الموضوع: * معاً في تعديل و تزويد الأكورد , المرحلة الأولى *

,

أهلا مرة ثانية بالشباب ...

ميدو مشاكل :
حيّا الله مؤيد , أخبارك ؟ عساك بخير إنشالله .
تسلملي يا غالي على هالكلام الحلو :o , ما أقدر أنا على كدا و الله :d .
شكرا على مرورك حبيبي .

first :
أهلا يا سلطان , إنشالله تكون بخير حبيبي .
و الموضوع موجه لكم , و إنشالله بأخليك تعدل الـ V6 بس خلّيني أنزل موضوع عنها :d .
شكرا على ردك حبيبي .

A N M A R :
أهلا يا أنمار , أخيـــــراً نويت على الإنتيك , أقوى تحية لك .
سعره .... يمكن تلاقيه بـ 350 ريال , يمكن تلاقيه بـ 660 ريال , يمكن بـ 950 ريال و هو النوع الأفضل بالتأكيد .
و كلها حلوة و ممتازة , و إحنا كلنا مركبين إنتيك SPW و الفلتر عاد الشباب كل واحد و الشركة إللي يرتاح معاها . بس ما تفرق كثير من شركة للثانية .
و ما يحتاج قروشة و لاشي , أنا آخر مرة نظفت الإنتيك قبل تقريبا 3 اسابيع , و فك إنتيك الوكالة حوسة و قروشة أكثر من لما نركب إنتيك رياضي .
على العموم , إذا نويت و صملت . رقمي عندك ....

Pink Dream :
أهلا حبيبي , وشكرا على كلامك الحلو .
و يشرفني وجودك و وجود ردك هنا بالموضوع يالغلا و إنشالله عما قريب موضوع كامل عن الـ 2008 .
ألف شكر لك .

AlGaTTaS :
أهلا بالغالي .
تسلم على ردك و على تعليقك على الموضوع , و لا تحرمنا تواجدك .

B я H o ற :
أهلا حبيبي .
بالنسبة للتعديل , فهي هواية و كل واحد و هواياته بسيارته .
مثل ما إنت تحب السيارة نظيفة و شكلها شد بلد و نصبتها تكون وكالة , إحنا أمثالنا نحب التغيير , نحب نكون متفردين :d , لما يكون معاك 4 سلندر و تقدر تطلع على الـ 6 سلندر و تمسك مع 8 سلندر .
إيش راح يكون شعورك ؟ أكيد بتنبسط .
كيف الناس تطالع سيارتك ؟ أكيد باحترام و خوف من التجربة معاك , و راح يقولون جا فلان بالأكورد , لحد يحاول يجرب معاه .
و إذا كان رأيك إن هالتعديلات ما تناسب الأكورد فأنا أحترم هالرأي , لكن لو دخلت لمنتديات أجنبية للهوندا و منتديات التزويد , صدقني راح تكبر الأكورد في عينك و تغير وجهة نظرك نحوها .
أتمنى ما تعبر كلامي نقد , لكن أنا لي وجهة نظر و بأدافع عنها , و أنا أحترم وجهة نظرك .
شكرا لك على ردك حبيبي , و يسعدني وجود بصمتك في موضوعي .

momo :
أهلا و سهلا
يعطيك العافية على ردك و مرورك أخي العزيز , و إنشالله بيستفيدوا أصحاب هالموديل من الموضوع ;) .
ألف شكر لك .

Halo 5 9 5 :
أهلا أخوي , و طبعا الـ Apexi ما بيعطيك فرق إذا كنت Stock , و مثل ما تفضلت كل مازادت الهوائيات زادت القوة المستخرجة من القطع للـ Apexi .
و ما شالله , حسب القطع إللي عندك مستواك بيكون حلو " ما شالله تبارك الله " .

وبعدين اجي جده واجرب معاك...

ليّا الشرف إني أجرب معاك حبيبي , و حياك في جدة بأي وقت .
شكرا على ردك و وجودك حبيبي , و لا تحرمنا هالطلة الحلوة .

