قير سيّارتي إختـــــــرب ..!! ماصار للسياره شهرين 2007

يكفي إنّك تقرأ الموضوع وتعرف المشكله ...

كانت بداية مشكلتي يوم رصّيت على السيّاره ولا حظت انها ما تفحّط (( ضغط المكينة على النمره الأولى لا يتعدا الـ 2 ونص ..rbm )) عاد أنا استغربت حيل ...

رغم ان سيارتي جديده ..
ماكمّلت حتى الـ 15 ألف كم ..!!

طيب ما قلنا شي ... بسيطه مانفحّط ...

وبعد كم يوم .. دخّلت سيارتي الكراج (( موقف السياره اللي داخل البيت ))
يوم حطّيت الـقير على الـ P إستغربت من صوووت طقّه (( طراااخ ..!! ))

قلبي وقف مع دقّة القير ..!!

قلت بسم الله الرحمن الرحيم ..

طفّيت السياره رحت طالعت تحت السياره ..

قلت يمكن (( قطو )) ولا شي داخل في المكينه وضرب بالمروحه ...

دوّرت يمين ... يساااار ... مافي شي :confused:


رحت وحطّيت راسي ونمت نومه ما بعدها نومه ...

وكالعاده .. جات العصريه :a035: وجا وقت التمشّي بالسياره ..

قمت وغسّلتها ... ونظّفتها ... ورتّبتها ... من أحسن ما يكون ...:aa_Piano:

وعاد يوم خلّصت ..

رحت وتكشّخت وجيت أشغّل السياره ...
:oops:
شغّلتها ... وانتظرت دقايق لين ما حمّت السياره ...

يوم جيت أعشّق القير ..
حطيته على الـ D >>
سمعت صوت من تحت السياره .. (( عييييع طخ ...))

هنا وقّف قلبي .. :aa_mo9ab:
سيّارتي ما تعشّق ... !!!


رحت و:eekout: جبت سطحه تشيل السيّاره ..

على طول دون تفكير بودّيها الوكاله ..

انزين وديتها الوكاله على السطحه ..

ودخّلناها الصيانه ...

وبعد هذا كلّه جا العامل أو المهندس أو مادري من .. المهم اللي بالصيانه ..

قالّي (( قيرك خربان ..!! :eek: ))

قلتله سلامات ..!!

سيارة جديده ..!!

وأنا واحد محافظ جداً جداً للسياره ..!!

قلتله السياره الحين على الضمان طيّب ..

يعني صلحوها لي ..... ;)

قالولي :: :( الضمان ما يشمل القير ..
وقالولي هذا مو خطأ مصنعي عشان نصلحه ..
هذا سوووووء استخداااام ...ّّّّ!ّ!ّ!ّ!ّ!

:eek:

والحين وش اسوي ؟
ماظل أحد هناك ماكلمته وفهّمته ..

انشاالله ألقى عندكم حل ...

وأنا لو وش ماصار مستحيل أدفع هذيك القيمه عشان قير أنا أصلاً ماسويت فيه شي عشان يخترب ..

علماً بأنّي بظل أطارد وراهم وأرفعها لأكبر واحد في وكالة هوندا حتّى آخذ حقّي ..

وبشتكي عليهم ..

وبسوي كل اللي في راسي ..

لكن ابيكم انتم تفيدوني ..

:( وش اسوّي ؟؟

والله متورّط ..

سنه ونص أجمّع قيمة السياره ..

وفي الأخير أخسرها ؟؟

أتمنى تفيدوني ..

:cloud9:وأنا شاكر لكم ..

أتمنّى إنّي ما طوّلت عليكم ..

دُمتُم بِوِدْ ..

السيارة على الضمان مفروض يغيرونه لك !!!!!
عندي سؤال / اي فرع وكالة وديتها ؟؟
لأني صارلي موقف معهم
كان فيه صوت في الخلف وماعروفوله مهندسينهم الا واحد منهم
ارجو الاجابة على السؤال وبتلقا الحل عندي ان شاء الله :)

اقتباس:

---

المشاركة الأصلية كتبت بواسطة xxxixxx

السيارة على الضمان مفروض يغيرونه لك !!!!!
عندي سؤال / اي فرع وكالة وديتها ؟؟
لأني صارلي موقف معهم
كان فيه صوت في الخلف وماعروفوله مهندسينهم الا واحد منهم
ارجو الاجابة على السؤال وبتلقا الحل عندي ان شاء الله :)

---

وكلة هوندا اللي على خط الدمام السريع ..

وانشاالله القى عندكم حل ..

ياااشيخ رح لهم والعن اصلهــــم والا قلهـــم بشتكـــيكم ... اخوي نفس المشكله بس عام99

اشتراها وقيرها خرب وراااح وماعطوووه وجه وحط المفتاح عندهم وقال عطووني فلوس السياره

والا ركبوا لي قير جديد حتى تووظيب ماابي وماطلوا فيه وقالهم والله لاشتكيكم على وزارة التجارة

وعلى طووول ركبووو له قير جديد ولذلك تصرف معهم باي طريقه المهم احجرهم لاتخليها عليك

اقتباس:

---

المشاركة الأصلية كتبت بواسطة اكوردي...

