الاكورد v6 ليه مظلومة

[اتــشـــــ]

اموت واعرف ليه الاكورد الستة سلندر مهظوم حقها في مجتمعنا الخليجي هل ارتفاع سعرها في الوكالات هو السبب الرئيسي لعدم انتشار هذا الوحش الصامت أو بسبب غلاء اسعار قطع الغيار وعدم توفرها أو يمكن تخوف المشتري من استهلاك البنزين مقارنة بالاكورد الاربعة سلندر .
لي صديق ثقة سافر عليها من الرياض لشرقية بعد مارجع للرياض قلته كيف الموتر معك ؟
جاوبني بكلمة واحدة طــــــــــــــــــــــــيارة .
قلتله طيب والبنزين كيف ؟
قالي في الخط الصرفيه أقل من الاكورد الاربعة سلندر وداخل المدينة زايدة عنها بشـــــــــــــوي.
صراحه ياشباب جوابة هذا اتعبني كثير وادخلني في حالة نفسية صعبة لاني كنت ناوي اشتري الستة سلندر قبل لااشتري الاربعة .
بعدها بفترة جاني خويي يشتكي من موترة تدرون ليه ؟
يقول نزلتها المعارض ودي ابيعها واشغل افلوسها في الأسهم المهم يقول كل ماجاء زبون وقلتله الموتر ستة سلندر حط رجله ونحاش :D كن الموتر فيه ايدز بعكس الاكورد الاربعة سلندر العالم تدورها بملقاط في المعارض.
صراحة حاجة غريبة ياشباب .

[Acc]

اممممممممممممم

يمكن لأنها غاليه مقارنة بمنافسيها

ويمكن لأنها ماتتوفر بجير عادي عندنا

وعلى فكره تسارع الاكورد 6 سلندر جير عادي 5,9 ثوان وفق تجربة احد المجلات

[accord 06]

سألت هالسؤال لاكثر من شخص يملك اكورد و كان الاجوبه تقريبا متشابهه

انه ما فيه فرق يستاهل بالمواصفات يخلي الواحد يشري 6 سلندر

الفروق هي درجة الحراره و التحكم بالمسجل من الطاره بس

<<< طبعا هذولا ما تهمهم القوه

[مجنون هوندا]

طبعا لان المجتمع الخليجي ماتهمهم السرعه
ولا القوه بس اللي يهمهم سياره توصله مشواره ...
وما تصرف بنزين يعني 6سلندر يحط عليها \xxx
وملاحضه الشركه ماتهمه اهم شي عندنا في السعوديه
تويوتا...... الله يحرقها ؟؟؟؟؟ هذا كله من كرهي لها
عندنا ناس ماتفهم في السيارات وتتفلسف كـــثـــــــــــــير...
ولو تلاحض ناس كثيره تسالهم اش اسم سيارتك
يقول اسم الشركه خاصتن اذذا كانت مثل (هوندا)؟

[أبان الطباع]

- بسبب مصروف البنزين.
- لاتهمهم القوة.
- لكن السبب الأهم: سعرها عند البيع!، بالمقارنة مع سعر الـ 4 سلندر عند البيع، بالنسبة والتناسب.

[Acc]

بالنسبة لمصروف البنزين

الاكورد V6 اقل صرفا للوقود من منافسيها

[CR-V]

هذه من رحمة الله به... وإلا كان خسر سعر السيارة في حال انهارت أسهمه (لا سمح الله)

[اكورد 2006]

ياشباب انتو نسيتو الصيانه الاربعه سلندر فيه راس واحد وهذا ارخص بعملية الاصلاح
وثاني شي البواجي اقل من السته سلندر وتغييرها اسهل من السته سلندر بكثير

وسير التامينق اللي داخل المكينه بالاربعه سلندر حديد يعني يدوم معك ومايحتاج صيانه بس السته سلندر ربل لزم تغيره بين كل فتره

تحياتي اكورد 2006

[CR-V]

القاعدة العامة أنها كلما كانت السيارة أفخم وأغلى عند الشراء فكذلك ستكون قطع غيارها أغلى وأجور صياناتها أعلى، وغالباً ستكون صيانتها أعقد لما فيها من المميزات المعقدة، أي أن صيانتها قد تأخذ وقتاً أطول وسيكون عدد الذين يعرفون إصلاحها أقل، بل وربما الوكالة فقط!

أعرف شخصاً كانت لديه أوبل... كلما أخذها لميكانيكي وقال له: لدي أوبل معطلة. يهرب ذلك الرجل ويقول: لاااا معقدة!!