أبوكرم :
هلا بأبو كرم , يالله حيّهم .
الفرق بين اللونج و الشورت , هو إن الشورت بيسحب هواء من داخل الكبوت فكمية من هالهواء بتكون حارة بحكم حرارة المكينة , و بالتالي راح يكون عندك عزم حلو , لكن اللونج بيسحب هواء من خارج السيارة مباشرة و هذا الهواء غالبا ما يكون بارد و خصوصا في مثل هالوقت من السنة , بتشوف عزم حلو و أفضل من الشورت , لكن من ناحية الأكورد و حسب تجربني . ما أشوف إن فيه فرق في اللونج و الشورت غير صوت الإنتيك نفسه .
اللونج صوته أحلى .

حصلت قطعة في النت تتركب بين الفلتر و الإنتيك (شبيهة بالسوبرتشارج) بس تشتغل عن طريق الكهربة و مكتوب إنها تعطي إلين 25 حصان و هذي صفحتها

عارف هالقطعة , في فترة جات منها دفعة هنا بجدة و كان سعرها بتراب الفلوس , بـ 350 ريال بس . لكن خذ في علمك , ما في شي من الهوائيات ينشبك على كهرباء أو بطارية و بيعطيك هالفرق " 25 حصان " . يمكن يعطيك فرق لكن مو لهذي الدرجة , يعني حتى هذي إللي عندنا بجدة محد أشتراها لأن محد عارف وش أصلها ؟ وش الفرق إللي بتعطيه . ترى 25 حصان شي مو سهل .

و عقبال ما نشوف موضوع راس ال K20A2;)

أووووه , لا تقلب المواجع , اليوم و قبل ما أكتب الموضوع راح عليّا راس K20 من الأردن بـ 2200 ريال بس . يا بلاش .
شكرا على ردك و مداخلتك الحوة يالغالي , و إنشالله يكون الموضوع أعجبك .

البــــــاشا :
هلا حبيبي
بالنسبة للمحافظة على الفلتر , تنظفه مرة كل شهر إذا إنك مرة معتني , و أنا بالنسبة لي , كل 3 شهور مرة وحدة أنظفه , و أيضا يعتمد عندك على حالة الجو , إذا كان غبار و عج فيستحسن تنظفه , أما إذا الجو عادي و حلو , فروح و ما عندك مشاكل .
أصلا الفلاتر المشهورة مثل الـ K&N تجيك معاه ورقة ضمان طول حياة الفلتر أو 160.000 كلم ;) , يعني ممكن تغيره خلال هالفترة و ما يكون فيه شي أو ضرر لا قدر الله .
الهيدرز و الإكزوست و البكرات , ما يحتاج لهم شي . ركب و أنسى .
لكن بين فترة و الثانية إذا لاحظت إن عزم السيارة نزل , روح محل شكمانات و خليه يشوف لك السيارة من أسفل إذا كان فيه تنسيم من أماكن اللحام لأنها تحصل كثير .
و إنشالله هالقطع مالها أي تأثير على السيارة باستثناء البكرات , لأن أخوي كان مركبها على ألتيما V6 و بعد ما فكها صارت السيارة تنتع معاه في القومة و لما يدبل بنزين .

وهل فيها اصوات عاله من المكينه

الصوت مو راح يطربك , إلا راح يخليك تغني على نغمته , الصوت إجمالا يعتمد على نوع الكنداسة الرياضية إللي راح تركبها و على حجم الإكزوست . بالنسبة لي قبل أسبوعين تقريبا أنصكيت مخالفة تفريغ كنداسة عشين الصوت , و أنا ماني مفرغ , بس مركب كنداسة DNX .
و الله يعافيك يا غالي .

محجوب :
هلا بمحجوب
الله يعافيك حبيبي و يبارك فيك .

المبلغ (اقل من 10,000) فأنا اشوف انه مقبول جدا جدا خصوصا ان القوة الصافية تطلع فوق ال200 حصان

طبعا المبلغ رائع و حلو بالنسبة لها القوة .
و حيّاك باي وقت , و إنشالله الشي إللي تبيه بيصير .
شكرا على ردك و مشاركتك حبيبي .

niceboy_077 :
هلا أخوي , حياك حبيبي .

