لنبة Srs ولعت و البوري مـــا يضرب ؟؟

**k363k** · 10-06-2008, 04:07 PM

السلام عليكم و رحمه الله و بركاته

مرررررررررررحبا بجميع الاعضاء

أنـــا قبل أسبوع تقريبا ولعت عندي لنبة الارباق SRS مع انه لم يحصل لي صدمه ولا أي شي يتعلق بالارباق بعدها بيومين البوري بدء مــا يضرب وإذا لفيت يضرب

وبعدها بكم يوم الــبــوري بدء ما يضرب نهائي

رحت لورشة الجنوب اللي في أم الحمام طبعا ما كشف على السيارة على طول قالي :

الاكورد ما تجي فحمه لحالها واللي عندك أنه الكتاوت تعطل لأن الكتاوت مربوط مع فحمة البوري كـــامله
قلت الحل ....

قال القطعه سعرها 1050 بالوكالة بعد الخصم 780

والله القطع مـــاتسوى والحل قال خذ تشليح ممكن 400

نفس الشي والله ما تسوى

...................
بيني وبينكم أنا اتوقع فيه طريقة تتصلح أو يتصلح البوري لحاله أما الارباق مـــــــــــا ابيه
السيارة أكورد 2001
(((( تكفون اللي مر عليه نفس مشكلتي يفيدني هل فيه حل )))

وشــــــــــــكــــــــــــراً

**HonDa 2o0o** · 10-06-2008, 04:18 PM

لمبة الـ SRS تشتغل معي اذا جيت اشغل الموتر وتطفى مع الرنة

بس ما قد علقت عندي

بس تبيني اوصيك على ورشة عطني خبر طبعا غير ورشة الجنوب :p << بصراحة هالورشة ما خشت في راسي ابداً

تحياتي

.

**k363k** · 10-06-2008, 04:21 PM

8

88

منكم نستفيد وش أسم الورشة طبعاً بالرياض

**HonDa 2o0o** · 10-06-2008, 04:39 PM

هلا وغلا

طبعا الورشة بالصناعية القديمة ان كنت تعرف ورشة الجنوب ابيك تخليها على يسارك على طول الورشة بتكون قدامك اسمها ورشة الجمال عندها عامل باكستاني اسمه ( سُمير ) اسأل عنه وقله انا جايك من طرف سطام راعي الهوندا الزرقاء واذا ما عرفني اتصل علي وان شا الله تتيسر امورك

تحياتي

.

**acoord** · 10-06-2008, 10:22 PM

^
^
^
فعلاً .. الورشه هذي كويسه ..

ورشة الجنوب مع احترامي ماخذ بنفسه مقلب .. رحت له عشان صوت المساعدات الخلفي قالي على طول تغيير بدون ما يكشف .. اما الي وصفه هوندا 2000 رحت له و قال مجرد تراب غسل بستم واذا ما راح تعال لي .. فعلاً راح بس يقعد له فترة كم شهر و يرجع

بالتوفيق لك و آسف على المداخله

**عبدالعزيز11** · 10-06-2008, 11:03 PM

انا اعرف واحد معه كامري
البوري عنده ما يضرب الااذا لف الدركسون
لكن لمبة الايرباق ما ادري عنه
وانصحك تصلح الايرباق لانه اهم شئ بالسيارة

**HonDa 2o0o** · 11-06-2008, 12:01 AM

المشاركة الأصلية كتبت بواسطة acoord

^
^
^
فعلاً .. الورشه هذي كويسه ..

ورشة الجنوب مع احترامي ماخذ بنفسه مقلب .. رحت له عشان صوت المساعدات الخلفي قالي على طول تغيير بدون ما يكشف .. اما الي وصفه هوندا 2000 رحت له و قال مجرد تراب غسل بستم واذا ما راح تعال لي .. فعلاً راح بس يقعد له فترة كم شهر و يرجع

بالتوفيق لك و آسف على المداخله

يا هلا بك

بالنسبة لي هذي الورشة متعامل معها من يوم شريت موتري وانا وياهم
مشا الله انا الحمد لله مرتاح للرجال وبعدين مو غالي
انصح للي يبي يصلح سيارته يجربه وبيدعي لي

وانت يا acoord حياك في اي وقت

تحياتي

.