ياااشيخ رح لهم والعن اصلهــــم والا قلهـــم بشتكـــيكم ... اخوي نفس المشكله بس عام99

اشتراها وقيرها خرب وراااح وماعطوووه وجه وحط المفتاح عندهم وقال عطووني فلوس السياره

والا ركبوا لي قير جديد حتى تووظيب ماابي وماطلوا فيه وقالهم والله لاشتكيكم على وزارة التجارة

وعلى طووول ركبووو له قير جديد ولذلك تصرف معهم باي طريقه المهم احجرهم لاتخليها عليك

---

تسلم أخوي (( أكوردي ..))

والظاهر إنّ هذا اللي بيصير ...

بقلب الوكاله .. صالة مصارعه ..

ويا أنا .. أو هم ..؟

يصير خير ..


ومشكووووور اخوي ...

اقتباس:

---

المشاركة الأصلية كتبت بواسطة عبووودي2009

تسلم أخوي (( أكوردي ..))

والظاهر إنّ هذا اللي بيصير ...

بقلب الوكاله .. صالة مصارعه ..

ويا أنا .. أو هم ..؟

يصير خير ..


ومشكووووور اخوي ...

---

بصراحة هذا هو المطلوب انشب في حلوقهم ولاتتركلهم حالهم وامشي على الكلام اللي قالك اياه أكوردي

:rolleyes:مشكورين يا اخواني جميعكم (( محبي هوندا ))

الحمد لله رب العالمين ..
اليوم رحت للوكاله ..
وكلمتهم ..
وقالولي :::
أوكي بنغيّر القير على الضمان ..
واعتذرولي على تقصيرهم..
ويقولوا إن سبب قولهم لي إنهم ما يقدروا يغيروا القير على الضمان هو: عدم تواجد قيور للـ2007 ...
وعلى قولتهم انها توها واصله ..
وبكره الساعه 5 العصر بالضبط أستلم سيارتي ..
بس والله ماقصرتوا على وقفتكم ويّاي..

دُمتُم بِوِدْ ...

عداك العيب :d

:rolleyes:

تصريفتهم امس قالو ان مارجع فبها وان رجع غيرنا له واشوى انك اخذت حقتك ومبروك

الف مبروك اخوي الله يحفظك انت وسيارتك وانصحك بالنشبه في الحلق خخخخخخخخخخخخ لو رفضو اي شي

مشكووووووررررين جميعاً على مروركم ..

دُمتُم بِوِدْ ..

أقلب الصيانة حـلبة مصارعه

وطالب بفلوسك
:cool:

اقتباس:

---

المشاركة الأصلية كتبت بواسطة momo

تصريفتهم امس قالو ان مارجع فبها وان رجع غيرنا له واشوى انك اخذت حقتك ومبروك

---

هذا اللي يسووونه دااايم والف مبروووووووووك وان شاءالله يكون فال خير عليك هالقير

يا الغالي الحمدالله انهم بيغيرونه والف مبروك مقدما ولاتنسى تبشرنا اذا ركبت القير :cool:

>>بيتابع موضوعك الين تبشرنا :d

الله يستر عليك اخوي وهاذا الكلام النشبه نوب زينه هههههه
الله يحفظ لك موترك ويعطيك خيره ويكفيك شره

اقول لك بلا خماعة

لا يطقطق على راسك واحد قبل امس مسك مفك

ياخوي ولد خالي عنده odyssey وهو راجع من الرياض فرط القير عليه ؟! طبعا السيارة ماشية 90.000 كيلو

راح الوكالة قالوا له نفس الكلام ... جاب الفواتير حقت كل الصيانات و قال لهم انه انتوا مشيكين على السيارة و قلتوا ok كيف صار كذا ؟ وضبوا له القير وهو مثل الطيبين

لا تسكت خذ حقك و حوس مدير الصيانة

او

واحد من الشباب عنده Accord 2002 خرب عليه القير .. وهو مواضب على الصيانة .. رسل ايميل للشركة .. الشركة رجعت و ارسلت للشركة الي هنا انه السيارة تتصلح غصب ولا طيب


خلك قوي و حوس امهم


سلام

أبشّركم ....

استلمت السيااااااااااااااره ..
قبل موعد استلامها حتى ..

اتصلوا علي الساعه 4 العصر بالتمام وقالو تعال استلمها ..

والحمد لله السيااااره 100%...

والقير والتعشيقات أحسن من روووووعه ..

وصوت النّمر هادئ جدّاً ..

وأحسّه قوي جدّاً جدّاً عن قيري السابق ...

أكرر شكري وتقديري لمساندتكم لي ..

:) دُمُم بِوِد ْ.ْ.ْ.ْ.ْ.ْ.ْ.ْ.ْ.ْ

مبروك وتكسره بالعافيه ههههههه عاد الله الله بالركاده

مبروك وتجاكر به بالعافية ههههههههههههههههههههه .

ياكويـــــــــــس .

ههههههههه

مشكورين اخواني على مروركم العطر ..

دُمتُم بوِد ...

الحمد لله أنك أخذت حقك:cool:

وتتهنى فيه إن شاء الله:)

الوكالة ثم الوكالة ثم الوكالة

الف الف مبرووووووووووووووووك

متى تمرنا ناخذ دوره بالقير الجديد:d

اقتباس:

---

المشاركة الأصلية كتبت بواسطة الــمــســافــر

الف الف مبرووووووووووووووووك

متى تمرنا ناخذ دوره بالقير الجديد:d

---

8888888888888888888888888

:d اي وقت تبي ...

بس لا تنسى :: الفره بعشـــره :d

ههههههههههه

تشكًر على مرورك ..

... تحياتي ...