:: تركيب الفلتر الرياضي على الأكورد من 2003 إلى 2007 ::
بسم الله الرحمن الرحيم
أخواني , أضع اليوم بين أيديكم موضوع سألني عنه الكثيرون سواء على الملف الشخصي أو الرسائل الخاصة و قد وعدت الشباب بتنزيل موضوع عنه
السلام عليكم ورحمة الله و بركاته , و بعد ...
.
موضوعي اليوم عن طريقة تركيب الفلتر الرياضي Air Cold Intake System الخاص بسيارات هوندا أكورد موديلات 2003 - 2007 و التي تحمل محرك الـ 4 سلندرات بسعة 2.4 لتر و المعروف بـ K24 ;) .
الإنتيك الذي سيتم تركيبه هو نفسه الموجود على سيارتي و سأسرد لكم مراحل التركيب من الـ أ إلى الـ ي .
نوع الإنتيك SPW و الفلتر K&N . و قد قمت بإضافة مروحة التورنيدو , و ستعرفون فائدتها في هذا الموضوع ;) .
الإنتيك المختار هو الشورت و هو الأفضل في نظري لأنه يأتي مباشرة على فتحة الهواء و الصورة التالية توضح ما أقصده :d .
لم أقم باختيار اللونج لأنه يجمع أوساخ أكثر و لأن السيارة 4 سلندر فليس هناك فرق بين اللونج و الشورت , لأن واحد من الشباب مركب لونج و قالي نفس الشورت ما في فرق :d .
بداية هذه صورة عامة لعدة التركيب و الأدوات المطلوبة .
أولا : طريقة فك فلتر الوكالة من مكانه .
هذا شكل فلتر الوكالة , و بالتفصيل سأقوم بسرد مراحل تفكيكه لأنها أصعب من مراحل تركيب الفلتر الرياضي.
قم في البداية بفك هذه المسامير الموصولة بصندوق الفلتر و عددها اثنان باستخدام مفتاح الربط بمسمار مقاس 10 , المسمار الأول بجوار علبة الفيوزات و الثاني بالأسفل بجوار البطارية و هو أصعب ما في الموضوع بالكامل لأنه مربوط بشده .
مكان المسمار الأول .
مكان المسمار الثاني .
بعدها قم بفك التالي باستخدام الزرادية .
1- اللّي الموجود بجانب رأس المكينة و الجزء الثاني التابع له الموصول بإنتيك الوكالة .
2- اللّي الموجود بالأسفل ( بجانب الثروتل بدي ) .
3- حساس الفلتر .
بعدها قم بفك الحلقة الحديدة المحيطة بالثروتل بدي و التي تقوم بتثبيت الإنتيك في الثروتل بدي .
هذا شكل مكان إنتيك الوكالة بعد فكه بالكامل.
الآن ,و قبل تركيب الإنتيك الرياضي , يفضل تنظيف المكان و خصوصا الثروتل بدي فنأتي بالفرشة و نقوم بتنظيف الثروتل بدي من الأوساخ و الأتربة .
ملاحظة مهمة : إياك أن تفكر بإضافة الماء أو أي سوائل للتنظيف لأنها لو دخلت إلى المكينة فإن العواقب ستكون جسيمة . قم بالتنظيف باستخدام الفرشاة فقط .
قبل التنظيف :
بعد التنظيف :
المرحلة الثانية : تركيب الفلتر الرياضي .
صورة لنظام الفلتر الرياضي الجديد و ملحقاته .
أول شي خذ الربلة السوداء و ركبها مع أصغر شداد في الثروتل بدي .
ملاحظة : ركبها من الجهة ذات الفتحة الأصغر .
تأكد من إنك دخلت جميع الحواف و شديت عليها بإحكام .
اللحين نجي للإنتيك الرياضي .
أول شي خذ الإنتيك لحاله و ثبت فيه مروحة التورنيدو ( إذا وجدت ) إذا ما هي موجودة ما عندك أي مشكلة ركب الفلتر على طول .
بعد تركيب المروحة خذ واحد في الشدادين الباقيين إللي عندك و ركبها على الفلتر , عشين تثبت الفلتر مع الإنتيك .
صار هذا شكل الإنتيك فلتر قبل تركيبه في السيارة .
المرحلة الثالثة : تركيب الإنتيك على السيارة .