**k363k** · 11-06-2008, 07:33 PM

المشاركة الأصلية كتبت بواسطة هوندا 2000

هلا وغلا

طبعا الورشة بالصناعية القديمة ان كنت تعرف ورشة الجنوب ابيك تخليها على يسارك على طول الورشة بتكون قدامك اسمها ورشة الجمال عندها عامل باكستاني اسمه ( سُمير ) اسأل عنه وقله انا جايك من طرف سطام راعي الهوندا الزرقاء واذا ما عرفني اتصل علي وان شا الله تتيسر امورك

تحياتي

.

اول شي مشكور هـــذي معلومه تفيدني وتفيد الجميع أن شاء الله
انت تقول خل ورشة الجنوب يساري وعلى طول تجيك قدامك ورشة الجمال؟؟ بعد ورشة الجنوب تقاطع ويبتل الشارع طويل .. ياليتك تحدد لي مثلا بعد التقاطع على اليسار الورشة قبل ورشة الوفاء حقت السمكرة ؟؟

وشـــكـــرا مره آخرى

**HonDa 2o0o** · 12-06-2008, 12:12 AM

هلا وغلا بك

حبيبي انت اذا تركت ورشة الجنوب على يسارك بيجي قدامك حرف T وبتكون ورشة الجمال قدامك على طول

طيب انا بوصفلك مع طريق من الاول . طبعاً وانت جاي من الدائري تطلع اول كوبري بعدين تجيك الاشارة اذا ولعت الاشارة اطلع قدام بيجيك على اليمين وبالزاوية محل برجستون الظاهر ثاني او ثالث لفة على اليمين ادخل معها بيجيك اول لفة على اليسار لا تدخلها الورشة على يمينك ( طبعا اذا دخلت يسار بتجيك ورشة الجنوب )

ان شا الله قدرت اوصفلك صح واذا ضيعت وانت هناك معك رقم جوالي وانا بالخدمة بأي وقت

تحياتي
.

**k363k** · 12-06-2008, 03:58 PM

الجوال .... توي انتبه أنك مرسله :o

وعرفت الوصف انا راح بالي لورشة الجنوب الثانية

مشـــــــــكور وماقصرت وبروحلهم أن شاء الله العصر أول يوم من الاختبارات :d

**HonDa 2o0o** · 16-06-2008, 05:14 PM

بشششر يا اخوي
وش صار عليك

.

**k363k** · 18-06-2008, 03:39 PM

ما سويت شــــي . مشغول الايام هذي بس أن شاء الله يوم الخيس بكرا برررررروح

**HonDa 2o0o** · 18-06-2008, 04:39 PM

اوكي

بس لا تنسى تعلمنا وش صار عليك

تحياتي

.

**ss88ss** · 27-06-2008, 09:35 PM

انا طلع معي نفس المشكله بس ... البوري ولمبة الارباق ............

رحت لكهربائي فك البوري وفك الدركسون.. تحت فيه حساس قام يحربش فيه الى ان فكه .. وقالي الحساس فيه سلك منقطع .... حاول يلحم السلك بلحام بارد وخربط بالشغله ..... المهم اشتغل البوري بعد ما وصل سلك دايركت من بر الحساس الى الحساس ............. المهم بعد ما شغلت السيارة لقيت لمبة الارباق شغاله مع ان السلك على حد زعمه مشبوك... قلت اجيك بيوم ثاني ..

ثاني يوم حطيت السيارة وجيت بالليل ولقيت اللمبه طافية وكل شي تمام ... المهم بعد شهر او شهر ونص تقريبا اشتغلت عندي لمبة الزيت ولمبة srs (الارباق ) قلت كنا بوحده صارو ثنتين ...

رحت لكهربائي ثاني احسن من الاول ... فك الطبلون ولقى فيه سلك موصل بين الترانسستر حق لمبة الارباق ولمبة الزيت ... شاله طفت لمبة الزيت وبقية لمبه الارباق ...(اتوقع الاول هو الي حاطه علشان تطفى اللمبه ويرتاح مني )

بعد هالسالفة ما ادري وش جاها لمبة الارباق بس انا قبل ما تشتغل عندي مباشره مركب اصلاح لدودة االدركسون ما ادري يمكن فيه شي الورشه سووه في حساس الارباق ....

