*

حيّاكم شباب ...

أبو عــزوز .. :
هلا فيك أبو عزوز , و بصراحة أنا إللي ليا الشرف يكون ردك بين مواضيعي :o .
شكرا لك يالغالي . و ما سوينا إلا الواجب .

false :
أهلا و سهلا , و يعطيك ألف عافية على مرورك و ردك حبيبي .

قصيمي جدة :
هلا فيك عبد الله , عساك بخير , و إنشالله تكون أنبسطت معانا قبل أمس .
و انتظر موضوعي عن الـ 2008 - 2009 , بس خلّيني أجمع لكم المعلومات الكافية و الوافية و أنزل لكم تقرير حلو ;) .
شكرا على ردك حبيبي .

faisal_606 :
حيّاك بجدة حبيبي فيصل و نتشرفك بوجودك , و منوّرة إنشالله .
بالنسبة لموضوع عن الـ V6 , إنشالله بيكون قريب بس خلّيني أجمع لكم المعلومات و الصور و أنزل لكم تقرير .
و بالنسبة للمجموع الكلّي للأحصنة بأكتبه لكم في نهاية الرد , و عن التكاليف التقديرية لها القطع , بعد بأكتبه لكم و لا يهمك :d .
و البواجي و الله اختلف فيها الناس و المعدلين , كثيرين قالوا فرقها على الـ 4 سلندر غير مجدي و غير ملحوظ :( , بينما على 6 و 8 سلندر بتلقى لها فرق لكن مو ذاك الشي الكثير , لأن البواجي إذا ركبتها و تبي مفعولها صح , يبيلك أسلاك تأريض و مقوي كهرب و مكثف شرارة البواجي . بس بالنسبة للـ 4 سلندر مو ذاك الفرق , و قريت كمان إن فيه ناس ركبوها و راحت عليهم مكينتهم , فالبعد عن الشر غنيمة :d .
يعطيك ألف عافية على مرورك , و لا تحرمنا هالطلة .

راكب هوندا ورايح هولندا :
هلا فيك حبيبي .
بالنسبة للأكورد 98 , إيش إللي ما يركب عليها :d , تقريبا هذي القطع و أكثر يركبون عليها .
في واحد معانا بالجامعة معاه أكورد أعتقد موديل 1998 - 2002 طبعا 4 سلندر , منزل عليها H22A و هالقطع الخفيفة و يمسك مع أوريون , تخيل الفرق الجامد وين كان و كيف صار .
و تسلم على مرورك يالغلا .

عطر الحكي :
ألف مرحبا فيك حبيبي .
شكرا على هالوجود العطر يالغالي ;) .

MaLiK1987 :
هلا فيك أخوي مالك , منوّر الصفحة بوجودك .
و الموضوع منكم و لكم و عساكم إنشالله تستفيدون منه و تصيروا معدين كبار .
الله لا يهينك أحجز لنا أكزوزست MagnaFlow لأني جيت باكلها خابور مره ثانيه مثل خابور الفلتر HKS)

أووووووه , بس كدا ؟ بس هو مو موجود بجدة كدا , لازم طلبية :p .
و شكرا لك على ردك الحلو .

AlGaTTaS :
هلا حبيبي .
عساك استفدت إنشالله , و عدد الأحصنة في نهاية الرد .
شكرا لك على مرورك الحلو حبيبي .

بريق الصحوة :
هلا و مرحبا .
شكرا لك على تعليقك الحلو يا غالي .
و إنشالله مواضيع مثلها و أكثر بعد .

ـبطرانـ2005ــ :
أهلا و سهلا .
شكرا لك يا غالي على تعليقك , و يشرفني يكون موضوعي في قائمتك المفضلة :o .
يعطيك ألف عافية .

vtc.acoord :
هلا فيك أخوي .
حبيبي إحنا ما همنا كم الطبلون , إحنا المهم عندنا و احنا بنزوّد , تسارع السيارة ;) .
أهم شي عندي إنها تجيب الـ 100 في وقت أقل و تجيب الـ 160 في وقت أقل بعد . هذا حق القومة :d . من الـ صفر للـ 160 , و من 40 للـ 160 و بس .
و بعدين محد بيجرب إلا و تكون سيارته صاحية و نشيطة و كفراته تمام , مو يجيك واحد كفراته ممسوحة و يقاوم ! بالعكس , احتمال كبير إنه يتفشل و ما يطلع :p .
و احنا حتى يوم نقاوم , نختار طريق ما فيه سيارات و بعيد عن الناس , و كلها مرتين أو ثلاث بالكثير و تلاقين ماشيين لأن ما نبي أحد يبلغ علينا أو يشتكي .
إحنا بنلعب في المكينة و إنشالله ما في أضرار , و حتى لو ضربت ( لا قدر الله ) . بـ 5000 ريال من التشليح تاخذ مكينة , أما إني أصرف فلوسي على هيدروليك و هالخرابيط و في النهاية السيارة تنحرق و ينحرق قلبي معاها , فهذا هو الجنان و كل واحد و له راي و أنا أحترم رأيك و أرحب فيها .
و سلامتك يالغالي , بس حبيت أبين لك وجهة نظري .
و شكرا على مرورك و ردك الكريم .

