تجمعات القصيم الأسبوعية

السلام عليكم ورحمة الله وبركاته

أختر للفراغ الأتي بمايناسبة من بين الأقواس :
.......... الله بالخير ( مساكم - صبحكم ) أختر اللي يناسب جوك .. :d

أكيد بتقولون أخيراً تحركوا أهل القصيم وبيسوون تجمع ..
بس أقولكم هذيك الفترة هي فترة الهدوء اللتي تسبق الأعصار >> وش عنده ..:p

طيب موضوعنا تجمع في منطقة القصيم بمشيئة الله

يوم الخميس تاريخ 26/3/1429هـ الموافق 2/4/2008م

من بعد صلاة العشاء مباشرة تقريباً 8:30

اللي عنده أرتباط أو أختبارات يخلص ويجي لنا ..
واللي مايقدر .. أقول له الجايات أكثر .. وإن شاء الله بيكون لنا تجمعات كثيرة ..
وراح ننقاش بهذا التجمع متى وأين تكون التجمعات الجاية الرسمية والغير رسمية

مافيه أي تصوير .. عشان ماأحد يتأخر علينا ويروح يغسل سيارته ;)

اللي يرغب بالحضور يرد بالموضوع بالموافقة على الحضور ويرسلي عالخاص رقم جواله ..
وأنا أرسله عالخاص عشان مكان التجمع ..

الله لايهينكم نبي اللي يقدر يجيب شي معه .. يختار من قائمة الطلبات :

1) ثلاجة قهوة وشاي
2) صحن حلى
3) صحن معجنات

السلام عليكم ورحمته الله وركاته...........

والله الموعد بنسبه لي حلو واالله يوفق انشالله

بس وين رح يكون الاجتماع

تحياااااااااااااااتي

سجل عندك أول نفر
أنشاء الله يكون تجمع يليق بسمعة المنتدى

كم القطيه ؟؟ :d

عن نفسي اسمحولي انا ماحظر الا تجمعات رسميه :d

ان شاء الله معكم بالتجمع الثاني

والظروف ادرى بها اخوي [هـ ن ط 425 badoory]

موفقين

وانا ان شاء الله معكم

بس وين المكان

اغديه ببريدة او عنيزه

بالتوفيق لكم

أشكر كل من خطم عالموضوع ..

وبالنسبة للي موافقين تم إرسالهم رسالة عالخاص ..

طيب شباب للحين ما أحد سجل وش بيجيب معه ..

الطلبات :

1) ثلاجة قهوة وشاي >>> أبو عــزوز ..

2) صحن حلى >>> ؟؟؟؟؟؟؟

3) صحن معجنات >>> ؟؟؟؟؟؟؟؟



الحضور إن شاء الله :

ل ن ن السعودية 811

* النهيم *

هـ ن ط 425 badoory

the_hunter

ه و ط/467

أبو عــزوز


لاتنسون وعدنا بعد بكرا .. الساعة 9 م .. ;)

معجنااات خلها علي :cool:

بالتوفيق,,,,
يبو عزوز والله ودنا انا معكم
بس ان شالله الوعد التجمع الرسمي

^^^
شاكر لك مرورك ..

اقتباس:

---

المشاركة الأصلية كتبت بواسطة هـ ن ط 425 badoory

معجنااات خلها علي :cool:

---

يعطيك العافية خييو .. ;)
وإذا تقدر تجيب معك فرشة .. لاني بجيب حبة وحدة ..

ابو عزوز سجل عندك 2 نفر مع بيبسي عائله :d

و أنا ياشباب اسمحوا لي و بالأخص أبو عزوز :o

حصل لي ظرف لكن بحاول أسير عليكم إن شاء الله :rolleyes:

اقتباس:

---

المشاركة الأصلية كتبت بواسطة الــمــســافــر

ابو عزوز سجل عندك 2 نفر مع بيبسي عائله :d

---

من جدك أنت .. :eek:

اقتباس:

---

المشاركة الأصلية كتبت بواسطة Classic Design

و أنا ياشباب اسمحوا لي و بالأخص أبو عزوز :o



حصل لي ظرف لكن بحاول أسير عليكم إن شاء الله :rolleyes:

