طالب النصيحه... نروح الوكاله ولا نشري القطعه ؟؟؟

السلام عليكم

ياشباب قصتي والمعاناه >>>>>> راعي طويله :(

طبعا اكوردتي 2006 ماعمرها انفتح الكبوت الا بالوكاله

المهم

دخلتها صيانة 10000 كيلو يوم الثلاثاء واستلمتها

يوم الخميس رحت بركب زينون

الفني اول مافتح الكبوت قاللي وين القطعه اللي هنا قلت اي قطعه قال قطعه اول شي نفكه بالسياره

طلعت في قطعه بلاستيك قدام البطاريه زي الغطاء حق مجرى الهواء وينشبك بالبودي

طبعا شيكت بالكتالوج لقيت القطعه مفقوده من سيارتي


الخلاصه

انا لو بروح الوكاله بيقولون انت موقع انك مستلم السياره مافيها شي واخاف يشوفون الزينون يقولون اها اكيد مركبه ولا رجعه اللي سوالك اياه


وش الحل


افك عمري واشتري القطعه من الوكاله او التشليح


ملاحظه: تخيلوا لو اني مارحت للمحل حق الزينون ولا شاف الكبوت ولا قاللي القطعه ضايعه كان الا يومك وهي ماهي فيه واخاف يدخل تراب لان فتحة التهويه على فوق

إيه عرفت القطعه الي تتكلم عنها .. جرب تروح لهم وإنشاء الله ابو البراء يساعدك

انت مو جرب تروح انت لازم تروح :mad:

لازم تروح تشوف لك حل لو تطاق معهم وانا والشباب جايينك وبيد كل واحد عجراء نشوت كل اللي بالوكالة ونستحلها ونعلمهم ان الله حق وان ظلمك ياصدام مايدوم وان إذا كنت قوي ففيه اقوى منك اووووووووووووووووووووه دخلت بالسياسة مع السلامة لحد يسمعني .

ههههههههههههههههههههههههههه

روح الوكالة و ما عليك ....

رحت الوكالة اليوم وبراسي هوشه تعرف مشحون نفسيا

بس احرجوني باخلاقهم

يعني حق الاستقبال علطول وداني للمهندس قبل الناس والمهندس راح معي السياره وشاف القطعه المطلوبه بعدين دخل عند الفنيين وقال انتظرني

بعد فتره جاء وقال القطعه مالقينها جوا >>> طيب وش اسوي انا تضيعون القطعه بعدين تقولوا مالنا شغل

قال لو اول مااستلمت السياره قلتلنا كان حطيناها براس الفني بس الحين مانبي نظلم احد >>>> تصدقون بغيت اصيح حزنا على الفني

قاللي وش رايك الفحص الجاي تجي ونعطيك خصم على القطعه >>>> ياسلام يسرقوني ويقولون تشري اللي سرقناه

قلت له خلني اشوف القطعه بكم واعطيك خبر تحطونها براس الفني ولا تخترعونلي قطعه

رحت قطع الغيار تدرون بكم طلعت





30 ريال خخخخخخخخخ

12 ريال كلبسات

يعني كامل 42 ريال>>>> مقاس جزمه :)

اشتريتها وقلت الشرهه على اللي يسوي صيانه عندكم مره ثانيه

صيانه 10000 كيلو بـ 417 ريال وزودوا عليها القطعه ذي ياخي من اول خذو الفلوس ولا تسرقونا

بس مابي اظلم احد ياخي يمكن طاحت القطعه من حالها وانا ماشي

ويعطيكم العافيه لكل من شارك معي او دعاللي

الحمد لله انا الوكاله حبيبين معي .. ضيعوا مسمار واحد بس من غطا فلتر الهوا

و يا ليت يا الاخطبوط لو تصور القطعه اللي ضيعوها لاني احس فيه عندي

شي ناقص << بدت الوسوسه

هذي صورة مكان القطعه يااكورد06

الصور قبل مااركب الغطاء واخر صوره بعد

الاخطبوط
الحمد لله ان القطعة طلعت رخيصة وكويس انها ما جات على غيرها

يا اخطبوط هذه القطعة كانت واضحة ودلك عليها الرجال اجل كيف القطع الثانية ؟؟:eek: <<< راح يخلي الاخطبوط يوسوس:d

