السلام عليكم
محدثكم بلاك من قسم الاخبار يحيكم ... و يتمنى لكم قضاء امتع الاوقات مع موضوعنا لهذا اليوم :)
"" علقو مفاتيح سياراتكم عند الباب .. الموضوع طويل حبتين "
بداية ... فكرة التجمع :
صحيت من النوم بيوم عطله .. الساعه 12 الظهر !!
لقيت ضايفني شخص على المسنجر .... عرف نفسه انه علي !!
و قال انه مشترك بالمنتدى تحت اسم .. Honda al aswad
قال التالي :
انا عندي فكرة تجمع ..... ممكن اتصل عليك ؟
قلت له تفضل هذا رقمي : *******
ثواني
و يرن التلفون
اشيله و اقول : الووو ( و صوتي صاير X لاني توي قاعد من النوم )
هو ( و انا حاس انه كش شوي من صوتي خخ ) : معاك علي
قلت تفضل : قال انا عندي خبره بتجمعات هوندا .. ممكن نتقابل وجها لوجه اليوم ؟
قلت على راحتك .. بس بعد الساعه 7 المغرب
قال اوكي .
اتفقنا انه نتقابل بمواقف فرايديز :d
وصلت .... اشوف .. اكوردين معدلين ... ينتظروني
نزلت .. انت عقيل .. اي ... انت علي .. اي
و عرفني علي على الاخ محمد القلاف .. و قال انه معانا بالفكره
قلت تمام
تعارفنا على بعض زين ما زين :d
علي : شفت تقارير التجمعات اللي بالمنتدى
انا : اكيد
علي : و الله شغلهم مرتب .. و تمام ( و ينظر للقلاف .. و يتكلم له عن التقارير و اللي شافه )
علي : انا ناوي اسوي احسن ان شاء الله .. بس احتاج مساعده من الانترنت و من كذا شخص
انا + القلاف : من عيوني هاذي قبل هاذي
طلع معاي التالي :
علي ... مسوي تجمع من قبل .. ووصل العدد 45 سياره
ماكان في اي واحد مفكر بشي اسمه انترنت
المشكله اللي واجهته : جا موستنق .. شاف التجمع .. نفخ .... طلعو وراه الشباب يبون يتسابقون !!!
ما ظل من الـ 45 الا النص او اقل
و اللي ينفخ بأزعاج ... و اللي يشفط
يعني علي قال لنفسه .. مره وحده و توبه اعيدها !!
علي بدا يتصل على اللي يعرفهم و عندهم هوندات .... و انا بديت اوقف شباب بالشارع و اعزمهم على القروب و كلهم كانو يبدون رغبتهم للانضمام بسعاده !!
و القلاف بدا يتصل على اللي يعرفهم
و كل ما نشوف واحد .. نقوله تبي اي تفاصيل زياده .. اليوم المغرب بمواقف فرايديز
و كان كل يوم يطلعون لنا بالمواقف 5 او 6 جدد
و كنا كل يوم نروح للمواقف ... القلاف كان 24/7 هناك
و كذلك الخضري .. و انا كنت امر ابو ساعتين و امشي
سجلنا قائمه ... فيها ارقام التلفونات و الاسماء و السيارات و نوعها
و قلنا لهم ان التجمع السبت .... بس المكان غير مؤكد و راح نرسله مسجات
و رسينا على ان تكون بمواقف فراديز من العصر للمغرب .. للتصوير .. و بعدها لهارد روك كافيه علشان الاناره الطيبه ;)
صار السبت :
الساعه بيدي 1 الظهر ... اول واحد واصل :d
تغديت بفرايديز ( حياكم تفضلو !!) <<<لا يا شيخ تو الناس !! :rolleyes:
حجزت مواقف على قد ما اقدر .. صفطت بالعرض
طلعت من المطعم الساعه 3 الا ربع ... الا اشوف لمة شباب
الا جم واحد حاضرين مبكر <<<< ما يدري كم واحد .. طالع من بعد الاكل ملبوخ ههه
بس عرفت منهم :
bassol-act <<< معانا بالمنتدى و الوحيد اللي جا عن طريق النت :confused:
و واحد يحب اني اسميه بالنت بأسم xpostri
و اثنينهم سيفكات الشكل الاخير
و شوي شوي .. اشوف السيارات تزيد
لين وصل العدد لـ 51 سياره على الساعه 4 تقريبا !!
