شرح طريقة فك وتجديد وتنظيف دينمو ( قلب ) المروحه .. بالصور ومعلومات كامله
بسم الله الرحمن الرحيم
والصلاة والسلام على أشرف الأنبياء والمرسلين
اليوم راح أكتب موضوع مهم عن فك وتجديد وتنظيف دينمو مراوح الراديتر ( أو قلب المراوح كما يسميه البعض )
للأكورد موديل 2003-2007 وأعتقد تنطبق على أغلب الموديلات وكثير من السيارات
طبعا سعر الأصلي بالوكاله ومحلات قطع الغيار 800 ريال تقريبا للدينمو الواحد
وفيه ماليزي تجاري بـ 135 ريال
غالبا سبب أعطال دينمو المراوح يكون بسبب :
تآكل الفحمات الداخليه وكثرة الأوساخ والكربون داخل الدينمو بسبب تآكل الفحمات بعد 10 سنوات أو 300 ألف كيلومتر من تاريخ موديل السياره < هذا إجتهاد شخصي
والحل هو تنظيف الدينمو من الداخل والخارج بالكامل ببخاخ خاص موجود عند ساكو + تغيير الفحمات ويرجع الدينمو يشتغل بأذن الله ..
إذا ما كانت أسلاك الدينمو الداخليه اللي تكون ملفوفه .. محروقه
قبل نبدأ تحتاج عدة و 3 بخاخات تلقاها عند ساكو :
الزراديه لفك كلبسات الأسلاك الظفيرة من قاعدة المراوح من داخل شوي شوي لا تكسرها
أو أسحب الكلبسات شوي شوي وتطلع معك ما يحتاج زراديه
https://s31.postimg.org/xqh6yo3bv/20160802_053238.jpg
حبتين بوكس لفك صامولة المروحة بالمقاس هذا
8mm
5/16
https://s31.postimg.org/5cbresfrv/20160802_053222.jpg
http://www6.0zz0.com/2011/10/25/18/596872018.jpg
بخاخ الصدأ فقط لفك صامولة المروحة و المسامير اللي تثبت الدينمو بقاعدة المراوح
http://shop.advanceautoparts.com/wcs...8_pri_larg.jpg
http://www.eastwood.com/media/catalo...e95/p39163.jpg
البخاخين هذي رهيبه و ممتازه جدا لتنظيف القطع الكهربائية بالسيارة ؛ ويكملن بعض
طريقة فك الدينمو من المروحة نفسها ومن قاعدة المراوح :
قاعدة المراوح مربوطة بالراديتر بثلاث مسامير من فوق مقاس 10mm تفكها وتحت فيه زي الأرجل ومكانها فتحات تدخل فيها يعني انتبه لا تكسرها لأن لو كسرتها قاعدة المراوح ما راح تكون ثابته من الأسفل
و تفك الأفياش والكلبسات اللي تثبت الأسلاك أنتبه لا تكسرها .. لأن أسلاك ظفيرة المراوح مثبته على القاعدة لازم تفك الكلبسات والأسلاك
وبعدين تفك اللي الهوز العلوي عن الراديتر وتبعده شوي .. وتسحب قاعدة المراوح على فوق بعد ما تتأكد أنك فصلت كل شيء عن قاعدة المراوح وجاهزه للسحب على فوق
وراح تطلع معك
خذها معك للبيت ومخمخ عليها
مهم وضروري جدا لازم ترش بخاخ WD40 بخاخ الصدأ على صامولة ومسمار المروحة قبل محاولة فكها
و يفضل ترش عليها أكثر من مره و تخليه فتره عشان يعطي مفعوله
بعد ما تفك الصامولة أسحب المروحة وراح تطلع معك
https://s32.postimg.org/g5jc615xx/image.jpg
بعد ما تفك المروحة راح تشوف أن الدينمو مثبت بقاعدة المراوح بثلاث مسامير
مهم وضروري جدا جدا لازم ترشها ببخاخ WD40 بخاخ الصدأ من الأمام والخلف وتخليه فتره عشان يعطي مفعوله
ويفضل ترش عليها أكثر من مره
المسامير هذي ضعيفه وصعب فكها أنتبه لازم مفك ممتاز ولازم تبخ أكثر من مره من الأمام والخلف بخاخ صدأ WD40
https://s32.postimg.org/io516pro5/image.jpg
أنا ما قدرت أفك المروحة و وديتها لورشه يفكونها ؛ وقالي خلني أغير لك الدينمو قلت على بركة الله
وأعدم علي مسمار واحد لأنه ما رش بخاخ الصدأ والمفك عنده سيء .. فا قلت خلاص وأخذت منه مسامير مطابقه ( تعويض لإتلافه المسمار )
وأخذت المراوح معي للمخرطه عشان يفكون المسمار .. يلحمون عليه صامولة ويفكونه ب 20 ريال
https://s32.postimg.org/wj3bp6m39/image.jpg
و ركبت دينمو ماليزي بـ 135 ريال ( الفيش حقه يختلف ) لازم تقص نص سلك الدينمو القديم .. وتسوي تلحيم لأسلاك الفيش حق الدينمو القديم مع أسلاك الدينمو الجديد
الأسلاك في الدينمو الماليزي :
الأسود ( + ) توصله مع السلك الأحمر حق فيش الدينمو القديم
الأزرق ( - ) توصله مع السلك الأسود حق فيش الدينمو القديم
عشان تدور المروحه والدينمو بالإتجاه الصحيح .. تسحب هواء من الخارج إلى الراديتر والمكينه
نجي الحين لطريقة فك الدينمو نفسه عشان ننظفه ونشيك على الفحمات الداخليه :
مهم وضروري جدا لازم ترخيهن وتعدلهن تقريبا عددهن 3 أو 4 إذا ماني غلطان
