معاناة الكاميرا الخلفية مع اكورد 2017 سبيشل
ألسلام عليكم ورحمة الله وبركاته واسعد الله اوقاتكم بكل خير,
عندي اكورد 2017 سبيل (نص فل) وودي اركب كاميرا خلفية عليها , طبعا بحكم انك ماتقدر تركبها على شاشة الوكالة لان فصال الفيديو حق شاشة الوكالة مايركب عليه اي شئ , فما عندي الا قرارين: الاول اني اركب مراية وجزء منها يعرض لي الكاميرا وهذي غير عملية بحكم التجربة , القرار الثاني اني اركب شاشة جديدة.
طبعا رحت للسوق وكنت بركب شاشة رود ماستر , فك لي الديكور وكل شي ويوم جاء يركب الشاشة , طلعت فصالات الفيديو (video cable plugs) حقت الوكالة غير حقت رود ماستر وطلعت ماتركب , فعرض علي شاشة من شركة ثانية لكني رفضت بحكم اني ما اعرف جودتها.
طفشني اسلوب هوندا ان كل شي مسوينه صعب ان يصير له modifications لدرجة افكر كم مرة اني ابيع السيارة.
السؤال الان: السوق فيه شاشات واجد , هل فيه احد جرب يركب شاشة جودتها زينة وتركب عليها الكاميرا الخلفية ؟ او هل فيه حلول اخرى لهالمشكلة؟
