جديد عليكم لكن بصير منكم وفيكم بس جاوبوني وطمنو قلبي

السلام عليكم

اولاً أنا اهني كل شخص لديه هذه السيارة المميزة

الا وهي هوندا اكورد لانها جدا مميزة ومن وجهة نظري تضاهي السياراة الفخمه

في التطور والمميزات

وانا بصراحه ماعندي هوندا

وان شاء الله ابي اخذ هـــــــــووندا اكورد

ولكن متخوف لاني طالب ولا اشتغل والاهل راح ياخذون السيارة لي بفلوسهم

وانا خايف من ((( القطع الغيار))) لان الكل يقولي قطع غيار هوندا اكورد غاالي وناار

وانا تعرفوني طالب ولا يوجد عندي فلوس

واريد رائيكم جميعا اللي يملكون سيارة هوندا هل تنصحوني اني اخذ اكورد موديل 2008


ارجووو من المختصين والمجربين للهوندا اكورد تعطوني ارائكم

اخوكم عبدالعزيز

الهوندا ماعليها كلام

وبالنسبه للقطع تراها احيانا ارخص من قطع النيسان على فكره

والله يبارك لك فيها

مثل ما سمعت .. قطع غيار الأكورد مرتفعة الأسعار .. ولكن جودتها في سعرها ..

الأكورد سيارة يقدر على صيانتها موظف وليس طالب ... ولكن بما ان السيارة الجديدة حط في بالك انك ما بتحط فيها قطع غيار لمدة 3 سنوات غير قماشات وفلاتر ..

اقتباس:

---

المشاركة الأصلية كتبت بواسطة الهادف

مثل ما سمعت .. قطع غيار الأكورد مرتفعة الأسعار .. ولكن جودتها في سعرها ..

الأكورد سيارة يقدر على صيانتها موظف وليس طالب ... ولكن بما ان السيارة الجديدة حط في بالك انك ما بتحط فيها قطع غيار لمدة 3 سنوات غير قماشات وفلاتر ..

---

ماقدر ازيد فوق كلام اخوي الهادف ...

ومثل ماقال .. طالب مايقدر عليها :d ...

صيانتها تكلف :d

ما قصرواااا الشبااااااااب ردوا عليكـ فيهم الخير والبركـة وأنـا أوافقهـم رأيهـم خـذهاااا ولا تشيل هـم قطـع ولا غيـرهـ الجديدة ماراح تطلب غير القماشات وفلاتر وتغيير زيت فقـط بإذن اللـه ...

اللـه يوفقكـ ... تحيـاتـي لكـ . . .

اكرم السياره تكرمك بحلاتها:d

علشان ماتصير خيانات عند الاشاره <<متاثر خخخ

الله يعطيك خيرها ويكفيك شرها >>مقدماً

يا الغالي توكل على الله واشتر والقطع انشا ماتحتاجها>>>>اللا اذا انت تحب لعبة التصادم:d


ومد رجولك على قد لحافك وانتبه وانت قاطع الطريق وانتبه تخلي السيارة شغاله وانت نازل البقاله
ولاتركب احد معك من اخوياك حتى الاقارب عشان مايبلاك بشي يمكن في جيبه حبوب حشيش

وانتبه السرعه علي الحرام لو اشوفك ان العن وجهك

واشرطه الاغاني لااشوفها كسرت المسجل في راسك
^^^^^^^^^^^^^^^^^

الله يعينك على هذا الكلام اذا اشتريتها >>>>>>مجرب وبقوه بعد ومتصفق عشان بعض البنود خالفتها:d

والله ياخوي السياره ماعليها كلام
وتتحمل الكرف الاكورد تتدلعها تدلعك
وانا سمعت كلام انهم خفضو سعر
قطع غيار الاكورد
وشكراااااا

