* معاً في تعديل و تزويد الأكورد , المرحلة الأولى *

**Z U H A I R** · 09-01-2009, 03:19 AM

السلام عليكم ورحمة الله وبركاته

معي سيارة هوندا اكورد 2005 قير عادي ..
التعديلات الحالية ..
K&N رام اير وفلتر .. + هيدرز 4performace + تفصيل ماصورة 2.75 انش على دبة ماقنا فلو ..

الي أبغاه هو البكرات والبرمجة الله يسلمك ..
وانا من الشرقية الدمام ..
هل فيه طريقة عشان التوصيل ولا شسالفه ..؟
شوف لي حل الله يسلمك ..

سلام

**a7med606** · 09-01-2009, 08:07 PM

اخوي ممكن تدز لي رقمك او ايميلك على الخاص
لان ابغي اعرف وين يبيعون هالبلاوي كلها لاني ابي اركبها على سيارتي
وانه بايي من البحرين يعني ابي اخذهم كلهم مره وحده و ارجع
ومشكووور وماقصرت على هالموضوع الحلو

**أكورد دبي 9639** · 10-01-2009, 01:17 AM

مشكووووووووووووووووووووووووووور على الموضوع ;)

**loOoli** · 10-01-2009, 12:12 PM

يعطيك الف عافيه اخوي خالد على الابداع دا
والله اني اتحمست بقوه
بس دي التزويدات تركب على سيفيك ولا لا

**Creative Leader** · 10-01-2009, 01:14 PM

اخوي هالجهاز هذا يركب على الاكورد 2008 طبعا 4 سلندر

وانا من الشرقية

يعطيك الف عافية

**ACCORD 764** · 10-01-2009, 01:34 PM

''"
أهلا بالشباب مرة ثانية ...

ذكرى الجراح :
و الله يا خوي مثل ما قلت لك , المشكلة مو بالمكينة , يعني تروح المكينة تسقط وحدة غيرها , لكن القير هو العدمة :( , هنا المشكلة , لا راح القير و الله لو ركبت واحد ثاني راح تعاني منه و ما راح يكون مثل الأول .
على العموم , أنا ما اشجع على السرعة و حق القومة للـ 160 بس أعتقد إنها كافية .
ما في طريقة لفك الفصلة هنا , لكن الطريقة الآمنة إنك ترسل كومبيوتر سيارتك للخارج , هناك بيعدلونه و يفكون لك الفصلة , لكن تجلع من شهرين إلى ثلاثة اشهر و السيارة واقفة لأن ما عليها كومبيوتر :p .
مرة ثانية , ما أنصحك تفك الفصلة نهائياً .

أبو المهند :
أهلا بـ أبان , الله يحيك و يبقيك , كيفك اليوم بعد اختبار صادق ؟ :d .
شكرا لك يالغالي على هالثقة إللي وضعتها عندي و إنشالله أكون عند حسن الظن ;) .

Z U H A I R :
هلا و الله بـ زهير .
البكرات و البرمجة ما هي موجودة بجدة , لازم طلبية , و على التوصيل ما همك و ما عليك منه , هي خلّيها توصل و نشوف محل معتمد يطلبها .
و ما شاء الله القطع إللي على سيارتك حلوة , و أحلى شي القير العادي .
الله يبارك لك فيها و يعطيك خيرها و يكفيك شرها .

a7med606 :
اهلا أخوي , بالعكس , معقول ما عندكم بالبحرين هالقطع ؟ .
جرب أنزل القطيف و الشرقية بتلاقي فيها إنشاء الله .
الإكزوست تفصيل , و الهيدرز تحصله و الإنتيك بالراحة , كلهم مقدور عليهم .
أما البكرات و البرمجة صعبة و مو أي أحد يركبها :( .
استنى شوي و إنشاء الله لا توفرت كل القطع بأراسلك .

lover_s87 :
العفو يالغالي .

