السلام عليكم
و مبارك عليكم الشهر الفضيل و تقبل الله صيامكم و قيامكم
عندي سؤال لكم اخواني
سيارتي هوندا اكورد 4 سلندر موديل 2008
اذا حطيت السيارة في D و ضغط بريك يصير في رجه بالمكينة و السيارة كاملة فهل ميزان البلوف + تنظيف البخاخات لها دخل بالرجه او لا
و انا ما عمري عملت ميزان للبلوف الا المفروض على كلام الوكالة كل 30000 كلم تعمل لها
وفي شغلة ثانية هل تنظيف Throttle body + البرمجة ضروري للسيارة
معليش طولت في الاسئلة لكن ان شاء الله نستفيد و نفيد
شكرا لكم
وزن البلوف ماله علاقه اعرف ناس قطعت سياراتهم
فوق 400 الف وعزمها وصرفيتها ما تغير من كانت وكاله
تنظيف الثروتل اذا انت تغير الفلتر كل 20 الف ما تحتاجه لان الرجه هذه في كل الاكوردات من 2003 حتى 2012 محركات الاربعه سلندر
البرمجه اعتبرها مهمه لانها بتغير عزم السيارة للافضل
المكاين الجديدة لا تحتاج الى وزن بلوف الا في حالة التوضيب فقط وانا اتكلم من واقع تجربة ودراسة ميكانيكا السيارات اليابانية
تغيير فلتر هواء المكينة كل 40 الف كلم
تنظيف البوابة او الثروتل من الافضل تنظيفها كل 40 الف كلم
تنظيف البخاخات كل 40 الف كلم ( تستطيع استخدام منتج liqui moly الالماني لتنظيف البخاخات ) موجود في الرياض والشرقية وجدة اعتقد
تغيير زيت القير (زيت هوندا الاصلي) كل 40 الف كلم
تغيير البواجي كل 130 الف كلم
تغيير فلتر البنزين كل 150 الف كلم
هذي الاشياء اذا انتظمت في تغييرها في الوقت المحدد بإذن الله تعمر معك السيارة