عرض للطباعة
السلام عليكم بايلوت 2011 وركبت ماكينة اوديسي 2012
تظهر علامة الماكينة وعلامة vtm-4 مع بعض ويقل عزم السيارة وفحصت كميوتر
وقالو ان البستون الاول مافيه ضغط وانا غير مقتنع لان الماكينة شاريها من التشليح قبل شهر عن سيارة مدعومة بالاضافة ان السيارة ترجع طبيعية وحلوة وسرعة وماكينة صافية
بعد فصل راس البطارية لمدة يومين وبعدها ترجع المشكلة
نصيحتكم واللي مرت عليه المشكلة يفيدنا
الحمدلله وجدت الحل بعد عناء طويل وخسارة وانا اقولكم الحل حتى الناس تستفيد
مثل ماقلت اني شريت ماكينة من التشليح مع ملاحظتي ان الماكينة من الداخل وسخة من الزيت القديم فقلت بنفسي ان الوسخ ينزل بتغيير الزيت اللي يحطونه بالتشليح وطبعا غيرت زيت وفلتر من الوكالة وغيرت حساسات كثيرة لكن لمبة الماكينة ولمبة vtm-4 مازالت مستمرة
وبالمرة الاخيرة رحت الميكانيكي واللمبات شغالة والماكينة ترجف وفحص كمبيوتر وقال ان الصمام او البوستن الرابع واقف
وقال خلي السيارة احاول اشوف حل ان وجد والا ماكينتك اللي شريتها بحاجة لماكينة ثانية
المهم السبب طلع من وسخ الماكينة فقام بفك غطاء راس الماكينة ونظفه اي سي ديلكو ونزل الزيت القديم ووضع سائل منظف للماكينة ينباع بكل محلات الزيوت وشغل السيارة ربع ساعة وبعدها فك برغي الزيت من تحت وفرغ الماكينة من المنظف وقال جيب زيت اصلي مع فلتر
ولاتشتريه من الوكالة لانه زيت الوكالة مو اصلي للاسف - الوكالة خارج السعودية بدون ذكر اسماء-
والحمدلله السيارة حاليا تمام
خلاصة الموضوع انك لازم تنظف ماكينة السيارة كل ثلاث او اربع سنوات بمنظف خاص للماكينة وعدم التاخر بموعد تبديل الزيت