والله انت طالب شور اللي هنا وكلهم اصحاب اكوردات
السيارة الجديدة في العادة تعيش معاك 3 سنين بدون طلبات
مشكلة الاكورد فيها عيوب تغثك وتكلفك
الهوبات والاقمشة هذي مشكلة أزلية
الهوبات تغيرها على الضمان مرة وبعدين ما في غير خرط أو تغيير على كيسك يا عربي .
والاقمشة يا رجل عللللللللللللللللللللللللللللة ، الخلفية ان كملت معاك 30 الف بطرانة من جد ، والمصيبة قيمتها بحدود الـ 180 ريال .
في قطع استهلاكية رخيصة جدا ، يعني عندك الفلاتر اسعارها معقولة جدا والبواجي ، لكن لو قدر الله عليك بحادث وما احد يضمن روحه ترى القطع ناااااااااااااااااااااااااااااااااار .
دامك طالب
مد رجولك على قد لحافك

اشكر الجمـــــــــــــــــيــــــــــــــع الحقيقه

على مروره الطيب ونصــــــــأئحكم بصراحه كلها مفيده


ولكن الأن خفت اكثر بمـا انــي طالب يعني انا ياجماعه

استطيع على القطع الغيار العاديه طبعا مثل قماشات والبواجي والزيت

لكن عندي سؤال لو الكفرات يعني محتاجين تغيير كم يكلف الكفر الواحد.!!؟

واريد منكم الأن ايش تنصحووني اذا الهوندا ماتصلح لي لاني طالب

ايش اخذ وايش السيارة اللي تنفع لي .!!؟؟

اخوي اذا ما قدرت على الاكورد
خذلك كورلا موديل 2007
لان الكورلا قطع غيار فله صرفيه فله كل شي فله وكد ومد ما عندك مشاكل
والله يوفقك في شراء السياره
ويعطيك خيرها ويكفيك شرها مقدما

اخوي بما انك ما تقدر على الاكورد
فخذلك كورلا موديل 2007 لان 2008 ماعجبتني وجهة نظر
الكورلا قطع غيار فله صرفية بنزين فله كل شي فله
هذي وجهة نظري
والله يوفقك في شراء السيارة
والله يعطيك خيرها ويكفيك شرها مقدما

اقتباس:

---

المشاركة الأصلية كتبت بواسطة إنسان

والله انت طالب شور اللي هنا وكلهم اصحاب اكوردات

السيارة الجديدة في العادة تعيش معاك 3 سنين بدون طلبات
مشكلة الاكورد فيها عيوب تغثك وتكلفك
الهوبات والاقمشة هذي مشكلة أزلية
الهوبات تغيرها على الضمان مرة وبعدين ما في غير خرط أو تغيير على كيسك يا عربي .
والاقمشة يا رجل عللللللللللللللللللللللللللللة ، الخلفية ان كملت معاك 30 الف بطرانة من جد ، والمصيبة قيمتها بحدود الـ 180 ريال .
في قطع استهلاكية رخيصة جدا ، يعني عندك الفلاتر اسعارها معقولة جدا والبواجي ، لكن لو قدر الله عليك بحادث وما احد يضمن روحه ترى القطع ناااااااااااااااااااااااااااااااااار .
دامك طالب

مد رجولك على قد لحافك

---

ياهلا ياغالي وشاكر ردك الجميل

لكن انا ارى اذا كان القطع الغيار المتعارف عليها ولابد كل مده تتغير مثل الهوبات ووالاقمشه

بحدود المعقول يعني ماتتعدى 300ريال للوحده

فهذا امر طبيعي

وانا ياغالي عندي الأن كورلا لكن والله اني ضايق الويل

احس قطع غيرها اكثر واغلى من الالتيما والاكورد

اقسم بالله يا غالي ان الكربريسر << مدري قلت اسمه صح ولالا تبع المكيف للكرولا حقتي الان

خربان رحت باخذ جديد اقسم بالله قالو لي الوكاله الجديد بـ 1850ريال

يعني ناااار صدقوني كل السيارات الان ناار قطع غيارها سواء تويوتا ولاا غيرها

لدرجه انه المساحات عندي بالكورلا اختربت رحت الوكاله قالي الجديده ثنتين بـ 300 وشوي

يعني ياجماعه ان اشوف الكل غالي

وغير كذا يااخوي انا بصراحه مليييييييت ابي اكشخ يعني مليت بصراحه مع التويوتا تقول كاني اسوق سيكل لا مواصفات ولاشي

يعني بصراحه الكامري وطختها ماتجي عند الاكورد بالمواصفات

واتمنى ردك وتنورنا زياده

أخوك عبدالعزيز

اقتباس:

