و الله غالي مرة .
أنا معاه إنه شي أصلي و من هالكلام .
لكن الفلتر إللي مركبه HONDA BOY هذا مو من كيلو 2 أو الغرابي , إحنا في الزينة نشتري من هناك لكن إذا جاء شي للمكينة فنروح لمحلات معروفة بجدة و منها السيارة الرياضية و بلاك لاين و أصحابها معروفين و قطعهم كلها على مستوى و عندنا خصم عندهم كمان و يمكن واحد في هذي المحلات يصير راعي لقروب لهوندا بجدة .
و مجربن مع سيارات منها الموستنج 6 سلندر و أكوردات ستوك 4 سلندر و كوابريس و لومينات 6 سلندر إلى موديل 2006 و إحنا المنتصرين , حتى التشارجر 6 سلندر إحنا نطلع قومة لكن في الخط يالله يبدأ يجيبنا على الـ 140 أو الـ150 و الهونداي الكوبيه بس في القومة يروح لكن الخط عندنا قوي فنطلع عليها على الثالث أو نهاية الثاني . ألتيمات إلى 2007 أوتو مشتغلين عليهم صح و كوامري إلى الجديدة ما عندك مشاكل إحنا أقوى .
أحب أنوه على شي و هو إن إللي فاهم و يعرف للتزويد و الأشياء هذي , لاحظو في الإنتيك سيستم , بين كل الشركات الفرق في القوة فقط أجزاء من العشرة و هذا كله بسبب اختلاف أجهزة القياس ( الداينو ) . ما في فرق بين واحد أشترى فلتر K&N و ثاني أشترى Simota .
طيب ايش قال الله في الإنجين , من أحسن شركات التزويد و سعر الإنتيك حقهم مع الفلتر و العزل و الاستيكرات و صحن لوحة كمان بـ 1000 ريال مو 1700 ريال .
بالنسبة لنوع الإنتيك إللي راكب على أكورداتنا في جدة , هو SPW و الفلتر جيب أي فلتر تلاقيه مو مشكلة بس يكون شي أصلي .
مو مشكلة الضمان , أنا نفسي أعرف الضمان على إيش ؟ و من إيش ؟
و إذا تبي تعرف الإنتيك الأصلي من التجاري , جيب الإنتيك و حاول تكسره بيدك , التجاري راح يطلع صوت بداية تكسير و هذا إللي ينباع في الغرابي و كيلو 2 أما الأصلي فما راح يطلع أي صوت .
و هذا حال إنتيك الـ SPW أصلي .
و أزيدك من الشعر بيت , تقدر تفصل إنتيك بكيفك بـ 600 ريال لونج في ورشة العيدروس بصناعية جدة و هم ورشة متميزة في مجال التزويد و سياراتهم سكاي لاين و سيلفيا و سوبرا و لكزس IS و اشتغلوا على سيارات كثيرة أصحابها راضيين عنها .
أنا معاك إن الغالي سعرو فيه لكن إذا أبغى إنتيك بـ 1700 و الهيدرز بـ 2500 ريال و الإكزوز بـ 2000 ريال . هذي 6200 ريال بدون برمجة . ليش مو أنا أقدر أختصر المسافة بـ 4000 ريال و من أحسن ما يكون و شي يتركب و يتسوى قدام عيني .

و للعلم يا شباب في واحد مركب هيدرز على أكورد 2006 و أخذ نوعية أبو كلب بـ 800 ريال و اللحين ماله شهر و توضيب مكينة .
هيا بالله كيف 800 ريال على هيدرز .

أتمنى تكون الفكرة و صلت و أدري إن كلامي ماله دخل بالموضوع لكن أنا حبيت أوضح لك و أوضح للشباب معنى الأصلي و التجاري .