السلام عليكم ورحمة الله وبركاته


بعد معاناه مع الباب وحب فضول اني اعرف ليش الباب يطلع صوت ؟؟!!

وليش اغلب الشباب يشتكون منها الين اعتبروها عيب مصنعي ؟؟

الحمد الله في عصر هذا اليوم كنت ناوي اروح للوكالة اشتري القطع ...

لكن تذكرت كلمة قالها لي سوداني ( الله يجعل سره في اضعف خلقه ) ...

قلت ياولد ليه ما امر ورشة عاديه ولمن مريت لقيت 3 عمال اول مره يشتغلون اكورد ...

قلتلهم المشكلة وشافوها قالو اوك بنصلحه ؟؟

تذكرت ان الوكالة يقولون مستحيل يتصلح ولا نقدر نسويله اصلاح لازم يتغير ...

المهم ..

انا المشكلة عندي في البابين الخلفية ..

فك الباب الاول وفك الديكور وكل شي وطلع القطعه وفكه وبالاكسجين احرق السبرنق الي جوى القطعه حرق فوق وحرق تحت ، وركب القطعه وهو واثق انه صلح ورجع كل شي وافتح واسكر الا الباب طلع تمام

ونفس الحركة في الباب الثاني وطلعت اوك ولاصوت ولا مايحزنون .

مدة التصليح : حوالي النصف ساعه
كلفني التصليح 100 ريال فقط لاغير

واترككم مع الصور

شكل الباب بعد فك القطعة


شكل القطعه


اثناء فك القطعه




حل المشكله بالاكسجين لاحظو الدوائر الحمر هي الي حط عليها الاكسجين بس وركبها على طول وانحلت المشكلة





وفي الختام اتمنى انكم استفدتو وفهمتو على الشرح واسف اذا كانت الصور مش ولابد.


تحياتي ،،،