loOoli :
اهلا أهلا .
قبل كل شي , اشكرك على حضورك يوم الأربعاء الماضي و انضمامك لقروبنا و إنشالله تنبسط معانا . بس شفتك سحبت بدري :( .
بالنسبة لكل هالقطع , بالراحة تركب على السيفيك , واحد أمس من الشباب " طارق " إللي معاه السيفيك الأسود و عليه بدي كت , لقى هيدرز بـ 600 ريال للسيفيك . يعني رخيص و يعطيك فرق أكثر من رائع . و الإنتيك و الإكزوست مقدور عليهم , في يوم واحد يتفصل الإكزوست و يركب ;) .

Creative Leader :
حيّاك حبيبي .
يركب هالجهاز على الـ 2008 , لكنه غير متوفر بجدة حاليّا , أنا حفيت لين أدوره و ما حصلته . حتى طلبية المحلات ما تتعامل مع شركته :( , لكن إنشاء الله بأجيبه بأي طريقة ثانية :d .

شكرا لكم يا شباب ..

تحياتي لكم
أخوكم : خــالـــد .

**loOoli** · 10-01-2009, 02:26 PM

شكرا اخوي خالد على افادتي
وان كان على يوم الاربعاء سحبت بدري عشان الخميس كان عندي دوام
وعلى التزويد حبيت استشيرك ابغى اركب انتيك وهدرز بس حيكون لها مفعول حلو
واتمنى تفيدني لاني بجد متحمس وتسلم يالغالي

**أكورد دبي 9639** · 11-01-2009, 01:58 PM

مشكوووور يا الغالي

**A L I** · 11-01-2009, 03:44 PM

اشكرك على المجهود الجبار اخوي خالد ..

و يعطيك العافيه يا عســل ..

تقبل مروري

**THE_HUNTER** · 15-01-2009, 09:06 PM

وعليكم السلام

مشاء الله عليك موضوع حلو ومفيد للأعضاء
تفبل مروري...

**هوندااات** · 17-01-2009, 05:29 AM

موضوعك يحمس تقبل مروري

**a7med606** · 19-01-2009, 01:51 PM

مشكور يا accord764 :d
انزين دام الهدرز و الانتيك موجودين ممكن توصف لي محل يبيعهم ؟
وفي شارع اسمه شارع التويوتا اعتقد في الدمام
اذا في محل عنده الفلتر و الانتيك باروح اخذهم
واسمح لي ع القصور

**قلب الحنون** · 20-01-2009, 12:41 AM

يعطيك العافية أخوي
:d

**vtc.acoord** · 27-01-2009, 12:42 PM

اخوي مراقب قسم التعديل يآليت تعطيني قطع وشكال لـ هوندا اكورد 2000 الانتيك والاكزوست والهدرز انا الحين ماشي في برنامج للسياره والحمد الله خلصت نصفه باقي نصف

**KNG HONDA ACCORD** · 30-01-2009, 09:52 AM

السلام عليكم
الله يعطيك العافيه
على الموضوع
وصحيح انا اول مره اشارك في المنتدى
الرائع بس اعجبني الموضوع بصراحه الله يعطيك العافيه

**ميدو مشاكل** · 20-02-2009, 08:56 PM

.
.
.
تلعب في راسي فكرة تركيب الهدرز على سيارتي الان ,,, وافكر في كنداسة رياضية !!!

ابغى صوت ,,, وقوة ,,, لين يطيح اللي في راسي ,,,

خالد لو دورت مستعمل ,,, الاقي ؟؟؟ وهل هي بنفس الكفاءة ؟؟

خلينا نفل بالقير العادي !!