أولا قم بإدخال رأس الفلتر نحو فتحة دخول الهواء . بنفس هذه الطريقة ( يعني دخل الفلتر أول شي ) .
بعدها دخل الطرف الثاني من الإنتيك في الثروتل بدي و تأكد من أنه دخل من كافة الأطراف و طبعا لازم تربطه بالشداد الأخير من الطرف . و تأكد من إنك شديت على جميع الشدادات صح و بقوة .
هذا شكل الإنتيك مع الفلتر و هم راكبين على السيارة .
باقي عملية توصيل اللّيات إللي فصلناها في البداية و بالطريقة التالية و حسب الأرقام الموضحة على الصور .
خلّينا نبدأ في الفتحة رقم 2 لأنها الأصعب
ناخذ اللّي إللي جاء مع الإنتيك الرياضي و نشبك فيه المشبك حق الوكالة و نركبه طبعا بالزرادية .
نوصله بين المكينة و الإنتيك من خلال الفتحة الموجودة في نفس الإنتيك .
كدا يصير خلصنا من رقم 2 و نرجع لرقم 1 .
ناخذ الفلتر الصغير ( رجيع الزيت ) و وظيفته إنه يحافظ على تزييت الفلتر الرياضي و يحمي المكينة من دخول الأتربة و الأوساخ .
نركبه و نشد عليه بقوة في الفتحة رقم 1 .
نجيب اللحين أهم نقطة في عملية التركيب بالكامل و هي حساس الإنتيك حق الوكالة . و نشبكه في فتحته المخصصة في الإنتيك الرياضي و التي تكون محاطة بجلدة قوية لتثبيته .
هذا هو الحساس .
هذي هي الفتحة و لاحظ شكل الجلدة .
تركيب الحساس في الفتحة .
نظرة عامة على التركيب و لاحظوا أرقام الفتحات و تسلسلها و أماكنها .
نظرة عامة على المكينة و شكل الإنتيك فيها.
في النهاية ياشباب أتمنى ما أكون طولت عليكم و للعلم يمكن أنا ركبت الإنتيك على 4 أكوردات غير سيارتي و كل الشباب مبسوطين و مرتاحين معاه
ياشباب : أي خدمة أو مساعدة ترا أنا موجود و لا يردكم إلى الخاص أو الرد على نفس الموضوع .تحياتي لكم
أخوكم / خـــالـــد
التعديل الأخير تم بواسطة ACCORD 764 ; 09-09-2008 الساعة 05:29 AM
ما شاء الله تبارك الله
والله اهنيك على الموضوع الرائع
وان شاء الله تعبك ما يروح على الفاضي
ويستفيدو الأعضاء من الموضوع ووو...
بس حبيت اعرف يا خالد مين الي قلك انو اللونج ما يفرق ابغى اعرف مين الي نصب عليك النصبة هذي:d
والله يعطيك العافية وما قصرت وتسلم يا غالي على الموضوع
يعطيك العافية ماقصرت شغل نظيف ماشاء الله
ملاحظة بسيطة : الفلتر اللونج أفضل من الشورت من ناحية ان الماصوره تكون عازلة للحرارة فيكون الهواء الداخل للمكينة بارد وايضا يعزله عن هواء الماكينة الحار ويكون اقرب للتصدام مع الهواء الخارجي فيكون دفع الهواء واسرعة دخوله أفضل بكثير
طيب الله لايهينك كم بتكلف قطع مع تركيب
ووين أشتري الفلتر
تقبل مروري
يعطيك العافيه اخوي خالد صراحه موضوع ولا اروع و اتمنى ان الشباب من يستفدون منه...
ترى زي ماقالو الاخوان الانتيك اللونق يفرق لانك انت تحتاج لهواء بارد والهواء الي داخل المكينه حار فما تستفيد شي واذ تبي تجرب
شف الفرق بين اذا كانت المكينه بارده واذا كانت حاره ..>>>>>>>مالها دخل
انا اعلمك انا جربتها شف اول مانشغل السياره ادعس و بتحس ان السياره بتنط من مكانها ....لانها بارده
الاستنتاج : ان كلما عطيت الفلتر هواء بارد كلما عطاك قوه اكبر ... تجربه شخصيه
لكن ممكن سوأل؟؟
الفلتر لو فرق حجمه هل في اختلاف....
وشكراا.