ACCORD FOR EVER :
هلا فيك .
شوف حبيبي , كما هو معروف أي شي غير القطع الأصيلة للسيارة يقلل من عمر المحرك , لكن ....
ما المانع إذا كان عندك بلوك يتحمل لغاية الـ 450 حصان بدون أي أضرار ؟ .
بعدين الشغل هذا كله لعب في الهواء و البنزين , يعني نزود كمية الهواء الداخلية و بالتالي زيادة كمية الهواء الخارجة " يعني راحة أكثر للمكينة " . و إنشالله ما منها خرابات على السيارة .
و بالنسبة عن سؤالك عن الفلتر و الدبة , طبعا بيفرق , و أنا ما أبقولك الكلام هذا من فراغ , هذي تجربة كثيرين مسوينها هنا بالمنتدى و منهم: أنا , Honda Boy , ميدو مشاكل , Black Shery . هذولي أنا مركبلهم الإنتيك بنفسي و فرق معاهم فرق حلو . و مبسوطين .
شكرا لك على ردك يالغالي و لا تحرمنا وجودك .

A N M A R :
أتحمس يا أنمار , أشتريلك إنتيك بس , و أنا بأركبلك إياه .
بلا مسالم , بلا هرج .
ركب الإنتيك و فِل يا معلم , و على قول مؤيد .
" القير أرضي و الإنتيك يرضي " :d .
شكرا على ردك يا أنمار و إنشالله نشوفك كدا بإنتيك .

أبو الريش :
هلابك .
تسلم على مرورك و ردك حبيبي أبو الريش , و لا تحرمنا هالطلة .

HONDA BOY :
هلا بـ براء , حيّهم .
وجودك و ردك على الموضوع يكفيني , ألف شكر لك يا براء ;) .
وعقبال ما تكون الصوره الي وريتني هيا على الطبيعه ;)

كيــــــــــــــــــــــــــــــــــف ؟ طب أستنى ! :d .
شكرا على ردك و طلتك الحلوة يا براء , و الله لا يحرمنا منك .

EmPTY :
هلا حبيبي .
إضافاتك تشكر عليها و أنا عارفها لكن مخليها للمرحلة الثانية لأنها فيها يبدأ اللعب في المحرك و بهذا التغيير بس , بنشوف قوة جبارة . ما عمركم تخيلتوها على أكورد ;) .
شكرا لك يالغالي .

اسير الرحيل :
حياك يالغالي .
أصبر باقي شوي و يجيك كم حصان و كم على التعديل , لا تستعجل .
أصلا الرقم إللي بيطلع راح يفجعك .
شكرا على ردك حبيبي

amer09 :
هلا حبيبي
أصحاب هالموديل أستفادوا مني نظريا قبل ما أكتب الموضوع ;) , و عندهم مشاريع راح تخلّي سيارات كثير تترك الساحة حق المقاومات للهوندا و يصير نحتل طريق الملك بجدة :d . خلّي مشاريعهم تقوم و شوف كيف .
شكرا على مرورك يالغالي ..


الآن أسحبوا نفس قوي و خلّيكم معاي لأن في أشياء راح تفاجئكم ! :d

بالنسبة للقوة المستخرجة من القطع :
الأكورد موديلات 2003 - 2007 على الداينو تجيب 133 حصان واصلة للعجلات " طبعا على الإسفلت " .

* طبعا الأرقام تقريبية , تزيد أو تنقص حسب نشاط السيارة .
1- الإنتيك بيعطيك 6 أحصنة , سعره 950 ريال و هو أفضل الموجود بجدة " Simota لونج عليه فلتر K&N "
2- المورحة و تعطيك حق 4 أحصنة , سعرها بـ 150 ريال للنوع الأمريكي .
3- الهيدرز بيعطيك 20 حصان DC Sport , سعره مثل ما ذكرت 800 ريال .
4- الإكزوست بيعطيك 10 أحصنة , سعره 1500 ريال مع الدبة MagnaFlow " طبعا تفصيل " .
5- البكرات بتعطيك 15 حصان , سعرها 1400 ريال ماركة UR أو AEM .
6- جهاز الـ Fuel و الـ Ignition بيعطيك 12 حصان و سعره 1500 ريال .
7- البرمجة بالـ Apexi و تاخذ منها قول ؟ 20 حصان , و السعر بـ 3000 ريال " مع التوزين و التركيب و الداينو " .

الأحصنة من القطع 87 حصان على الكفرات " رقم جدا رائع " , أضيف عليه 133 حصان حق السيارة و هي ستوك , يعني بيطلع المجموع عندك 220 حصان " طبعا قابلة للزيادة أو النقص حسب العزم و نشاط السيارة " .
ما أخفيكم إن في واحد بجدة هنا معاه أكورد 2005 قير عادي مركب عليها هالقطع بدون جهاز التحكم بالبنزين و الاحتراق و يطلع مع قولف GTI ;) , و سيارات ثانية كثيرة طلع عليها ما شالله تبارك الله .
و معانا واحد كمان قدر يطلع على جيب بورش كايين S بدون برمجة و بدون جهاز التحكم في البنزين و الاحتراق ما شالله تبارك الله .
يعني التعديل بيفرق معاك بقوة في هالمرحلة و راح تقدر تحط راسك بسيارات كثيرة جداً :d .

عزم اللومينا SS موديلات 2003 - 2006 ستوك هو 240 حصان :p , يعني بتجننهم , و راح يطلعوا عليك بس بعد ما تتعبهم ;) .

أما عن التكلفة فلو حسبتوها راح تطلع معاكم في حدود الـ 9300 ريال . أشوف المبلغ معتدل و متوسط بالنسبة للقوة إللي بتلقاها من السيارة .

شكرا لك يا شباب على مروركم و تشريفكم للموضوع , الله يعطيكم ألف عافية .

تحياتي لكم
أخوكم : خـــالـــد .