https://s31.postimg.org/ledbumxbf/image.jpg
بعدين لاحظ المسمار هذا .. تحط فرشه أو سجاده أو أي شيء وتضرب المسمار هذا بالأرض أكثر من مرة إلى أن ينفك معك غطاء الدينمو ( داخل الدينمو مغناطيس قوي جدا )
حاول تكون الحركة مستقيمة من فوق لتحت عشان ما تخرب القطع الداخليه ؛ يعني لا تضرب المسمار بالأرض بشكل مايل عشان ما ينطعج أو يسبب إحتكاك الأجزاء الداخليه بالمغناطيس
https://s32.postimg.org/yzj8jlsp1/image.jpg
راح ينفك الغطاء أسحبه (الفحمات راح تكون ماسكه شوي بالجزء اللي يدور داخلي الدينمو ) وحطه على جنب
بعدين أسحب القطعه الداخليه اللي تدور من الحديد نفسه المغناطيس ماسكها بقوه .. يعني أنتبه لا تسحبه من الأسلاك النحاسيه الملفوفه لأني هذا صعب جدا تصليحها حتى الكهربائيين ما يقدرون لأنها مصممة بطريقة معينه وبإتجاهات معينه
https://s31.postimg.org/5huofl0u3/image.jpg
https://s31.postimg.org/pn72necuj/image.jpg
https://s31.postimg.org/feelhkosr/image.jpg
https://s31.postimg.org/9ri8k3ma3/image.jpg
بعد الإنتهاء من التنظيف
https://s32.postimg.org/oy18om2fp/image.jpg
زي ما أنتم شايفين الفحمات رايحه فيها تحتاج تغيير
قرأت بالأنترنت أن الفحمات سعرها يتراوح بين 10 إلى 20 ريال تقريبا وتحتاج توليف وتلحيم أسلاكها مكان القديمه عند كهربائي يمكن تقريبا بـ 50 ريال أو أقل على حسب
أنا إلى الآن ما جربت أغير الفحمات لأني مشغول الأيام هذي ولأني ركبت دينمو ماليزي يمشي الحال
https://s32.postimg.org/n7i7n4kwl/image.jpg
https://s32.postimg.org/yxw54idp1/image.jpg
https://s32.postimg.org/b86pftfbp/image.jpg
خطوات تشخيص المشكلة :
1)قبل تفك المراوح وكل شيء .. شيك على الكتاوت والفيوزات تبع المراوح
لو مثلا وحده من المراوح ما تشتغل .. شيك على الفيوزات وأعكس الكتاوتات تبع المراوح وجرّب إذا اشتغلت المروحه اللي كانت ما تشتغل فالمشكلة من الكتاوت
https://s32.postimg.org/wp8l9gt91/image.jpg
https://s31.postimg.org/3zpxig9vf/image.jpg
اذا الفيوزات والكتاوتات سليمة
جرب توصل الدينمو مباشرة بالبطارية .. الموجب بموجب البطارية والسالب بسالب البطاريه
إذا ما أشتغلت أحد المراوح فالمشكلة من الدينمو
أما إذا إشتغلت المراوح مع البطاريه .. فالمشكله ممكن تكون من سويتش أو حساس المراوح
ملاحظات :
1) لا تسوي صنفرة لأي قطعة بالدينمو لأنها راح تسبب فضاوة فراغ وممكن تسبب مشاكل أو خشونه بالأجزاء المتحركه ؛ البخاخات تبع التنظيف أكثر من كافية وتشيل كل الأوساخ بدقيقه أو دقيقتين
2) المروحة جهة السائق مروحة المكينة ؛ وجهة الراكب مروحة المكيف .. وعند إرتفاع الحراره أو تشغيل المكيف لازم يشتغلن جميع
3) دينمو الكامري حسب اللي سمعته يركب على الأكورد ؛ لكن ما أدري موديل كم ولا أدري كم سعر الأصلي عند الوكاله او موزع معتمد
4) عند تغييرك للدينمو بالورشه أو عندك كهربائي خذ القديم إذا كان أصلي لأن سعره غالي 800 ريال الواحد .. يعني 2 دينمو بـ 1600 ريال تقريبا
لأن الورشات والكهربائيين ياخذون الدينمو القديم حقك ويسون له تنظيف وتغيير فحماته ويبيعونه
5) دينمو المراوح - السلف - دينمو كهرباء السياره .. هذي كلها داخلها فحمات تتغير عند تآكلها
6) جودة وقوة الفحمات لها دور بطول أو قصر عمر الإصلاح أو التجديد
7) صحيح أن سعر دينمو مراوح الأكورد غالي جدا جدا 800 ريال للواحد لكن يعيش مدة طويله جدا وجودته عاليه يتحمل تقريبا 10 سنوات من تاريخ صناعة السياره أو 300 ألف كيلومتر وممكن أكثر أو أقل حسب إستخدامك ؛ أنا أتكلم عن الأكورد 2003 - 2007 ما أدري عن باقي الموديلات
الوكاله يستفيدون أنك تشتري دينمو كامل اصلي جديد بـ 800 ريال الواحد
و الورشات والكهربائيين يستفيدون بأنك تغير الدينمو سواءا أصلي أو تجاري .. و تترك القديم الأصلي يسون له تنظيف ويغيرون فحماته ويبيعونه
الهدف من الموضوع التوعيه و أننا نشارك بعض المعلومات ونتبادل الخبرات ونستفيد من بعض
وأي واحد يغير الفحمات و يصلح الدينمو ياليت يشاركنا ويفيدنا بخبرته وتجاربه
و إذا أفدتكم لا تحرموني من دعائكم