الف شكر اخوي على المجهود الكبير بس للعلم الفلتر مايعطي الا 6 احصنة فقط على الاكورد ال4
مشكور على الموضووع اخوي
بس عندي كم سؤال وش فايده الفلتر السبورتي
هل فيه اضرار
وبس تحياتي لك
It's Me :
أهلا حبيبي خالد , يا قاطع.
إنشالله الأعضاء يستفيدوا و نشوف تطبيق منهم .
بالنسبة إللي قاللي و نصب علي هو واحد الله يستر عليه معاه سيفيك عليها بدي كت و جنط ساموراي مقاس 18 و مركب إنتيك لونج أمس رجعه شورت :p .
بس الله يستر عليه , لا تزعل ترى حتى القحطاني قالي نفس الكلام و حتى يوسف صاحب المحل يقول بالنسبة للأكورد فالشورت أفضل
شكرا خالد على الرد الحلو .
عشقي الأول :
أهلا فيك , أخوي أنا بأتكلم عن ناحية إن الشورت أفضل من اللونج بالنسبة لسياراتنا بس , أنا سقت أكورد عليها لونج و الصراحة بين سيارته و سيارتي ما بأشوف فرق بالعزم و هو نفسه صاحب السيارة بيقولي بالنسبة للأكورد ترى ما في فرق ;) .
أول شي إحنا 4 سلندر و اللونج يحتاج مشوار إلين يوصل الهواء للمكينة , صحيح الهواء بيكون أبرد لكن إذا جاك سيل و لا مطر قوي ودخلت الموية على الفلتر و من الفلترللمكينة , هنا و ش راح تسوي ؟
أتمنى تكون فكرتي وصلت ;) .
wahd :
القطع بتكلفك التالي :
الإنتيك بـ 250 ريال مع لي واحد و مع الفلتر رجيع الزيت .
الفلتر بـ 350 ريال .
اللي الثاني مع الربلة المتحركة بـ 50 ريال .
الشدادات الثلاثة بـ 8 ريال .
يعني كلها على بعضها بـ 658 ريال .
إذا تبي تركبها عند محل فراح ياخذ منك أكثر شي 50 ريال .
Halo 5 9 5 :
أهلين يالغلا , أنا شرحت فوق ليش الشورت بالنسبة للأكورد أفضل من اللونج ;) , يعني أنا أخوي معاه ألتيما 6 سلندر مركب قطع لليل الطويل و الإنتيك إللي عنده لونج و يقول السيارة 6 سلندر فوصول الهواء ما يفرق لأن فيه قطع ثانية مثل الهيدرز بتساعد على انسيابية مجرى الهواء
و صح هو نفس فكرة المكينة لما تكون باردة و لما تكون حارة فالفكرة هنا إن لما المكينة تكون باردة فالمروحة ما تشتغل بكامل طاقتها فبالتالي عزم أفضل و تسارع أقوى ;) .
و لو فرق حجم الفلتر أبدا ما في اختلاف في القوة , يمكن يكون فيه اختلاف بسيط بين الماركات عشين كدا أنا اخترت الـ K&N لأنه الأفضل , واحد ثاني مركب Simota و الثالث مركب AEM و أعتقد إنه ما في فرق :d .
ن ا هـ 777 :
حتى لو يعطي 6 أحصنة , ليش ما هي حلوة ؟ ترى بتفرق معاك بالعزم خصوصا بالخط ;) .
just ACCORD :
الفلتر السبورت يالغلا يدخل هواء أكثر للمكينة و النتيجة عزم أقوى و تسارع أنشط .
أما بالنسبة للأضرار فما في أضرار بالعكس إنت بتفك عن المكينة الضغط و تخليها تاخذ راحتها :d .
تدرون ياشباب إحنا هنا أول ما الواحد يشتري السيارة وش يسوي ؟
أنا بأقولكم , يركب زينون :d . و الله من جد هذا أول شي يصير في السيارة .
أما بأمريكا الشباب أول ما يشترون السيارة , أول شي يركب عليها هو الإنتيك و إذا ما لقى إنتيك يفك البوكس إللي تحت الفلتر و يطلع نفس صوت الإنتيك.
شكرا ياشباب على تفاعلكم مع الموضوع و على ردودكم .
تحياتي لكم .
أخوكم / خـــالـــد .
ابدعـت اناملكـ ياخالد .
بصراحه موضوع جباااااااااااااااار
وان شاء الله نشوف تجارب الشباب ووش راح يقولون .