---

بلييييييييييييييز .. حاول تجي .. ومن اليوم ورايح بسميك .. جاسم

ان شاء الله بكرا الساعه 9 موجود بالقصيم

عاد رد علي عشان اعرف وين تكونون :d

اخيرا تبي تسوون اجتماع

ان شاءالله اكون من الحاظرين

لكن مااعطيك خبر اكيد

95% احضر و 15% مااحضر

تحيااااااااتي

حياكم الله ياشباب ..
بصراحة هاذي أول مشاركة لي في المنتدى .. :rolleyes:
أنا ان شاء الله على أتم الاستعداد في الحضور .. :cool:
اللي تبغونه مني أنا حاضر ..(( فرشة + زمزميات قهوة وشاهي أو حلى أو فطاير )) :)
اللي تبغونة مني أنا حاضر .. بس الله لايهينكم وين التجمع .. محبكم .. ناســNasNoosــنووس ;)

ابو عزوز وين الاجتماع فيه

ارسل رساله على الجوال عشان اعرف وينكم OK

ياجماعة الخير .. وين الاجتماع ..
أذن العشاء وأنا مدري وينكم ..
ياريت أحد يرد علي بسرعة ..
أنا بالانتظار .. محبكم ..

وش صار ياشباب على التجمع

طيب طيب انت وياة ... تجمعتو .. وطلعتو من الرياض ... هذا وجهي اذا قعدت في هالوظيفة البايخة اللي انا فيها الحين ..

وش صار

لاحس ولا خبر

اما وش صار
العيال اجتمعو وانبسطو وفلوها

بس ترا هالتجمع مررررررررررررررررررره نايس

نلقاكم على خير ان شاء الله

أول شي بتقولون متأخر .. أقولكم الدنيا أهلتنا عن كل شيء ..

أحب أشكرك كل الشباب اللي حضرو .. وبالأخص اللي جوا من الرياض هم : الــمــســافــر & 606

واللي زارنا زيارة مباغته من ينبع : B Unique

لكم كل الشكر والأمتنان على طلتكم .. ولو إني أعتب عليكم .. عشانكم مانمتوا عندنا ..:mad:

التجمع الماضي كان ناقشنا فيه عدة أشياء .. وخرجنا بعدد من النتائج وهي :

1) تجمعات أهل القصيم بتكون بمشئة الله أيام الخميس .

2) التجمعات راح تكون في أماكن متفرقة وكل تجمع بديرهـ .

3) تحديد أماكن التجمعات وأرقام الجوالات تكون على الخاص .

=----> (التجمع القادم) <----=

يوم الخميس الجاي -أول يوم بالإجازة- .. 4 \ 4 \ 1429هـ .. الساعة 30 : 8 مساءً ..

راح يكون تجمع .. وبيشرفونا عدد ضخم وهائل من أهل الرياض .. :cool:

يعني يأهل القصيم لاتفشلون قدام الضيوف :mad: حنا المعزبين .. والتجمع بوجيهنا ..

اللي يبغى يحضر .. يرد بالموضوع ويخبرنا إنه بيحضر ..
ويرسلي رقم جواله على الخاص .. حتى أخبرهـ بمكان التجمع بالضبط ..

سجلني اول الحاظرين

لكن معليش ماودي اوهقكم عندي ضيوف يوم الخميس بيجون من الرياض اذا ماجو الخميس فحسبوني معكم :)

اقتباس:

---

المشاركة الأصلية كتبت بواسطة أبو عــزوز ..

أحب أشكرك كل الشباب اللي حضرو .. وبالأخص اللي جوا من الرياض هم : الــمــســافــر & 606

والله انبسطنا بشوفتكم

واللي زارنا زيارة مباغته من ينبع : B Unique

يا عيني عليك يا محمد انت وطلتك الحلوه :cool:

راح يكون تجمع .. وبيشرفونا عدد ضخم وهائل من أهل الرياض .. :cool:

اما انت يا ضخم :cool:

طيب سجل عندك مجموعه نفرات ان شاء الله بنجيكم

---

1 نفر وصلحووووة

السلام عليكم ورحمة الله وبركاته.................

انا مادري وش ذا الحظ لي بس خيره بغيره يوم الخميس زواج خالي العزيز

وانا اعتذر منكم الاني ماجيت الجتماع الي راح بظروف خاصه

ارجو منكم تقبل خالص تحياااااااااااااااااااااااااااتي

الــمــســافـــر & كوكو كورد .. بنتظاركم الله يوصلكم بالسلامة ..