معلش طولت بس السالفه تستاهل

**k363k** · 02-07-2008, 11:18 PM

المشاركة الأصلية كتبت بواسطة هوندا 2000

اوكي

بس لا تنسى تعلمنا وش صار عليك

تحياتي

.

أنا اشهد انك ما قصرت معي

ورحت لم الورشة اللي قلتلي عليها وضبط لي الوضع وفعلا الرجال نصوح و أسعارة رخيصة

**HonDa 2o0o** · 03-07-2008, 07:45 PM

اهم شي انك تستانس

ولا عليك ان صار شي في سيارتك مالك الا هو واسعاره اكثر من ممتازة

الله يعطيك خيرها ويكفيك شرها

تحياتي واي خدمة لا يردك الا اصابعك او لسانك

.

**k363k** · 06-07-2008, 10:44 AM

المشاركة الأصلية كتبت بواسطة هوندا 2000

اهم شي انك تستانس

ولا عليك ان صار شي في سيارتك مالك الا هو واسعاره اكثر من ممتازة

الله يعطيك خيرها ويكفيك شرها

تحياتي واي خدمة لا يردك الا اصابعك او لسانك

.

والله مـــــا قصرت

بس لي سؤال قبل السفر

ودي اغير الكفرات وشرايك ؟
انا دايم اغير مشلان طبعا مقاس 15 وكل سنه يسوون عرض في شهر رمضان اشتر 4 كفرات ولك خصم 200 ريال

انا ماخذ منهم قبل العام وطلعت علي الكفرات 800 كلها
.....................
بس عيب المشلان ينشف ويكون مزعج مع عيون القطط
وشـــرايك تنصحني بشي

**HonDa 2o0o** · 06-07-2008, 11:24 AM

هلا وغلا بصديقي ..

تروح وتجي بالسلامة والله يستر عليك

بس تبي النصيحة كفرات بوتنزا ادرينالين من برجستون شف الرابط وان شا الله بيفيدك اكثر واكثر لانه الكفرات مجربه من اخوي بي يونك

http://www.hondaarabia.com/club/showthread.php?t=4892&highlight=%C8%D1%CC%D3%CA%E6 %E4

وانصحك بها

.

**المـــــلكـ اكـــــورد** · 06-07-2008, 12:31 PM

سعر الكفر ادرينالين بوتنزا 320 ريال مقاس 15
فيه هدوء عجيب انصحك فيه وبقوة

**k363k** · 07-07-2008, 10:04 AM

خلاص أن شاء الله بركب زيها بـــــس اذا طلع الراتب

**HonDa 2o0o** · 07-07-2008, 06:06 PM

:d:d سعبلت على الكفرات :d:d

.

**k363k** · 08-07-2008, 09:52 AM

والله حلوة بس غالية علي انا

فيه نوع حصلته يقولون افضل من تويو
ياباني أسمة : سوماتو تقريبا ما اذكر اسمه بضبط وشـــــرايكم

**HonDa 2o0o** · 08-07-2008, 10:15 AM

اذا تقصد ( سوموتومو ) هذي يابانية اوكي بس فيها صوت وانت تمشي :p

انا انصحك بالكفرات اللي قلت لك صح انها غالية تقريبا 1280 اربع كفرات بس تستاهل

واذا ما قدرت عليها عندك كفرات اسمها فايرستون هذي حلوة نفس كفرات البرجستون ونفس نقشتها هي الحين على سيارتي ماشية معي احلى ما يكون ;)

تحياتي

.

**k363k** · 08-07-2008, 04:22 PM

8

88

متأكد انه لها صــوت ؟؟
أنا كذا واحد يقولي انها ممتازة وراسية على اللفات :(

**HonDa 2o0o** · 08-07-2008, 06:40 PM

انا كنت جربتها بسيارتي الاوله على طول غيرتها يعني ما جلست عليها الا تقريبا شهرين ونص :p

وعلى طول غيرتها

هذا اللي شفته بعدين اذا جينا على طاري النقشة فنقشة الفايرستون احلى منها بمليون مره

عموما الناس اذواق وانت واللي يريحك يا صديقي ;)

.