اتمنى لكـ التوفيق
وربي تمام التمام
مشكووووووووووووووووووور
وربي لا يحرمنا من جديدك
و عقبال نشوف طريقة تركيب
الهدرز و الإكزوست سستم عشان تكمل الشغلة:d
أشكرك و بقووة على الموضوع المفيــد ..
و الموضوع يستـاهل التثبيـت و بجداارة
تقبل مروري
تحياتي لك
ســ1 :طيب الفرق بين اللونج و الشورت على 4 سلندرو 6 سلندر ؟؟؟
ســ2 :المروحة الي داخل الانتيك ما هي و ظيفتها؟؟؟
ملاحظة:
بعدين لو الانتيك افضل للمكينة ليش الشركة ما حطته
هذا مو بس في الاكورد حتى في السيارات الرياضية مــثـال مستوبيشي الايفولوشن
يعطيك العافيه اخوي خالد على الرد وماقصرت..
وصراحه موضوع يستحق التثبيت.
يعطيك الف عافيه يا خالد وبصراحه موضوع مكلف ومتعوب عليه وانشالله الشباب الي هنا يستفيدو من الموضوع
مشكوووووور خالد على الموضوع الحلو .. ويستاهل التثبيت صراحة
.....
اللي يبغى يركب انتيك شورت وخايف من الحرارة حق المكينة .. فيه عازل حراري شفته على موقع في النت حق الاكورد .... سووا بحث وان شاء الله تلقون العازل
...
تحياتي
السلام عليكم
كل عام وأنت بخير أخونا Accord 764
ماشاء الله الشغل كله مضبوط والشرح والصور واضحة والطريقه سهله
... بسألك أخوي أكورد هل يختلف عدد الأحصنه من سيارة الى سيارة ولا ثابت في جميع السيارت 4 سلندر؟ وكم تعطي لسيارات الـ 6 سلندر
... الله يخليك ممكن تشرح لنا مميزات هذا الفلتر وتسوي مقارنه بينه وبين فلاتر ثانيه متوفره في أسواقنا
... هل فيه فلاتر تعطي قوة أكبر منه وبنفس سعره .. يعني 600 ريال كثيره مرة على 6 أحصنه صح؟
تقدر تسوي لك برمجه بـ 500 ريال وتعطيك 20 الى 30 حصان !!
.. حياتي لك
تقبل الله صيامكم وقيامكم
هلا بالشباب مرة ثانية ...
محمد بن عبد العزيز :
يشرفني مرورك و ردك على الموضوع يالغالي .
أبوكرم :
قريبا بإذن الله الإكزوز و الهيدرز ;) , أصلا شغلتهم أبسط من الإنتيك لكنهم بيطولوا .
شكرا على مرورك و تواجدك .
نادر وجودي :
شكرا لك حبيبي على ردك الحلو .
first :
أهلا سلطان , بالنسبة للسؤال الأول فالفرق راح يبان في الـ 6 سلندر أكثر من الـ 4 سلندر و في هذي الحالة فاللونج أفضل
بالنسبة للسؤال الثاني فالمروحة وظيفتها إنها تدخل هواء بصورة أسرع للمكينة .
فكرتها إن الهواء يدخل بصورة لولبية و ليس بشكل مستقيم , فهواء أسرع و بالتالي عزم أفضل ;) .
بعدين لو الانتيك افضل للمكينة ليش الشركة ما حطته
هذا مو بس في الاكورد حتى في السيارات الرياضية مــثـال مستوبيشي الايفولوشن
الشركة ما يهمها إلا إن السيارة ترضي العميل و ترضي متطلباته , يعني الأكورد سيارة رسمية فالشركة ما راح تحط لها إنتيك عشين تقلبها سيارة رياضية
شكرا سلطان على مرورك و ردك حبيبي .
HONDA BOY :
هلا ببراء , إنشالله الناس تستفيد و نشوف تجاربهم على التركيب ;) .
شكرا على ردك و مرورك .
i-vtec2005 :
حلوة فكرة العازل و أنا بأدور عليه من فترة و ماني محصله هنا بجدة .
شكرا على ردك يالغلا و الله لا يحرمنا منك .
ابوناشي :
و عليكم السلام , و إنت بصحة و سلامة و رمضان كريم :d .
