قررت اشتري اكورد 2017 ستاندر ومحتاج مشورتكم ح
السلام عليكم ورحمه الله وبركاته
انا عضو جديد في المنتدى يا الربع .. سجلت لاني ناوي اشتري اكورد 2017 4 سلندر استاندر ومحتاج مشورتكم .. عندي لكزس ال اس 400 99 بدت تطلع لي فيه خرابات .. وصرفية البترول عاليه ومكلفه نوعاً ما .. بصراحه مليت من السياره .. وقررت اني اشتري اكورد 2017 .. مايهمني ان الشكل راح يتغير قريب .. عارف تاريخ الاكورد وواثق من متانتها ورساوتها .. واسعار قطع غيارها .. بس حبيت استفسر بخصوص قير cvt ناس وايد تذمه وتشتكي منه !!
وشو رايكم في الاكورد 2017 ؟ تنصحوني فيها ؟ انا يومياً اضرب خط بالسياره قرابة 150 كيلو للدوام .. وخايف بصراحه من قير الcvt ناس تقر يحر بسرعه وناس تقول انه حده بالكثير سنتين الى ثلاث ويضرب !! ... ماتهمني مواصفات السياره علشان كذا قررت اني اشتري الستاندر واخليها للخطوط بس.. عموما ماراح اطول عليكم يا الربع .. ارجو الافاده ويعطيكم العافيه :)