---

المشاركة الأصلية كتبت بواسطة تويتي

اخوي بما انك ما تقدر على الاكورد
فخذلك كورلا موديل 2007 لان 2008 ماعجبتني وجهة نظر
الكورلا قطع غيار فله صرفية بنزين فله كل شي فله
هذي وجهة نظري
والله يوفقك في شراء السيارة
والله يعطيك خيرها ويكفيك شرها مقدما

---

ياهلابك اخوي تويتي

انت صادق بكل ماقلته

انا عندي كورلا موديل 99

بس والله ياخوي انا بصراحه ملييييت ابغى موتر اكشخ شوي

لان بصراحه طفشت ابي مواصفات بتقولي كذا كامري بصراحه تويووتا فااااشله
اللي بيكشخ من التويوتا ياخذ لكزس ولا افالون

وفكرت باالافالون << لكن سعرها قالي حدود 120 الف

وكذلك كما قلت للاخ اللي قبلي أنسان

اصلا الكورلا اللي عندي ذابحتني بالقطع الغيار

اتذكر وبقولك شي غير اللي قلته من شوي مساكة الباب لمن تفتح الباب مكسورة

رحت بشتري جديده اقسم بالله ضربني ضربه قالي بـ 260 ريال الوحده

وهي مساكه باب فقققط

فقلت لنفسي يا اخذ سيارة تماااام ولا ما اخذ

يعني مابي اصووم اصووم وافطر على بصل

وانا اللي يهمني اعرفه الامور العاديه بالاهوندا كيف يعني مثل الاقمشه والهوبات والكفرات وتغيير الزيت << هذي الامور اللي تهمني

لان الحمدلله انا مو مراهق ولا لعاب سواقتي جدااا هاديه ولا اسرع:o

واتمنى الرد ياغالي وتنوير موضوعي

يارجال توكل على الله انا طالب ومعي اكورد 2007 خذها ولاتفكر ....لاصرفيه بنزين وحافظ على السياره منتب محتاج الا بعد 3 سنين قطع...

انا اقول القطع غاليه بالمره انا عندي 2006 اكورد

واذا بتاخذ هوندا اكورد قبل كل شيء امن عليها تامين شامل او تصليح سيارتك بس
عشان لو قدر وصار لك حادث وجيت تبي تصلحها راح تلقى تصليحها غالي يمكن توديها للتشليح وتبيعها فالافضل أمن عليها

وافضل تامين التعاونية للتامين

يا اخ عبد العزيز
طلبت اسعار القطع ابعطيك اللي شريت
بواجي 44
فلتر بنزين 110
فحمات قدام 240
فحمات خلف 280
فلتر هوا 70
ركبةقدام 640 ماتباع الا مع المقص
جلدة مقص 56
ربل عكس 200
شمعة قدام 550
حساس قزوز 1000
كفرات 16 فيه 480 وفيهالى270 ياباني كلة
اصلاح طلمبة الدركسون 120
رمان الهوب 250
الاسعار فيه شي خيالي وفيه شي معقول
لكن استعمالنا للسيارة له دور في تحديد خرابها حنا مانتدرى
< صل استخارة قبل ماتقدم على اي شئ ولن تندم >

اقتباس:

---

المشاركة الأصلية كتبت بواسطة netro

يارجال توكل على الله انا طالب ومعي اكورد 2007 خذها ولاتفكر ....لاصرفيه بنزين وحافظ على السياره منتب محتاج الا بعد 3 سنين قطع...

---

تسلم على الرد

وإن شاء الله عن قريب اخذ


صادق بكلامك

ويعطيك العافية

اقتباس:

---

المشاركة الأصلية كتبت بواسطة ملكـ بلا مملكة

انا اقول القطع غاليه بالمره انا عندي 2006 اكورد

واذا بتاخذ هوندا اكورد قبل كل شيء امن عليها تامين شامل او تصليح سيارتك بس
عشان لو قدر وصار لك حادث وجيت تبي تصلحها راح تلقى تصليحها غالي يمكن توديها للتشليح وتبيعها فالافضل أمن عليها

