هوندا أكورد 2013

السلام عليكم جميعا


رمضان مبارك عليكم جميعا

انا عندي هوندا أكورد 2013 وفي عندي عدة مشاكل فيها اتمنى اللي عنده خبره يقولي حلها ..

1- عندي لمن اشغل المكيف تجي زي النتعه في المكيف مره مرتين بعدين تشتغل عادي وطول مالمكيف شغاله احس برجه وانا ماشي في السرعة المنخفضه واحس عزم السيارة يقل ماهي نشيطة .
2- وانا ماشب بالسيارة احس فيها زي النتعه عند السرعات المنخفضه ورجع تروح وتجي والعزم مااحس السيارة نشيطة رحت للشركة قالولي نظف بوابة نظتها اكتر من مره وتمشي السيارة كويس وبعدين ترجع نفس المشكلة وفي مهندس من الشركة قلي اخرط هوبات هل صحيح كلامو الهوبات تسبب رجع ونتعه في السيارة .

انا ماعندي اي خبره في السيارات شغل وامشي بس حابب يكون عندي خبره عشان لا يستلمونا الوكالة بالنصب والاحتياال علما اني سويت كشف عندهم على السيارة كامله طلعولي مية عيب وعيب فيها يقولولي غير فلتر بنزين هل فلتر بنزين يأثر عالسيارة ..

سؤالي الاخير هل لو لاسمح الله لو في مشكلة او خراب في اي قطعه من السيارة يظهر على طول ولا يحتاج كشف عالسيارة انا فقط اغير زيت وفلتر حاليا ومااعمل الفحص الشامل كل 10 الف كيلو لاني احس انهم مايسون شي بس شدشدة وتربيط وانتهينا بالعربي حرامية .

كم ماشيه سيارتك؟

لو كانت سيارتك تعدت ال150 الف كيلو فأتوقع المشكلة من طرمبة البنزين, انا غيرتها والسيارة تقريبا ماشيه 80 الف صيانة دورية

لو كانت سيارتك تعدت ال150 الف كيلو فأتوقع المشكلة من طرمبة البنزين, انا غيرتها والسيارة تقريبا ماشيه 80 الف صيانة دورية, فالأفضل انك تغيرها وعسى انها تنحل مشكلتك