يصير قير ارضي وانتيك يرضي وهدرز يعطي

**bawared** · 22-02-2009, 04:07 PM

طيب اخو لو ركبت الهدرز والفلتر هل تولع لمبة المكينة وايش الافضل اطلبوه من بره او في مكان في جدة تمام وايش السيارات الي اقدر اطلع عليها وانا سمعت انو اللونق احسن من الشورت بس اللونق مشكلته اذا جات مطرة او منطقة غرقانة بالموية يسحب موية على المكينة ....) وانا اشوف الشورت احسن وايش افضل بواجي رياضية على الاكورد 2006 وسلامتكم ................. شكرا

**bawared** · 22-02-2009, 04:08 PM

طيب اخو لو ركبت الهدرز والفلتر هل تولع لمبة المكينة وايش الافضل اطلبوه من بره او في مكان في جدة تمام وايش السيارات الي اقدر اطلع عليها وانا سمعت انو اللونق احسن من الشورت بس اللونق مشكلته اذا جات مطرة او منطقة غرقانة بالموية يسحب موية على المكينة ....) وانا اشوف الشورت احسن وايش افضل بواجي رياضية على الاكورد 2006 وسلامتكم ................. شكرا

**amoory12** · 04-03-2009, 12:06 PM

طيب شباب والي عنده اكورد 2008

ويبي يركب عليها هذي القطع وشوو احل؟؟

**مزاجي** · 17-04-2009, 02:47 AM

يسلمو..

***أبوسحاب*** · 25-04-2009, 08:25 PM

السلام عليكم ورحمة الله وبركآته

مآشاء الله موضوع قوي وشآآآمل

وبعقب بعض التعقيبآت البسيطه الي ممكن تفيدكم

بسم الله نبدأ ....

- بداية و كما هو معروف نبدأ بالإنتيك ( air cold intake system ) :d .
تتوفر منه أنواع عديدة منها :
و جميعها أنواع عالمية و رائعة و تقريبا تعطي نفس المفعول .

الأنتيكـ يختلف آداءهـ من شركه لـ شركه فيه شي يجي شورت وفيه شي يجي لونق
الشورت قريب من المكينه اللونق الهوا الي يسحبه ابرد من الشورت
لو حطيت لونق وفيكت الكشاف تصير نسبة الهوا الي تدخل اكثر بكثير من الشورت وابرد بكثير قطر المآصورهـ حقت الفلتر تأثر كثير فيه فرق إذا كآن قطر الماصورهـ 2.5 انش او 2.75 انش<---هذي كلهآ عوامل تفرق بالقوه من فلتر لـ فلتر خصوصاً مع البرمجه تشوف فرق كبير بينهم

- و طبعا ما أنسى مروحة التورنيدو ;) , هذي المروحة جات دفعة قليلة منها , مراوح أمريكية حلوة و كويسة و اللحين انقطعت من السوق و صار موجود

المروحه كثير جربوهآ على سيآرآت ثآنيه ورجعوا فكوهآ
فآ]دتها علا كلام الشركه انها يخلي الهوا يدخل على المكينه بشكل لولبي عشان الهوا يتماشى بسهوله مع انحناءات المحرك
بس الي حصل انه تعيق دخول الهواء خصوصاً على السرعات العآليه

- ثانيا : الهيدرز " header " و هو أقوى قطعة تفرق في التعديل في هذه المرحلة ;) , و ذو أداء قوي و رائع خصوصا في الخط و صوت يطرب أكيد .

الهدرز بشكل عآم يفضل اصلي ويكون لونق بالنسبه لـ الأكورج انصح بـ الأصلي وبشدهـ لأن فرق السعر مو كبير بينهم على الأسعآر الي حآطهم

- ثالثا : الإكزوست سيستم " exautes system " .

الأقزوز سستم يفضل اصلي اول شي نغمة الصوت تكون موزونه الصوت موزون اكثر البآكـ برشر موزون انسيابية المواصير افضل يجيب لك سعر عند البيع

<b>

- أخير ننتقل للـ aem fuel / ignition controller أو كما يسمى نظام التحكم في ضخ البنزين و الاحتراق الداخلي في المحرك :

و هذي هي أكثر قطعة أعجبتني في هالمرحلة . و سعرها 1493 ريال سعودي .