قولو ما شاء الله .... :rolleyes:
مو كأني طولت بالكلام ؟
المهم ... علي شاف قروب S2000
عزمهم ... و حضرو ... و كان من بينهم .. شخصين
مثلو هوندا بسباق Gulf Run
GulfRun - Home
Mr.dode
s2k اسود معدل تعديل رهيب
و عنده محل h h tunes
www.hhtkw.com
المحل متخصص بطلبيات القطع و السيارات من برا .... محل يستاهل تحيه على الشغل النظيف
و للاسف الاخ الثاني مشى قبل ما نصوره او حتى اكلمه
تم التجمع .. صورنا خلصنا ...
المغرب صار
شباب الاس الفين مشو .. عندهم اشغال و خصوصا انهم ما درو بالتجمع الا قبله بيوم
ما حسبنا السيارات .. بس كانو اكثر من 40
طلعنا بشبه مسيره .. ماشين ورا بعض ... قطار
تأذينا شوي من الناس اللي تقطع القطار و اللي و اللي و اللي
وقفنا ... قلنا :
يا شباب ... كل واحد يمشي بكيفه ... المهم انه نلاقيكم عند هارد روك
وصلنا هارد روك ... تقريبا 20 سياره .. و كانت الساعه 8 مساءا
الشباب تعبانين .. و خصوصا ان الشمس لها دور كبير بالموضوع :mad:
يلا شباب ... صوره جماعين ..... جك صورنا .. كل واحد بيتهم :d
الميزه الغريبه بالقروب :
ما نحتاج نطلع يوم كامل ...
مشتاق تتجمع .. تقضي وقت ... فره على شارع الخليج .. بتشوف لك اثنين او ثلاثه على الاقل من اللي كانو معانا بالتجمع .... بسط معاهم
مر جمب مواقف هارد روك .. ممكن تشوف واحد فينا
مر على مواقف فرايديز ... تشوف واحد فينا على الاقل
صار التجمع سهل
لستة الاسامي موجوده .... 71 مسج ... بواقع مسج لكل سياره
و تشوفهم مجتمعين
الصور :
من يقول راعي الكورلا اللي بطرف الصوره ما صرخنا عليه كلنا :d
تلاحظون ان السيارات صافين على جنبين
للاسف .. الجنب اللي فيه الاس الفين و الكوبيه .. ما عندي صوره !!
اول ما توصل الصور .. انزلها :o
الاسود يعبر : علي ,, انا ,,, القلاف
قولو ما شاء الله .... الشباب جاتهم عيون كسرت مواترهم و الله :(
التكاسي :p
الحمرا .. امريكيه 6 سلندر .. غيار عادي
السودا ... كنديه ... 6 سلندر .. اوتو بعين العدو :d
الخلفيات :eek:
صور من Gulfrun :
جميع سيارات GulfRun من الكويت ... و تم السباق بحلبة البحرين
لمزيد من التفاصيل ... ادخل على الموقع بالاعلى :)
ملاحظات من التجمع :
- تم توزيع ورقه بها قوانين التجمع ... حتى لا يصبح التجمع هرجا و مرج
- شخصين لم يلتزمو بالقوانين .... مسكناهم الباب :rolleyes:
باقي 200 صوره .. فيها سيارات كل المشاركين مع التعديلات اللي عليها ..
راح تنزل بموضوع مفصل
كل سياره و التعديلات اللي عليها و كل شي !!
فقط نحتاج الى صبركم لمدة اسبوعين بالكثير .... لان الشغل علي كثير و انا الوحيد اللي شغال على الموضوع بالنت !!
شكرا على صبركم على هذرتي الزايده و بربرتي
بس يا شباب ... اخر مره جيتو .. في ناس نسيت مفاتيح سياراتها عندي
كل واحد ياخذ مفتاحه فضلا و ليس امرا
و السلام عليكم و رحمة الله و بركاته :)