هـ و ط 467 .. الجايات أكثر إن شاء الله .. وخصوصاً تجمعاتنا بتكون شبة أسبوعية ..


وينكم ياشباب ما احد سجل إنه بيحضر .. :(

يعني لازم تحرجهم ويكتبون يعني ماتخليهم يجون فجاه
يعني خليهم ينبسطون >اقصد يخلونكم تنبسطون

الايام جايه

سجل يابو عزوز :)


المره هذي إن شاء الله أول واحد يجي أنا :d

تجمع رسمي أبو عزوز؟؟

التجمع بأذن الله راح يكون في بريدة..

إذا كان الجو ممتاز راح نجتمع في أحد المخططات ..أما إذا كان غير ذلك راح يكون في كوفي شوب..


وياشباب اللي يقدر يجيب أحد هالطلبات يختار أحدها:)


1-ثلاجة شاي وقهوة

2- صحن حلى كبير ..

3- صحن معجنات كبير .

4- فرشة

وأي حاجة (انا &ابو عزوز بالخدمة:))

اقتباس:

---

المشاركة الأصلية كتبت بواسطة accord2002

يعني لازم تحرجهم ويكتبون يعني ماتخليهم يجون فجاه
يعني خليهم ينبسطون >اقصد يخلونكم تنبسطون

الايام جايه

---

لاتقولي إنك تفكر تسويها .. ;)

وش قصدك بالأيام جايه :rolleyes:

اقتباس:

---

المشاركة الأصلية كتبت بواسطة Classic Design

سجل يابو عزوز :)

المره هذي إن شاء الله أول واحد يجي أنا :d

---

الله يحييك أنت واللي معك ,, ;)

التجمع إن شاء الله اليوم بيكون في مدينة بريدة ..

مخطط الرواد .. بعد صلاةالعشاء مباشرة 8:30

أتمنى أنزل رقم جوالي عشان لو أحد دخل الموضوع متأخر يتصل علينا ويلحق ..
بس مشكلة يزعجونك بعض البزران ..

اقتباس:

---

المشاركة الأصلية كتبت بواسطة أبو عــزوز ..

التجمع إن شاء الله اليوم بيكون في مدينة بريدة ..

مخطط الرواد.. بعد صلاةالعشاء مباشرة 8:30

أتمنى أنزل رقم جوالي عشان لو أحد دخل الموضوع متأخر يتصل علينا ويلحق ..

بس مشكلة يزعجونك بعض البزران ..

---

:( الله يقطع ابليس والله قهررررررر

<<< رايح لمخطط الرواف يحوس ساعتين ومالقى احد

ورقمك ماسجلته يابو عزوز نسيت

:(:(:(

اقتباس:

---

المشاركة الأصلية كتبت بواسطة m6565

:( الله يقطع ابليس والله قهررررررر

<<< رايح لمخطط الرواف يحوس ساعتين ومالقى احد

ورقمك ماسجلته يابو عزوز نسيت

:(:(:(

---

ابو عزوز الله يهديه كاتب الاسم خطأ> هو الرواف لاكن ماجاز للشباب المكان وغيرنا > وأسفين أخوي ماعطيناك ارقامنا:)> الجايات أكثر:)

^^^
نظامكم اي خدمة:p ... خلاص ... بتبرع بشريحة من اهل الرياض لاهل القصيم بـ 15 ريال مستخدمة .. بشرط تشغلونها كل يوم خميس ... عشان لا تصير مثل هالمواقف ... تغيرون الخطة في اخر لحظة وكم واحد من الشباب ماعندة خبر .. ولا عندة ارقام اتصال ويروح وقتة !!!!

^^^
احتفظ بشريحتك لك .. ياللي تواعد الناس وتسحب عليهم .. :mad:

-----------------

أشكرك كل من حضر من الرياض ومن القصيم ..

وأشكر كل اللي مواعديننا بيجون وسحبو علينا ..:mad:


شكراً من القلب لـ أهل الرياض : الــمــسافــر & king & 606 & و ى ل السعودية 558



ومن أهل القصيم .. أكوردي 2004 & هـ ن ط 425 badoory & القرش



لايوجد تجمع ،، حتى إشعار آخر

http://www.hondaarabia.com/club/showthread.php?t=9899

طيب وش المطلوب يالغالي ;)

أنا من الحين عندي اختبارات ما أقدر >> من قالك رد :d