انا عندي هوندا اكورد 2006 اربع سلندر لو بركب دبه ثانيه زي السته معى الهدرزات والبواجي والرامير بتفرق

شوف بالنسبة للدبة الثانية أنا كنت مركب دبتين رياضية و شابكهم مع بعض و بكل صراحة نزل عندي العزم , رغم إن المفروض يصير العكس , بس لأن ضغط المكينة واطي و الإكزوست حق بلدها ما يجي حتى 1.5 إنش , فأعتقد لها الأسباب نزل العزم عندي و عند واحد ثاني من الشباب . هذا إللي أقولك هو من تجربتي :( .
أما عندك مثل محجوب , ما شالله تبارك الله مشبك كنداسات الوكالة و ما هو حاس بفرق , إلا شي بسيط بعد الـ 120 , إذا هو دخل مرة ثانية على الموضوع أتوقع بيفيدك أكثر إنشالله , لكن بالنسبة لي و كوجهة نظر , أنصحك لا تسويها :( .
إذا بتركب إنتيك و هيدرز , ركب و روح ما عندك أي مشكلة , بالعكس راح تنبسط من العزم الجديد . أما بواجي ما أنصحك على الأكورد . خلها على بواجي بلدها أحسن .
شكرا على ردك يالغالي و الله لا يحرمنا منك .

ـبطرانـ2005ــ :
هلا فيك
طبعا , 220 حصان شي جامد و جبار على 4 سلندر . و إنشالله نشوف منك مشورع كدا قد الدنيا .
ألف شكر لك على ردك حبيبي .

ieboo :
هلا بالغالي .
إنشالله بأنزل تعديل على الـ 2008 - 2009 للـ 4 , 6 سلندر . بس خلّيني أجمع لكم المعلومات بعد فترة , لأن سياراتكم جديدة و توها ما نزل لها قطع . حتى إنتيك لازم تفصلونه :p .
شكرا على ردك و مرورك يالغالي .

xHeartcoreboyx :
أهلا حبيبي .
بس معليش , عندي تعليق على كلامك بالنسبة لعدد الأحصنة , و أنا بأتكلم بإثباتات و أوراق شفتها قدام عيني .
في واحد جاء معانا التجمع الأخير إسمه محمد , مركب على سيارته إنتيك Simota و هيدرز DC Sport و إكزوست من FOX مع دبة DNX .
الموضوع و ما فيه إنه بدون برمجة و بدون أي شي القطع طلعت له فرق بـ 38 حصان أول مرة , الثانية 39 حصان , و الثالثة و الأخيرة طلعت معاه 38 حصان مرة ثانية .
و هذا على داينو MC Performance بجدة . فتتوقع لو نزل البرمجة و البكرات بيطلع الفرق مزبوط و قوي ;) .
إنت لو تتعمق و تقرأ في التعديل بالتفصيل راح تلاقي إن كلامي صحيح , محركات هوندا قوية و رائعة , لكنها الأعقد في التعديل , يمديك بـ S2000 توصل للـ 600 حصان بشوية قطع و برمجة بس .
أتمنى تكون فهمت علي حبيبي , و ألف شكر لك على مرورك و ردك على الموضوع .

Jack :
أهلا بالغالي
شكرا لك حبيبي على ردك و مرورك على الموضوع , و حياك الله .

تحياتي لكم يا شباب
أخوكم : خـــالـــد .

-

أهلا و سهلا فيكم يا شباب , منوّرين ...

i-vtec2005 :
أهلا فيك يالغالي .

- طبعا مثل ما انا متابع في مكاين الK-series تبين انه اقوى راس فيهم هو راس مكينة الاكيورا RSX Type-s الأمريكية ...والمحرك رقمه K20A2 ولاحظ اقوى راس مع انها 2.0 لتر ...

طبعا هو أقوى راس مكينة في فئة K , و مشاريعهم عليه قوية جدا .

-فيه عندك الثروتل تقدر تغيرها الى اكبر ..على ما اظن انها تجي في الاكورد مقاس 67 ملم مو متأكد ..فيه شركات تزويد تصنع خق مكينة الاكورد وطبعا اكبر ... وفيه سبيسر حقها بعد

شفت ثروتل قبل كدا لكن ما كان فيه فتحة الحساس و بصراحة كان كبير .

