فزعتكم اكورد ٢٠١٧ حيرتني

الله يسعد مسائكم بالخير.
اخواني الاعزاء اشكركم جزيل الشكر وهذي اول مشاركه ويعلم الله اني محتار في سيارتي شريتها وعدادها ٥٨ الف مستعمله وكنت راغب فيها عن الموديل والشكل الجديد. السياره شريتها وفحصت عند مركزين وكانت الامور طيبه بكل شيء الان العداد ٧٠ الف وطلع في المكينه صوت طقطقه خفيف من جهه يمين الراكب خاصه بعد ماتكون السياره حاميه.اخذت السياره الوكاله ودفعت مبلغ ٣٠٠ كشف وبعدها اتصلوا علي وقالوا لازم نفك المكينه وقبل الفك لازم تدفع ٣ الاف ريال والسياره مايشملها الضمان لان الصيانه الدوريه فقط سواها صاحبها حق ٥ الاف وعلى اني حريص بعد ماشريتها الزيت والفلتر اشتريه من الوكاله واغيره برا واخر تغيير عند بترومين.طبعا شكاوي الين وصلت لوزاره التجاره ورحت للوزاره بنفسي وللاسف قال جيب لي اي شيء يثبت صيانه دوريه من ٥ الاف الين الان وقلت انا شاري السياره ووووو.وقال للاسف مانقدر نسوي استدعاء للوكاله وقال انصحك طلع سيارتك وصلحها برا. الان محتار حسبي الله وكفى السياره سافرت عليها اكثر من ٥ مرات ومحافظ عليها جدا لكن الحمد لله ع كل حال بالرغم ان الزيت ماينقص والحراره طبيعيه ولا فيه اي علامه تظهر لي فيه خلل لكن صوت الطقطقه موجود واخذتها لشارع الاسكان في جده وصاحب ورشه متخصص قال لازم افك المكينه واشوف ايش السبب ب الفين ريال وورشه ثانيه منها الجنوب وسعد واحد اعتذر والثاني قال غير المكينه!!!وانا جديد في جده ساكن ولا اعلم عن الورش والصيانات.بالعربي ضعت ماادري وين حقي بين الوكاله والا وزاره التجاره والا الورش.ارشدوني جزاكم الله خير والله ينور بصيرتكم والحمد لله اولا واخيرا والعوض من الله وحسبنا الله ونعم الوكيل.

للتوضيح/ السياره اكورد ٢٠١٧ سبيشل

حياك الله أخوي والله يعوض عليك
حسب كلامك من جهة الراكب هذي الجهة يكون فيها الشداد والجنزير . وحسب توقعي يكون من الجنزير .
اذا كان الخلل ماهو سبيكة او شنبر فأمورك هينة بإذن الله .
حاول تسأل وتستشير
هذي ورشة يمدحوها بجدة
هنا الموقع على الخرائط
https://goo.gl/maps/YijkuVhLRc3us9BE9

بالتوفيق لك وان شاء الله الحل بسيط .

طيب ياخوي وش حصل معاك و بشر هل المشكلة بسيطة لان الاكورد معي ماشية 110 آلاف و اخبر مكينة ال vtec مزعجة لاكن ماظنتي فيه طقطقة عندي (مالي ذيك الخبرة) لاكن اذا قصدكم جنزير التيمن اخبر عمره يصفق 100 الف بالراحه.