج تغيير لليات لانه الخبر نزل قبل 2007 بس اذا غيروه خير وبركه (ماانت بخسران شي)

بس الحركه هذه تدل عل مصداقية الوكيل مع زبائنه

مهو مثل بعض الوكلاء............... (من قال ابو جميل:mad:)

الله يعطيك العافية ذكرتني الله يذكر الشهاده وشكراً

تو الناس :d .... لكن هذا يدل انك انسان طيب وتحب الخير لغيرك:)

يعطيك العافية

شكرا :d

مع احترامي للهوندا كل فتره عيب انتاج خصوصا الاكورد ودي نسوي احصائيه لااكثر السياراات المنتشره عندنا في السعوديه مثل الاكورد الكامري ولالتيما الاوريون التشارجرالمكسيما الخ.. توقعي ان الاكورد راح تاخذ المركز الاول من دون منااازع,,, لا احد يزعل مجرد توقع؟؟؟؟:confused:

يابو الشباب
ماكأنك غبرتنا ومشيت ................................

الموضوع قديم وانا غيرت الليات بصيانة 20,000 ألف >>> غيروها من نفسهم بدون ماأقولهم عليها

الأكوردات موديل 2007 مافيها هذي المشكلة لانهم بدلوها قبل مايبيعونها

قبل 3 أسابيع يوم كنت اسوي صيانة لسيارتي كنت أطالع بالجدول حق الصيانة بوكالة طريق خريص ولقيت بعض الاشخاص عندهم موعد اليوم لتغيير ليات الدركسون وهذا معناته ان الاستدعاء مازال فعال سواء سيارتك داخل الضمان او خارج الضمان

اقتباس:

---

المشاركة الأصلية كتبت بواسطة hondaway

مع احترامي للهوندا كل فتره عيب انتاج خصوصا الاكورد ودي نسوي احصائيه لااكثر السياراات المنتشره عندنا في السعوديه مثل الاكورد الكامري ولالتيما الاوريون التشارجرالمكسيما الخ.. توقعي ان الاكورد راح تاخذ المركز الاول من دون منااازع,,, لا احد يزعل مجرد توقع؟؟؟؟:confused:

---

عدد كم إستدعاء سوت الوكالة؟؟

وش يدريك ان الوكالات الثانية ماعندهم عيوب مصنعية ولا أعلنوا عنها خوفا على السمعه وخلي المشتري يروح بستين داهيه

اقتبااس من الاخطبووط!!!!:rolleyes:
عدد كم إستدعاء سوت الوكالة؟؟

وش يدريك ان الوكالات الثانية ماعندهم عيوب مصنعية ولا أعلنوا عنها خوفا على السمعه وخلي المشتري يروح بستين


الصرااحه رد قويييييييييييييييييييييييييييييييييييييييييييييييي ييييييييييييييييي:cool:

+ مفحم

=تحيااتي

اخوي الاخطبوط طبعا انا موتري اكورد 2007 وغيري من من امتلك اكورد عانى كثير من عيوب الانتاج ؟؟يعني بالله موتر مامشى الا20000وصرت مغيرله كراسي مكينه وهوبااات؟؟؟ بعدين ناخذ مثاال الكامري نادر ماسمعت احد يشتكي منها وكل الي معه كامري كارف امها كرف ولاعيوب انتاج ولاخرااط؟بعدين اي وكاله في العالم حريصه على سمعتها مارراح تضر العميل ولاكان العالم سحبوا على ابوجميل ودزووا للمعارض؟؟؟خصوصا المعارض صارت تبيع اقساط وتاجير. بسال سوال لومشى موتري فوق ال600000 من الي راح يتحمل عيوب الانتاج والله ثم والله اني محافظ على الموتر ولى عمره انكرف

انا لي الدركسون كان يهرب

له علاقة؟؟

قهرررررررر صلحتة بـ 200 ريال


<<اكورد 2005

اقتباس:

---

المشاركة الأصلية كتبت بواسطة م م و السعوديه 5 5 7

كح كح


وش ذا العج :mad:
اخبر كان في نفس الموضوع مثبت في احد الأقسام :)
عالعموم ان شاء الله الاعضاء الجدد اللي ما عندهم خبر يستفيدون ;)

مشكووور أخوي فقير الحظ :cool:.

---

اقتباس:

---

المشاركة الأصلية كتبت بواسطة كوكو كورد

قدييييييييييييييييييم جدا جدا جدا جدا جدا ...

على كل حال مشكور على حرصك ...

والله يجزاك خير على اهتمامك ..

---

ياشباب وش ذا التحطيم والله الرجال ماقصر وانا عن نفسي اول مرة اسمع عن الخلل

وانا اعتذر واشكرك نيابه عن الشباب اخوي فقير الحظ

الخبر سامعه من قبل بس اشوى اني ماخذ الاكورد تقريبا اخر دفعه من 2007

اهم شئ الاخلاق وحب هوندا اكورد

انا اول مره اسمع عن هالخبر .. :o


ربي يعطيك العافيه ويجزاك الجنه .. من باتسر بنشب للوكاله .. ;)