عرض للطباعة
اخواني انا اشتريت سيفيك 2006 وكاله بس مو من الوكاله على طول
عن طريق وكاله ثانيه
ولا طلع معها لا فرشات ارضيه
ولا طلع معها شنطه اسعافات او عده
بس طلع معها العفريته حق الكفرات والمفتاح العجل بس
وكيف ابيها انا
أطلبها منهم او شلون
وهل هي بسعر او مجانيه
وسيارتي الحين مشت 1000 كم وسويت لها فحص عندهم وخلصت
ولاشف شي
ارجوا الإفاده
هل يطلع معها ماطور هواء على قولتهم ؟؟
أو لا ؟؟
المفروض تجي معه فرشات ارضيه بس تراها من ابوعشرين ريال
وعدة الاسعافات الاوليه وشنطة صغيره وقلم حبر عليه علامة هوندا و ميزان ضغط الكفرات
مايجي ماطور هواء يمكن قصدهم ميزان الضغط
اما كيف تاخذها اعرف اللي ياخذونها من الوكالة يعطونهم اما حالتك يمكن تراجع المعرض اللي اخذتها منه ماادري والله
مشكور الاخطبوط
على المشاركه وياهلا فيك
يعني يا شبااب ما يعطون الوكالات الثانيه (الموزع) القطع الاضافيه للسياره الا من نفس الوكاله الاصليه
راجع الوكاله وان شاء الله مايقصرون ...
اخوي انا شريت اكورد وفل كامل ولاعطوني لا شنطة ولا طفاية حريق لكن المعرض اللي شريته منه عطاني ورقة اروح للوكالة اللي في خريص اخذها منهم ورحت للوكالة وسجلوا اسمي ورقم جوالي قالوا ماتجي إلا بعد شهرين وجلست انتظر ولا دقوا بعد كذا رحت بنفسي والحمد لله قدمت لهم الورقة وخذيتها منهم .
أأهاا انا لا ورقه ولا هم يحزنون ولا رحت ولا شي اشتريت فرشه من ابو عشرين ونمت بالبيت
اهاه لا مايصير كذا لاتخليهم يهضمون حقك .
الاخ ملك الـCiViC
مثل ما تفضل الاخ دحوم، اتصل على المعرض اللي استلمت منه السيارة و هو يعطيك ورقة و توديها للوكالة و تستلم النواقص منها.
انا يوم استلمت السيارة من مستودع المعرض ما لقيت معها شي. و انا في الطريق دقيت تليفون على المعرض و سالتهم عن شنطة الاسعافات، قالو لي تعال خذ و رقة و رح استلمها من الوكالة.
طبعا الى الحين ما بعد مريت المعرض
الاخ ملك الـCiViC
مثل ما تفضل الاخ دحوم، اتصل على المعرض اللي استلمت منه السيارة و هو يعطيك ورقة و توديها للوكالة و تستلم النواقص منها.
انا يوم استلمت السيارة من مستودع المعرض ما لقيت معها شي. و انا في الطريق دقيت تليفون على المعرض و سالتهم عن شنطة الاسعافات، قالو لي تعال خذ و رقة و رح استلمها من الوكالة.
طبعا الى الحين ما بعد مريت المعرض عشان اخذ الورقة
لكن
الاخ ملك الـCiViC
مثل ما تفضل الاخ دحوم، اتصل على المعرض اللي استلمت منه السيارة و هو يعطيك ورقة و توديها للوكالة و تستلم النواقص منها ان شاء الله.
انا يوم استلمت السيارة من مستودع المعرض ما لقيت معها شي. و انا في الطريق دقيت تليفون على المعرض و سالتهم عن شنطة الاسعافات، قالو لي تعال خذ و رقة و رح استلمها من الوكالة.
طبعا الى الحين ما بعد مريت المعرض عشان اخذ الورقة:d
لكن شكلك حمستني امرهم الليلة و اخلص. و باذن الله اببلغك اذا هي موجودة في الوكالة.
ملاحظة للمشرف:
لا اعرف كيف تم تكرار الرد 3 مرات بهذه الطريقة. الرجاء حذف الردين السابقين و تحرير ردي هذا للحفاظ على سلامة الموضوع الشكلية. و شكرا مقدما
اخوي ملك الـCivic
توني راجع من الوكالة و متوفرة عندهم ادوات السلامة. عطيتهم الورقة واستلمتها مباشرة. لكن ما كان من ضمنها فرشات ارضيه. و خذتها من عندهم ب 120
((وكالة الرياض - طريق خريص))
اها بروح الواكله انشاء الله
بس الورقه المتضمنه وش مكتوب فيها لو سمحت؟