بسألك أخوي أكورد هل يختلف عدد الأحصنه من سيارة الى سيارة ولا ثابت في جميع السيارت 4 سلندر؟ وكم تعطي لسيارات الـ 6 سلندر
طبعا يختلف من سيارة لسيارة و كل مكينة و قدراتها , يعني الإنتيك بيعطي للأكورد 4 سلندر 6 أحصنة و للـ 6 سلندر 10.4 أحصنة , بينما للألتيما بيعطي للـ 4 سلندر 6.8 أحصنة و للـ 6 سلندر بيعطيها تقريبا 12 حصان
الله يخليك ممكن تشرح لنا مميزات هذا الفلتر وتسوي مقارنه بينه وبين فلاتر ثانيه متوفره في أسواقنا
هذا الفلتر و إللي إسمه K&N أحسن فلتر موجود بالسوق و ما يحتاج تغيير إلا كل 100.000 كلم . و تنظيفه يكون بعد كل 4 أشهر .
أكثر الفلاتر المنتشرة بالسوق هو الـ Simota و هو جيد و حلو لكنه ما بيعيش مثل الـ K&N .
و الـ AEM حلو و جيد إلا ممتاز على الأكورد لكنه يتوسخ بسرعة بس هو أفضل شي بعد الـ K&N
هل فيه فلاتر تعطي قوة أكبر منه وبنفس سعره .. يعني 600 ريال كثيره مرة على 6 أحصنه صح؟
و الله أنا أشوف إنها مي كثيرة , يعني إحنا بنتكلم عن 6 أحصنة على الكفر , أضف إلى ذلك المروحة بـ 4 أحصنة و بكدا تعطيك 10 أحصنة على الكفر ;) .
تقدر تسوي لك برمجه بـ 500 ريال وتعطيك 20 الى 30 حصان !!
و الله إذا تعرف محل يسوي برمجة للأكورد بالسعر هذا أنا مستعد و بأكون أول واحد يسويها
الأكورد مالها برمجة , في جهاز ينباع إسمه الأبيكسي و سعره بـ 1400 ريال و هو هذا البرمجة حق الأكورد و إذا عليها قطع راح تنبسط :d .
شكرا على الإضافات القيمة أخوي و الله لا يحرمنا منك .
تسلم ع موضوعك الرااائعه ياستاذ خالد
وموضوعك يستاهل التثبيت
.
.
.
بعطيك الف عافية ابو خلود على الشرح ,, كفيت ووفيت ,,,
صراحة اخجل تماما منك ,,
كنت قد عرضت علي المساعدة ,, وانا تأخرت ,,, لكن صراحة النية موجودة بـ قوة ,,, لكن رمضان أجلها
الفلوس الحمد لله موجودة ,, لكن الوقت ,,, طول الاسبوع دوام ,, و باب الحارة :d وشويتين لعب طايرة وننام لجل ثاني يوم
نعود للموضوع ,, الرئيسي ,,,,
انا لازلت متمسك بـ عرضك ,, اني اتصل عليك تركبلي اياها ,, لان انا " أجبن " مني مافي ,,, احب اركب وافك بيدي ,, بس لازم واحد فاهم معايا ,,,,
وبعدين بـ صراحة انت وصفتلي محلين واحد للانتيك والثاني للفلتر ,, تعرف خايف من ايش ,,, ولا تضحك عليا
خايف اشتري وحدة من محل وما القى الثانية ,,,
المروحة كم سعرها ؟
.
.
.
جآتني فكرة , بمناسبة اني انسان كسول ومتردد وخجول !!
التجمع الجآي ,, اجيكم مقرقش:d ,, ونروح نمر ع المحلات نشتري القطع ونقعد نركبها في التجمع !!
:o بما ان الشغله تاخد ساعه :o
بعدين تعالي قولي ... انا سيارتي جير عادي يفرق عن الاوتو ولا شلون !!;)
.
.
.
معليش اخوي خالد ,, ادري اني زودتها ,,, لكن من التحمل والصبر :d
قبل شوي قاعد اعرفس في النت ,, لقيت صورة لفلتر بس لقيت راعيه مركب عليه " Cover " حماية ,,, هل الحركة هذه صحيحة ,,,
هذه الصور !!
طبعا هناك وسائل حمايه.....بس بدون نكهات
الفلتر بعد فك نزع الواقي
طبعا لازم تشتري محلول التنظيف + الزيت الخاص بالفلتر
الصور من فلتر K&N رآكب على التيما ,,,
أهلا أهلا بالشباب ....