وافضل تامين التعاونية للتامين

---

اخي يعطيك العافية

وبصراحه انت صادق

وانا الحمدلله سواقتي هاديه جدا

ومافي شك لابد التامين وان شاء الله يصير خير

شاكر لك

اقتباس:

---

المشاركة الأصلية كتبت بواسطة سوهاج

يا اخ عبد العزيز
طلبت اسعار القطع ابعطيك اللي شريت
بواجي 44 رخيص جدا
فلتر بنزين 110 رخيص
فحمات قدام 240 نوعا ما رخيص
فحمات خلف 280 نوعا ما رخيص
فلتر هوا 70 رخيص
ركبةقدام 640 ماتباع الا مع المقص عزيزي لا اعلم ما هذه القطعه لكي احكم عليه المعذره :o
جلدة مقص 56 رخيص
ربل عكس 200 نوعا مارخيص
شمعة قدام 550 غالي..!!
حساس قزوز 1000 غالي الحقيقة وابغى توضيح قزوز بخصوص ايش:confused:
كفرات 16 فيه 480 وفيهالى270 ياباني كلة نوعا ما سعر جيد وهل الكفر الواحد طبعا بـ 480؟؟
اصلاح طلمبة الدركسون120 رخيص
رمان الهوب 250 رخيص
الاسعار فيه شي خيالي وفيه شي معقول
لكن استعمالنا للسيارة له دور في تحديد خرابها حنا مانتدرى
< صل استخارة قبل ماتقدم على اي شئ ولن تندم >

---

وشااااااكر لك جزيل الشكر يا غالي على الرد وتعبتك كثير :)

وانا عني ياغالي جداااا معتني بسيارة وهاااااادي للغايه

بس واتمنى توضيح باللي رديت عليه

وان شاء الله طبعا لازم استخير

وشاكر لك مره اخرى

سلااامي عليكم ياشباب والله انكم ماقصرتوا مع الرجال

وانا اقول لك (( اررررررررخ الريال يرخــــى لك كل زييييييين )) :d

يا رجال اذا سواقتك هاديه توكل على الله ولا تنسى الاستخاره

بالنسبه للكفرات هذا سعر الكفر الواحد من 250 الى 450 ريال

اتكل على الله بس ولو معك ارخص سياره بالعالم ما تدري وش يصير عليك كل يوم تخرب وتكلف اكثر من قيمتها

اقتباس:

---

اقسم بالله يا غالي ان الكربريسر << مدري قلت اسمه صح ولالا تبع المكيف للكرولا حقتي الان

خربان رحت باخذ جديد اقسم بالله قالو لي الوكاله الجديد بـ

---

ماذا تقول ياهذا :d

1850 ريال والله اركبه على طووووووووووووووووووووووووووووووووووووووووووووووووو ووووووووووول ...
انا عندي سي ارفي 99 ... الكمبرسر توفى ...

تتوقع سعره ارخص من الكورلا .. السياره موديلها 99 ... ودفعت عليه 2450 ريال ينطح ريال ...

طبعا الحسبه ماتجي كذه

الهوندا بتحتاج لها قماشات واشياء استهلاكيه ... بس ماتجي تقول الكفر بكم ... انت تشتري سياره لانها داخله مزاجك او لانه كفرها رخيص :d

اقتباس:

---

المشاركة الأصلية كتبت بواسطة اكورديتي

سلااامي عليكم ياشباب والله انكم ماقصرتوا مع الرجال

وانا اقول لك (( اررررررررخ الريال يرخــــى لك كل زييييييين )) :d

---

فعلا كلامك سليم الغالي للغالي :o

وشاكر لك

اقتباس:

---

المشاركة الأصلية كتبت بواسطة الــمــســافــر

يا رجال اذا سواقتك هاديه توكل على الله ولا تنسى الاستخاره

بالنسبه للكفرات هذا سعر الكفر الواحد من 250 الى 450 ريال

اتكل على الله بس ولو معك ارخص سياره بالعالم ما تدري وش يصير عليك كل يوم تخرب وتكلف اكثر من قيمتها

---

يعطيك العافية على الرد

والرد على سعر الكفر

وفعلا كلامك الواحد مايضمن وش يصير له

وشاكر لك