[اتــشـــــ]

كلامك صحيح اخوي ACC الان بعد مارخص البنزين يمكن تنشط مبيعاتها مع ان استهلاكها للوقود اقل بكثير من المكسيما والكامري الستة سلندر والومينا الستة السلندر .
اخوي CR-V تقدر تقول اكثر سيارات هوندا لها ورش خاصة متخصصة فقط للهوندا مثل ورش الجنوب .
اخوي مجنون هوندا امسك اعصابك حبيبي ترى الدنيا ماتسوى :o .
اخوي Accord06 الاكورد الستة سلندر فيها مميزات جدآ جميله عندك المكينة راسين زي ماذكر اخونا ( اكورد 2006 ) وعندك فيها شكمانين لتخفيف حرارة المكينة وخروج اسهل لغازات العادم في السرعات العالية وعندك فيها اربعة ايرباق والكبوت لة اثنين مساعدات لرفع الكبوت وتماسك السيارة على الطريق مذهل .
واهم شي بنسبة لي انا :D انك تقدر تحط القير على الN وتطفي السيارة وتسحب المفتاح بعكس الاكورد الاربعة سلندر مايطلع المفتاح منها حتى تحط القير على الP .
كل ذي المميزات في الاكورد الستة سلندر وفرق السعر عن الاكورد الاربعة سلندر الفل اوبشن حوالي ال11000 ريال سعودي والله يابلاشششششششششششششششششششششششش .
اشكر جميع من مر وشارك في هذا الموضوع ولا تبخلوا علينا بالأخبار والمعلومات الجديدة عن الاكورد V6 .

[دحوم]

والله ياشباب أحياناً يجيني الشيطان ويقول رح بع ال4 سلندر وخذلك 6 سلندر جديد خصوصاً أن موتري توه جديد وما مشى إلا 4000 كم

[اتــشـــــ]

اخوي دحومي ان كانك انسان مستخدم يعني مالك نية تبيع الموتر الا بعد خمس سنين او اكثر اقولك توكل على الله ولا تخاف ترى اكثر قطع الاكورد الاربعة سلندر تركب عليها والقطع الباقية الي ماتركب تراها اغلى بشوي يمكن بنسبة 15% عن الاكورد الاربعة سلندر واعتقد تستاهل مقابل مميزاتها الكثيرة .
انا انشاء الله ناوي على الاكورد الستة سلندر بس موديل 2008 .

[HONDA 888]

وانا شراي يا دحوم اذا كنت صامل في البيع

[lord033]

أذا كانت ع القوهـ

اشتري لومينا Ss او التيما بسعر اقل منها وافضل

بعدين ما فيه فرق في المواصفات والشكل بين الـ 4 و 6

[اتــشـــــ]

أذا كانت ع القوهـ

اشتري لومينا Ss او التيما بسعر اقل منها وافضل


6

من ناحية القوة OK قوية اما افضل مممممممممممممممممممممممعصي

[دحوم]

والله يااخوان اني محتار بسبب 2008 .

[Accord V6 Cup]

والله من واقع تجربة من الجيل السابق ......... الاكور سته سلندر ( إدامان ) الله لا يبلينا

من جد لما تركب السته سلندر تعيف الأربعه و تطلقه بالثلاث


الناس الي ما تهمها القوة تاخذ اربعه سلندر

والي ياخذ السته سلندر اكيد عنده تجربه سابقه مع الاكورد

وصحيح صرفية البنزين ماتختلف كثيـر داخل البلد

و على الخط يابلاش .......

انا من واقع تجربي للـ V6 موديل 99 الصراحه ابداع وهي 3.0

الجيل الجديد ( 2003-2006 ) 3.5 ياجماعة ........ مكينة اوديسي

2006 السته سلندر فيها نظام Tcs يعني تقدر تحرر المكينه من قيودها مشان ترسم عزم المكينه في القار

موديل سيارتي مافيها هدا النظام .... لكن فيها البديل مع Abs وهو غير اختياري

مستحيل تبوش السيارة في مكانها

بس في الموديل الجديد ... غير



دحومي حبيبي تبغى نصيحه ......... اشتري لك اكورد سته سلندر 2006 مستعمل

الله يديم الرخص دام ان ماحد يبيه


انا الظاهر بسوي كدا ..... اشتري رخيص و بيع رخيص ولا الخسارة

افضل من اني اشتري وكالة و ابيع بخسارة


ادا يوجد اكورد 2005 -2006 للبيع اعطوني خبـر

ســـلام عليكم

[اتــشـــــ]

دحومي حبيبي تبغى نصيحه ......... اشتري لك اكورد سته سلندر 2006 مستعمل

الله يديم الرخص دام ان ماحد يبيه


انا الظاهر بسوي كدا ..... اشتري رخيص و بيع رخيص ولا الخسارة

افضل من اني اشتري وكالة و ابيع بخسارة


ادا يوجد اكورد 2005 -2006 للبيع اعطوني خبـر


ســـلام عليكم

والله انك صادق اخوي Accord v6 cup في كلامك وانا الظاهر اني بسوي نفس طريقتك يعني بشوفلي اكورد موديل 2004 او 2005 اكيد مابتكون غالية .

اشكر الجميع على المرور

[(accord_vtec 2.4)]

على كذ1 اللي بياخذ اكورد 6سلندر راح يصير مميز لانها نادره
بس وربي كل مااشوف اكورد 6سلندر احس انها غير وفخامه فيها رغم انها تشابه
4سلندر مثل شمكانين وهذا اللي مجنني بس اكورد عموم سياراااات

[باتريوت هوندا]

والله اخوي

من وجه نضري + تجربه لكثير من موديلات الهوندا وانواعها

اشوف السته سلندر موتر كامل والكامل وجه ربي

طيب ليش الناس هاضمه حقها مثل ماتفضلت حبيبي

انا اقول لك السبب

لان الاكورد سته سلندر جديده على الاسواق الشرق اوسطيه

يعني اول نزول للهوندا سته سلندر بالمملكيه كان في عام 2001

على العموم

السته سلندر جيده بالمره

واخوي معاه اكورد 2001 سته سلندر جربها بالخارج ورجع للسعوديه ومافي راسه غير سته سلندر ومن حضه الجميل ان عبدالله هاشم نزلتها بعد تجربته بـ 3شهور

و الحين ماشيه 260 الف كيلو ماشاء الله وخاليه من جميع العيوب

وبالعكس صراحه جربتها

ممتازه جداً وشكلها غريب وجذاب

وغير معروف

فأنا اوافقك الرائ عزيزي لكن اقول لك ولجميع الاخوان انتضرو

انتضرو الناس تعرفها زين وتجربها وتضمنها

وبعدها راح تشوف السته سلندر بكثرة الاربعه سلندر

تحياتي وفائق احترامي

اخوك
عزوز ورشه

[الاخطبوط]

السبب الأول والأخير هو السعر

لابنزين ولاخرابات

المشكلة هو انها بـ99 ألف ولا كان أول من يشتريها أنا

[دحوم]

والله اخوي الاخطبوط الآن مسوين عليها خصم 94 عند عبدالله هاشم , واكيد في المعارض العادية تلقاها بــ93ريال تصدقون ياجماعة سيارتي جابت82000ريال بعد تخفيض عبدالله هاشم للأكورد 4 سلندر فل كامل 2006وش رايكم السعر حلو وهي الآن ماشيه فقط 5500كم بصراحة محافظ عليها مرة لدرجة اني ممكن استبدلها بــ6 سلندر 2006 يعني ازود 11000ريال فقط يعني كأني ماخسرت شيء ليه , بمعادلة بسيطة شاريها 88000ريال صح والأكورد 6 سلندر 99000ريال صح والفرق 11000ريال ههههههههههههههههههههه والله فلة وانا افكر لكن خايف من موديل 2007 يتغير واكل هوا .

[accord-se]

أكورد v6 وحش وانا اشهد له

انا مجرب سواقت اكورد كوبيه سته سلندر مديل 98 و مواصفات امريكيه وهو 200 حصان
وكانت التجربه لاتنسى .. ماراح انسى انها خلتني لازق في الكرسي من شدة الدعس

وأكيد المديل الجديد يفرق 45 حصان يعني بتكون أقوى .. خرابات او قطع غيار هذا مو كلام

في شي اسمه الي مايعرف للصقر يشويه

وعلى طاري الكوبيه يوجد بالقطيف اكورد كوبيه 2003 فضي 4 سلندر

شفتها من يومين بالليل .. شفت الخلفيه قلت هذا مرسدس غريب ....... وشي ولا يطلع اكورد كوبيه الشكل الجديد

وامصيبتاه هههههه

[accord-se]

وكان منزل وعليه جنوط 17

[دحوم]

وش رايكم ياشباب اشتري اكورد 2006 خصوصا ان مبيعاتها كثرت بعد ما رخص البنزين .