و هذي صورة لها .

هذي الكمبيوترات يسمونهآ بقي باك تركب مع كمبيتور الوكآله
هذا الكمبيوتر يسوي الحاجات الي تحتاجها بالبرمجه التحكم بالشرارهـ وتوزين الهوا والبنزين
بس مشكلته مو بلق آند بلي
يعني فيه وجع راس بالتركيب ويحتاج تجريح اسلاك
والبرمجه بعد تركيب الهوائيات كآمله توزن نسبة الهوا والبنزين وتعطي آداء حلو للسيارهـ</b>

أخيرا و ليس آخرا :

في عندكم كمان للبرمجة جاز الأبيكسي " apexi " و هو جهاز رائع

الأبكسي يسوي وزنية هوا وبنزين مآفيه تحكم بـ الشراره
يعني aem يعطيكـ خيآرآت برمجه اكثر من الأبكسي

ولاهنت اخوي خآلد على الموضوع القوي

بالتوفيق للجميع

**nasoooo** · 18-07-2009, 02:32 AM

السلام عليكم

عندي استفسار هل استطيع تغيير القير العادي الى قير اوتوماتيك لسيارتي اكورد 2004 من غير حدوث اي مشاكل ؟

**Mo3az** · 18-07-2009, 06:31 PM

ما شاء الله موضوع جداً حلو ورائع ..

طيب في سؤال في خطر في بالي ..ان بعد تزويد السيارة .. القير ما يحتجله تعديل ولا ما ينعدم معا التزويد ..
لان في واحد سمعت عنه والعهدة ع الراوي ان معاه 07اكورد زود في السيارة وخبط القير عليه ..
وفي شغلى ثانية .. بعد ما تكون السيارة بهاذي القوة اكيد الرساوة حينزل مستواها لان اعتقد السيارة مصنعة بالمواصفات اللي هيا جاية بيها .. يعني الواحد لمن يزود في المكينة لازم يراعي شغلات كثيرة .. مثلا كل الفرامل ... او الثباات .. وما اعتقدن الاكورد ما راح حتكون راسية بنفس درجة الاستوك ..
وشكرا لموضوعك الحلوو

**LeveAccord** · 21-08-2009, 04:25 AM

يعطيك الف عافيه ومبدع داماااا الله يخليك لنا بس عندي سؤال معاي اكورد 2007 هل ممكن اطلع مع اوريون ولا لا وعندي مشكله مجننتني الي هي الفصله عطني حل آآآآآآآه يالفصلهويعطيك ترليون عافيه

**faisal_606** · 21-08-2009, 11:14 AM

هلا والله...

اذا انت I4 وشفت اوريون ..الله لا يهينك اطلع مع اقرب مخرج ورح للبيت واصقع بقراجكم ... " يعني مالك امل "

اما لو كنت تعيس الحظ مثلي وتمتلك V6 ... ومركب عليها فلتر وهيدرز واذا حبيت بواجي بعد وكمان ابيكسي ولاتزعل .... قد يكون لكن امل في الاستمتاااااع بمنظر شكامينه الحلوه ... او قد لا ترى الا الغبار منثور على سيارتك ..

واذا كان معدل " الاوريون " وحاط فلتر فقط او هيدرز فقط... فامسك اقرب مخرج مثل خوينا I4 ....

واما لو كان مركبهم الاثنين ومبرمج وووو ...إلخ .... فقله الله يرحم امك رح قاوم لك M6 والا بورش ولا تتقوى على الصغيرين مثلنا...

انا امشي على المقوله الرائعه اللي عرفتها من يوم امتلاكي للهوندا ... وهي :-

" رحم الله امرء عرف قدر نفسه " ..... وهنا نفسه تعني سيارته ...

طبعا الكلام هذا كله من القهر اللي في صدري على سيارتي.... " ولاني قادر اسوي شي !!!!:( "

تحياتي .. واتمنى انك ما تزعل :d