Mr. K H A L E D :
هلا و الله بسميّي , أشكرك جدا على الإطراء و على التشجيع يا غلاهم
ميدو مشاكل :
يالله إنت حييّه , وش أخبارك عساك بخير إنشالله
ياحبيبي و أنا أبغى أركبلك إياه , بعد آمرني يكفي إنك جاي من طرف ملك مملكة جدة ;) .انا لازلت متمسك بـ عرضك ,, اني اتصل عليك تركبلي اياها ,, لان انا " أجبن " مني مافي ,,, احب اركب وافك بيدي ,, بس لازم واحد فاهم معايا ,,,,
و لو شفتني بأركبه راح أعلمك على كل صغيرة و كبيرة مكانه و يمكن في أقل من ساعة و إحنا خالصين ;) .
وبعدين بـ صراحة انت وصفتلي محلين واحد للانتيك والثاني للفلتر ,, تعرف خايف من ايش ,,, ولا تضحك عليا , خايف اشتري وحدة من محل وما القى الثانية ,,,
المروحة كم سعرها ؟
و الله و خوفك في محله حبيبي , أمس رحنا نشتري إنتيك لواحد في الشباب و وصلنا المحل و إلا قالنا يوسف إنه مخلص , فأتصلت على براء ( HONDA BOY ) و قالي إنه هو أخذ آخر حبة و أنا إللي ركبته له برضو ;) .
من ناحية أيهم أول فالإنتيك قبل الفلتر
المروحة سعرها 150 ريال بس ما هي موجودة بالسوق كله , يمكن تحصل النوع الكوري لكن أنا إللي عندي هو النوع الأمريكي
يا شيخ و قت ما تحب أنا جاهز و تحت أمرك . و منها الشباب ياخذون درس تطبيقي على الطبيعة :d .التجمع الجآي ,, اجيكم مقرقش:d ,, ونروح نمر ع المحلات نشتري القطع ونقعد نركبها في التجمع !!
:o بما ان الشغله تاخد ساعه :o
بعدين تعالي قولي ... انا سيارتي جير عادي يفرق عن الاوتو ولا شلون !!;)
و من ناحية إنك قير عادي , يا شيخ إنت التوب
بس لازم أجرب معاك بعد التركيب لو إنك تنمّر صح .
في واحد في الأعضاء معاه قير عادي 2005 و أنا ركبت له الإنتيك كمان و جربت معاه بعد المروحة و حتى هو مركب المروحة
في الحقيقة و في البداية كنت خايف إنه يقوم علي و بعدها ما أشمه :( .
لكن قلتله دحدرة 30 و بس مع البوري الثالث . أنا أفز و أطلع عليه بالقير الأوتو بفرق سيارة أو سيارة و نص ;) . و هو ماشالله معروف إنه سواق أوتوكروس و جايب تواقيت مرة حلوة
بالنسبة للـ COVER فهذا شي ممتاز بس تدري ليش , الفلتر إللي في الصورة هذا المقاس الوسط إللي فيه فتحة أمامية يعني الهواء يدخل من الفتحة الأمامية للفلتر و هو نفس إللي مركبه العضو It's me .
أنا إللي عندي المقاس الكبير ما فيه فتحة أمامية عشين كدا ما أقدر أحط هالـ COVER .
طبعا باين من شكل الفلتر إن راعي الألتيما عنده الإهتمام و العناية = صفر على اليسار :d .
يسلمو على الشرح الوافي والكافي بس حبيت وين اقدر الاقي المنتج كامل ؟.؟
فيه محل يبعوه ولا من النت وكم اسعارهم
أخوي السعدي
بالنسبة للمنتج كامل فهو يباع عن طريق الإنترنيت و سعره 958 ريال بدون الشحن .
و عاد إنت و الشركة إللي تبي تشحن معها .
و هذا الرابط إللي موجود فيه :
http://www.ridepros.com/air-intakes/61A1915A0A0.aspx
و موجود بجدة الـ injen و سعره 1000 ريال مع إطار للوحة و الاستيكرات .
مشكور حبيبي وماقصرت بس مافيه مكان في الشرقية تبيعه ولا ؟؟ احسن من الحوسة في النت : )
ضوابط المشاركة
مواقع النشر (المفضلة)