:eek: :eek: :eek:

لايكونوا سارقين القيربوكس وانا ماادري >>>> اجل كيف ماشيه السياره خخخخخخ

بس شوف كيف

انا كنت مأجل تركيب الزينون من زمان قلت بعد فحص 10000 اوديها

وطلعت خيره من الله عرفنا ان فيه قطعه ناقصه وركبنا زينون >>>> لايفوتكم ذا اللي اخترع الزينون بيدخل الجنه من دعواتي له :cool:
>>> استغفر الله مابي اجيب العيد بس عساه يكون مسلم :)

المهندس حق الوكالة يقول فائدة الغطاء انه مايدخل غبار او مسامير جوا المجرى

الحمد لله على كل حال، ولو كنت من أول يوم اكتشتفتها كانوا عوضوك بالتأكيد :)

لكن بالنسبة للقطع تأكد من قطعة مهمة جداً وغالية أيضاً وربما تكون الأهم!
توجد قطعة بالمنتصف تقريباً أكبر قطعة مكتوب عليها i-VTEC تأكد من وجودها !

:d
الحمد لله على السلامة

اما لو تروح ذي القطعه خخخخخخخخ

بجيب لي فار واحطه جوا السير ويمشي والله يعين على البنزين (بسكوت :))

هههههههههههههههههههههههههههههههههههههههههههه

انت تقصد المكينة :d <<< لا ذكي ما شاء الله

جئتنا يا اخونا Honda بعد غياب طويل ( صح انه قصير بس يعتبر طويل) <<< اقول كمل وبلا فلسفة زايدة خخخ

ولقد اشرقت سنوننا من ضحكت اطريتها علينا <<< ( سنوننا ):eek: ام الجمع ما سمعك مدرس القواعد:d

اخبر بعد صيانة الـ 40000 جيت اشيك على سيارتي (بعدها بسبوع) ولقيت نفس القطعة الي انت تقول عليها يالاخطبوط مرخية يعني موجودة بس بدون مسامير :eek:
المهم رحت وكلمت مهندس الصيانة قالي والله لو انك اكتشفتها في نفس اليوم كان صلحنها وعلى حساب الشركة
خلاصة الموضوع اني دفعت قيمة المسامير من جيبي (اتوقع ان سعرها كان بعد الخصم 12 ريال ) ماقول الا حسبي الله ونعم الوكيل .

لم آت بعد :)
قريباً بإذن الله :)

السلام عليكم...
يا شباب هذه القطعة تكون راكبة في السيفيك 2002 لأنه بصراحة لما شفت الصور اللي واضعها اخوي الأخطبوط وجدت انه سيارتي ما عليها واللي ماشي عليها سنتين..فهل تكون على السيفيك؟

اتوقع فيها اكيد لانه اكورد 96 فيها >>> صح انه المكان غير والحجم يختلف والشكل

لكن القطعه هي غطاء مجرى الهواء

هلا وغلا ...


الحمدلله ع السلامه وماتشوف شر انشاء الله ..


واتوقع القطعه فقدت عن تركيبك لزينون ..

.

لا أبوعابد

وقفت عند المحل اللي بيركب الزينون واول مافتحنا الكبوت كنت معاه

قاللي وين القطعه اللي هنا >>>>( اول قطعه تفكها اذا بتغير النور)

يعني بالعكس هو ساعدني بمعرفة القطعه الناقصه

اعوذ بالله وصلت المسألة إلى تضييع القطع ومن مين من الوكالة الفاشلة نفسها الله يعينا عليهم بس .

يعني كامل 42 ريال>>>> مقاس جزمه :)

هههههههههههههههههههههههههههههههههههههههههههههههههه هههههههههههههه

الله يرجك رج اللبن هههههههههههههه :d

اما الفار والله فكره ميب شينه ياولد ;)

ايه والله ضيعوها وقالولي نسويلك تخفيض على القطعه بالصيانه القادمه يعني صيانه 20000 >>> مشواااااااااااااااااار :mad:

نكد فكرة الفار ذي متعوب عليها يعني جيبلك 6 فيران ووزعهم على شكل V

ابن امه اللي يقوم عليك بالخط :cool: