حل مشكلة صوت الابواب بالصور

[accord05]

السلام عليكم ورحمة الله وبركاته

بعد معاناه مع الباب وحب فضول اني اعرف ليش الباب يطلع صوت ؟؟!!

وليش اغلب الشباب يشتكون منها الين اعتبروها عيب مصنعي ؟؟

الحمد الله في عصر هذا اليوم كنت ناوي اروح للوكالة اشتري القطع ...

لكن تذكرت كلمة قالها لي سوداني ( الله يجعل سره في اضعف خلقه ) ...

قلت ياولد ليه ما امر ورشة عاديه ولمن مريت لقيت 3 عمال اول مره يشتغلون اكورد ...

قلتلهم المشكلة وشافوها قالو اوك بنصلحه ؟؟

تذكرت ان الوكالة يقولون مستحيل يتصلح ولا نقدر نسويله اصلاح لازم يتغير ...

المهم ..

انا المشكلة عندي في البابين الخلفية ..

فك الباب الاول وفك الديكور وكل شي وطلع القطعه وفكه وبالاكسجين احرق السبرنق الي جوى القطعه حرق فوق وحرق تحت ، وركب القطعه وهو واثق انه صلح ورجع كل شي وافتح واسكر الا الباب طلع تمام

ونفس الحركة في الباب الثاني وطلعت اوك ولاصوت ولا مايحزنون .

مدة التصليح : حوالي النصف ساعه
كلفني التصليح 100 ريال فقط لاغير

واترككم مع الصور

شكل الباب بعد فك القطعة

شكل القطعه

اثناء فك القطعه

حل المشكله بالاكسجين لاحظو الدوائر الحمر هي الي حط عليها الاكسجين بس وركبها على طول وانحلت المشكلة

وفي الختام اتمنى انكم استفدتو وفهمتو على الشرح واسف اذا كانت الصور مش ولابد.

تحياتي ،،،

[هوندا قوه الاحلام]

يعطيك العافيه ياكويس
بس شو اسم الورشه

[ACCORD-22]

تسلم اخوي على الشرح بس ايش هيا المشكله اساسا انا في الاكورد حقي ما في ولا صوت من الخلف يمكن لو ذكرتها اعرفها تقبل مروري

[اتــشـــــ]

حتى انا ماعندي هالصوت

ممكن اخوي توضح لنا الصوت اللي تقصده وش سببه بالضبط ؟؟

[ل م س 3 3 4]

الله يعطيك العافية ،،،،بس تدري مدري وش تقصد اي صوت بالباب؟؟

[زووم6]

صوت بالباب ؟؟

عندي صوت بالفتحه جنني:(

[accord05]

هوندا قوه الاحلام

تسلم على مرورك يا الغالي

بالنسبة للورشة اتوقع ما راح تستفيدون منها لانها في الجنوب قريب من خميس مشيط ..

بس ان شا الله تعرفون الحل .

ACCORD-22
يا الغالي هذا صوت يطلع في الابواب غالباً في الابواب الخلفيه اذا فتحت الباب يطلع صوت مزعج مرره ..

وهي مشكلة عند اغلب الشباب وطرحو هنا مواضيع وانا من ضمنهم لكن للأسف بحثت مالقيتها ..

اتشــ

ياهلا والله يا الغالي

المشكلة مثل ماقلت لخوي ACCORD-22 انك اذا فتحت الباب يطلع صوت (طررر) <<تقريباً كذا

صوت يفشل اذا تبي تركب احد .

السبب :
على كلام العامل الي صلحها لي ان السبرنق الي جوى القطعه قاسي <<اتوقع يقسى مع الوقت

ل م س 433

مشكور يا الغلا على مرورك واتمنى انك تشوف شرحي للاخوان وسبب المشكلة ...

زووم6

حياك يا الغالي ومشكور على مرورك ...

ما ادري وش تقصد بصوت الفتحه ؟؟

هل هو صوت اذا فتحت الفتحه ؟؟ والا تنسيم ؟؟

اذا تنسيم والله ما اقدر افيدك ...

اما اثناء فتح الفتحه فيبيلك تحط عليها شوية شحم ..

بس انتبه من الزيت لانك لو بتحط زيت على الفتحه بتدخل عليك ريحت الزيت اذا احتر الموتر

اتمنى اني افدتك

[أبوكرم]

مشكووووووووووووووووووووووووووووور
بس الحمدلله ما عندي هذا الصوت;)

[زووم6]

لا اخوي صوت طقطقه بالفتحه كانها تمطر

اشحم الفتحه كيييييف

[aaa33]

مشكوووووووووووووووور على الفائدة

[أكورداوي]

أولا أبارك لك يا accord05 هذه الروح المثابره .. ويعجبني الشخص الي مثلك ما ييأس ..

وبصراحه هذا الصوت جنني فتره لكن الحمد لله الوكاله ضبطوا لي كل شي وراح ..

مشكور أخي على التجربه الناجحه ..

[accord05]

أبو كرم
مشكور على مرورك الله يعطيك العافيه وان شاء الله ماتجيك للأبد

زووم6
مر اقرب ورشه تحس انها نظيفه وهم يحطولك على المفاصل حقت الفتحه شوية شحم عشان تسهل حركة فتحها وتقفيلها <<هذا اذا كان قصدك انك اذا فتحت يطلع صوت واذا قفلتها طلعلك صوت مزعج يقربع باختصار ..

اتمنى اني فهمت مشكلتك
aaa33
تسلم على مرورك يا الغلا

أكورداوي
تسلم يا الغلا على ردك الراقي لا عدمتك ..
الحمدالله لقيت واحد رد فاهم وش اقصد .. كنت افكر ان الشباب على طول بيفهمون قصدي لكن الحمدالله ان شاء الله مايشوفون شر ..
وشكراً مره ثانية على اطرائك يا الغالي.

[ACCORD-22]

تسلم عل ى الجواب كيف ما راخ نستفيد يا accord05<<< من الجنوب

[accord05]

ACCORD-22
اخيراً لقيت واحد من الجنوب ..

كان فيه واحد اعرفه اسمه اكورد الجنوب وراح من غير شر الله يحفظه ...

اذا تبي الوصف ابشر من عيوني واذا سيارتك تمام ..

ان شاء الله عمرك ماتعرفهم

ومشكور على مرورك مره ثانيه

[accord05]

***للأمانه يا شباب الصوت رجع ***

لكن فيه حل اخر انه برجع لهم وخليهم يحطون في السبرناقات شحم وارد لكم بكره اذا شاء الله

انتظروني...

[accord05]

غريبه ياشباب 226 زائر و8 ردود بس !!
بصراحة تحطمون :(

[ACCORD_004]

الف شكر على الموضوع المفيد جدااااااااااااااااااااااااااااا

[أسير المشاعر]

مشكور ياغالي عالموضوع المفيد

بس ماقلت لنا شحمتها ولا لسه ؟

[the sound]

الله يكفينا شر الصوت هذا

ترا انا مني رايق خخخخخخخ


المساعدات الاماميه ب 1000 والفحمات مع التركيب ب 700 ووزن اذرعه ب 100 وترصيص ب 100

خلاص اعلنت تطفيري هههههههههه

[HonDa 2o0o]

ومنكم نستفيد


.

[هـ ن ط 425 badoory]

يعطيك العافيه أخوي accord05 على التقرير الحلو
بس ..صوت أيش اللي يطلع عندك ..وليش في البيبان الخلفيه بس ؟

ملاحظة:الصور ماطلعت عندي

[accord05]

ACCORD_004
تسلم يا الغلا الله يحفظك على المرور
أسير المشاعر
الوعد ان شاء الله بكرة يوم الثلاثاء الموافق 30 /4/1429هــ
the sound
الله يعيطيك من فضلة يعني تبي موتر بلا مشاكل!!! وسع صدرك الدنيا سعه
هوندا2000
مشكوور على المرور
هـ ن ط 425
الصور تطلع وتمام المشكلة هذي تجي في الاكوردات ليش الله اعلم لكن اتوقع ومثل ماقال العامل انه قسي السبرنق مع الوقت ..

انتظرو بكرة التشحيم غداً بإذن الله وأسف جداً على التأخر لكن مافضيت ابدا

[ل د ق]

وش طلع معك للحين الصوت يطلع ؟

[accord05]

8888
ايه يا الغالي باقي عندي وانتقل الى باب السواق بعد :( ... لكن مابغيرها الييين ما احللها باقي باب الراكب اذا طلع الصوت فيه بغيرها كلها ...

[ابراهيم2008]

يعطيك العافية أخوي
هذا الصوت ساعات اسمعة في الباب وساعات ما اسمعه؟؟؟؟؟
وخصوصا الخلفي