-فيه كامات بعد تصنعها شركات معروفة وتصنع حق مكينة الاكورد وانت عارف وش يسوي الكام
-شفت بعد ستروكر حق هالمكينة الجبارة .. وطبعا بيزيد سعة المكينة من 2.4 لتر الى 2.6 لتر تقريبا

الكام شي رهيب , و أسأل الشباب هنا عني بجدة , كلهم يحسبوني مركب كام :d .
و الستروكر مثل ما تفضلت يزيد المكينة إلى 2.6 لتر , و في محل بجدة يجيب الستروكر للأكورد و الكامات مع الأسياخ , يكلفك 19.000 ريال بدون تركيب . بس شي ماركة و معروف و ياسلام لو تطبق على كل هذا الهيد حق الـ K20 و تيربو كت حتى لو T3 و بساتم ضغط واطي , و عيش يا معلم .

و بالنسبة لمزودين الهوندات بأمريكا , يشترون السيفيك القديمة , موديلات 93 إلى 97 و يحبون الهاتشباك لأنه أخف ;) , و طبعا يرمون مكينتها الأصلية و يشترون مكينة الأكورد من 2003 - 2005 إللي رقمها K24A4 , و ينزلوا عليها هيد الـ K20 و طبعا لازم من شغل الهوائيات و التيربوا و طبعا يوزنونها على 12 PSI لأن أغلبهم بيكون مغير بساتم ضغط واطي , فما راح يقلق لو رفع بوست . و شوف وش يسو في الناس هناك . عزم و قوة مي صاحية أبدا .
و ألف شكر على الفيديو , و الله شغل جبار .

واذا فيه شي بعد بضيفه بوقت ثاني ان شاء الله واسمحلي على الزيادة

الموضوع موضوعك حبيبي , و أي إضافة أكون شاكر لك فيها .

accord king of road :
هلا .
شكرا حبيبي على مرورك و ردك و الله يبارك فيك .

niceboy_077 :
هلا حبيبي
و الله مثل ما قلتلك , إذا بترهمها مثل الـ V6 خل الكنداسة الثانية زينة بس , يعني لاتوصلها مع الإكزوست لأني سويتها و العزم طاح عندي :( .
بالنسبة للرامير و البكرات و الهيدرز , فأعذرني ما أعرف وين ممكن تلاقيها بالشرقية .
و شكرا على ردك و مرورك يالغلا .

faisal_606 :
هلا حبيبي فيصل , وش الأخبار ؟
و بالنسبة للمقطع ....

اتمنى انه يعجبكم ....<<<<<<< وخصوصا الغالي صاحب الموضوع ...تكفى لا تقولي انك شايفه من قبل :(

و الله أول مرة أشوفه , و تسلملي عليه . و الله عليهم عقول مو سهلة
شكرا لك فيصل

3aber Sabeel :
شكرا لك أخوي و الله لا يحرمنا مرورك و تواجدك .

ذكرى الجراح :
أهلا و سهلا ...
ما أنصحك أبدا تفك الفصلة , تدري ليش ؟ .
مشكلة الأكورد في الكومبيوتر :( , متصل بكل شي . يعني لما تفك الفصلة , إنت بكدا بتتحايل على الكومبيوتر فالكومبيوتر حق السيارة يرسل إشارات مغلوطة للعدادت و لدعسة البنزين و لحساس الجيربوكس و لما تفك الفصلة يمكن القير يروح عليك . إلا إنه احتمال جدا كبير . و يكفي إن القير حق الهوندا ضعيف اصلا و مو ذيك القوة .
و أعتقد العضو أكورد مجنوووونه فكل الفصلة و راح عليه الجيربوكس , فالأحسن لا تفكها و ترى 220 حلوة .
و إذا على الكامري , لما توصل للـ 220 تلاقيه و ررررررررررررا , و يبيله سفر لين يوصلك :d .
أصلا أول ما توصل 220 أعطيعه فصعة و حبة فرامل و خلاص .
شكرا على مرورك حبيبي .

حياكم في أي وقت يا شباب , و أي اتفسار أنا موجود و حاضر ....

^
أهلا بـ هيثم , عساك بخير و إنشالله نشوف الوحش عما قريب ;) ....

بالنسبة للفلتر , فهذا فلتر التيربو يا هيثم , و شكله أكيد يختلف عن الفلتر العادي :d .

ان شاء الله مشروع التعديل الجاي يكون تركيب ماكينه تو جييييييه ;)

ههههههه , الله يقطع إبليسك " الـ 2J " :p .

شكرا على ردك حبيبي و الله لا يحرمنا منك .