عرض للطباعة
السلام عليكم ورحمة الله وبركاته
انا عندي اكورد 2014 ولعة لمبة abs والبريك و الانزلاق وعلامة الطاره
كلها مع بعض وروحت الوكاله وقالو لزم تخلي السياره عندنا نسوي لها تقرير كامل ونرسله لليابان واقل شي تقعد اسبوعين
رفضت انا وطلعت السياره بسبب ضروفي
اصحاب الخبره افيدوني يعطيكم العافيه
هالمشكلة ماهي أول مرة تظهر حتى يقول نسوي لها تقرير ونرسله لليابان شي مضحك منهم .
المشكلة حدثت كثير وأحيان مجرد تفصل الاصبع وترجعه تروح وبعض الاحيان برمجة سريعة ما تاخذ وقت .
الخلل ممكن يكون من البطارية ضعيفة .
لكن أنت هالمشكلة معك مستمرة ولا طلعت لك مدة وراحت ؟؟
ايه نعم مستمره لها سنتين وبسبب انشغالي ماعد اهتميت
انت مغير رمان الهوب؟
هذه طلعت عندي بسبب صدمة على الكفر
الامامي يسار
متو طلعت عندك
لا ماغيرت رمان
من واقع التجربه مع ABS و VSA
روح ساكو وخذ بكاخ منظف الكترونيات (اضفت صورته)
وفك الكلبس حقت ABS ونظفها بالبخاخ واكرمها بزياده وخلها تنشف شوي وركبها
https://i5.walmartimages.com/asr/233...0&odnBg=FFFFFF
سلام عليكم هذا فيديو في نفس المشكله إلى عندك وتم حله وسبب المشكله فيوزات بعد الحادث أنحرقة https://youtu.be/25NbdNXcbeA
السلام عليكم مشكلتك نفس سيارتي غيرت بطارية نظفات حسايات الكفرات سوينا برمجة في اكثر من مركز تروح وخلال دقيقة وهي راجعه وتعبت منها لدرجة صرت اطنشها وهي مسويه لي وسوسه ابي حلها
نسوي لها تقرير ونرسله لليابان
ايش المشكلة لو نزلتها الوكالة وطلبتهم سيارة بديله ؟
ترا يعطونك سيارة بديله غصبن عن خشومهم
انا كان معاي جينسس ودخلتها الصيانة وطلبت سيارة بديله وعطوني سوناتا
والمره ثانية كذلك دخلتها صيانة وكان فيها مشكلة مصنعية وعطوني سيارة بس لازم تناحلهم لأنها بتطول
انا حصلت معي نفس المشكلة وبدون سبب واضح فقط الطرق اللي كنت امشي فيه خربان ولكنه خط رئيسي, وفجأة أشتغلت عندي لمبة مانع الأنزلاق والبريك والطاره و abs , المهم أني رحت للوكيل البسامي عندنا في خميس مشيط وهو وكيل فرعي مصرح له من عبد الله هاشم ,شافها الفبيني وقال عندك علبة مانع الأنزلاق خربانه وقيمتها من 6500 الى 7000 , صدمني المبلغ و طلبت فحص كمبيوتر ب 200 والمصيبة طلعت نفس المشكلة من علبة مانع الأنزلاق , وتعاطف معي الفلبيني وعمل تحديث للنظام بدون علم الإدارة وقيمته 350 و بدأ بتحديث النظام لمدة 10 دقائق وطفت كل الأنوار ومن الفرحة كنت بأعطيه 200 ولكن قلت له بأجربها كم يوم وادا أختفت المشكلة نهائياً فأبشر بالهدية .... المهم طلعت بالسيارة ولما لمست الزفلت رجعت اللمبات كلها,,,,,,,,,,
كانت في اول ايام تشتغل وتطفى وترجع مع اول تأثير من سوء السفلت وبعدها صارت اللمبات مستمرة ولا تطفى, وصار لي حادث زلقت عليه السيارة في عقبة شعار وكان فيه أمطار ولو أن المانع شغال كان تداركت انزلاق السيارة وبعدها قررت أغير علبة مانع الأنزلاق.....
الحل اشتريت علبة مانع الانزلاق من تشليح الحاير بالرياض بقيمة 850 وركبته في الوكالة ب500 والحمدلله لها أكثر من 4 أشهر والأمور طيبه.
اقتباس:
المشاركة الأصلية كتبت بواسطة الاسباني
السلام عليكم ..
أخوي الإسباني .. أنا عندي أكورد 2013 ، ويوم 10/8/2017 سويت لها صيانة 100 ألف في الوكالة .. وللأسف الوكالة بلغتي بنفس المشكلة حقت علبة مانع الإنزلاق .. ولازم تتغير ... الصراحة سعرها غالي مرة ...
أرجوك أخوي دلني وين ألاقيها تشليح الله يجزاك الخير ...
شوف المشكلة هذه عانيت منها سنه كاملة والحمدلله حليتها لكن جاوبني :
هل كل اللمبات تشتغل مع بعض ؟
او ان لمبة التعجب اللي داخل المثلث تشتغل بعد تعدى 40 كم ؟
[QUOTE=dreams_river;609824]
السلام عليكم ..
أخوي الإسباني .. أنا عندي أكورد 2013 ، ويوم 10/8/2017 سويت لها صيانة 100 ألف في الوكالة .. وللأسف الوكالة بلغتي بنفس المشكلة حقت علبة مانع الإنزلاق .. ولازم تتغير ... الصراحة سعرها غالي مرة ...
أرجوك أخوي دلني وين ألاقيها تشليح الله يجزاك الخير ...[/QUOTE
اتحدى اي واحد والوكالة بعد اذا كانت العلبة هي سبب المشكلة حتى اللي غيروا سواء من التشليح او الوكالة
اقولهم ترا مضحوك عليك وهذه مشكلة الناس هنا
يصدقون اي شيء
لمبة abs
يام طلعت لي وفحصت وشالوها لي اختفت كم شهر بعدها ارجعة
والحين ماشي عليها وهي تولع :frog: والحياة تتستمر
السلام عليكم أخوي
أسف على الإطالة في الرد.
آخر المستجدات...
عندي ضمان ممتد للسيارة ...
رحت لشركة التأمين وأبلغتني انه الضمان يغطي هذه القطعة، فطلبوا مني التالي:
1. تسعيرة للقطعة مع أجور اليد.
2. كشف بسجل صيانات السيارة.
زرت وكالة هوندا وطلبت منهم الأوراق ، ووصلتها للتأمين ... وفوراً طلعت الموافقة بالإصلاح.
وأبشرك بتاريخ 2017/08/28 .. تم تغيير منظم ABS عن طريق الضمان الممتد وكانت التكلفة 7500 ريال كاملة :joyous:.
الحل ايش اخوي الشيخ ليجند التكلفه غاليه مره وما اتوقع من Abs واللمبتين هذي والله دوشة راس
بسيطة ان شاء الله
البرمجة لازم تكون من كمبيوتر متخصص
مثل اوتو لاند هذا دكتور بالاكورد انا درت على مل المبرمجين واقوى شيء جربته الاوتو لاند
جربه وعلمنا وش يصير معك تراه يشبه الايباد مع زيادة الحجم والوزن
وبلغنا وش يصير معك