أهلا أخوي ...
و الله بالنسبة للسوناتا ما أدري إيش موضوعها و لا أقدر أفتيك فيها , لكن بأعطيك معلومات عن البرمجة .
البرمجة هي تنظيم دخول البنزين و الهواء " بشكل أساسي " للمحرك و هذا طبعا عن طريق البلوف و دخول الهواء و البنزين , و البرمجة على كومبيوتر بلدها و السيارة غير معدلة ما راح تنفعك , لأن السيارة بكومبيوتر و قطع بلدها بدون تعديل بتعطيك أصلا قدرتها القصوى , إلا إذا فك لك فصلة الـ RPM فهذا فيه ضرر على المحرك على المدى البعيد و ما أنصح أي أحد يسويها . لكنها راح تفرق معاك .
يعني برمجة و السيارة ستوك ما راح تنفعك و فيها ضرر على المحرك مستقبلا .
وتنظّم تعشيقات القير بشكل ايجابي جداً وسلس ..
إللي ينظم تسارع القير هي الكلتشات الرياضية و تخليه اسرع و إذا ركبت عليه بعد حذاف رياضي يكون أفضل .
مع العلم : السياره لسّى جديده .. وماراح ابرمج إلا كمبيوتر بلادهآ ..
حرام تبرمج كومبيوتر جديد , و بالأخص كومبيوتر الوكالة . لأنه جاي مبرمج على السيارة و على رقم الشاصيه و هو هوية سيارتك و بدونه , السيارة بتكون ضايعة و راح تشتغل عندك لمبات في الطبلون ما راح تكون قدّها , و راح تكره السيارة إذا برمجت كومبيوتر بلدها .
بالنسبة للهوندا فالبرمجة في الأكورد من 2003 - 2007 تفرق في حالة وحدة بس إذا كانت السيارة ستوك . و هي إننا نخلي الـ VTEC يشتغل من 4500 RPM أو أقل بدل الـ 5800 RPM . ففكة بلدها جدا متأخرة و إنتم لاحظوا لما تدعسوا دعسة كاملة , لاحظوا تغير الصوت لما السيارة توصل لـ 5800 RPM . الصوت يعلى بشكل مفاجئ .
لكن شركة هوندا تفادت هالموضوع في 2008 بأنها خلّت الـ VTEC يفتح من 5000 أو 5500 و السيارة توصل إلى 7000 RPM . فعندهم فكة الـ VTEC أقوى .
موجودين في جدة ناس يبرمجون الأكورد باسعار بين الـ 500 و الـ 800 ريال , لكن كيف ممكن تضمنهم و هم ما عمرهم أشتغلوا على أكورد قبل و لا يعرفون وش فيها , ما في غير يحقنون في الكومبيوتر و خلاص و النتيجة في النهاية .... تلف دائم و مشاكل مالها نهاية .
ليش العالم تشتري أبيكسي بـ 1700 ريال أو V-Manage بـ 3000 ريال أو I-Manage الخاص بنظام I-VTEC بـ 3600 ريال أو حتى أقوى جهاز برمجة و هو الـ FK من شركة HKS بـ 7000 ريال ؟
و الأسعار السابقة بدون توزين أو داينو أو تركيب .
ليش هي غالية بها الشكل ؟
لأنها بتعطيك مفعولها صح , و بتعطيك أقصى قوة من القطع إللي مركبها , و راح تشوف عزم و تسارع فرقه كبير على تسارع السيارة و عزمها ستوك .
يكفيك إن الـ FK تقدر تضيف فيه أشياء زيادة على الأشياء الموجودة فيه , و عندك سنة تنزل بروجرامات و تحديثات مجانية من الموقع الخاص فيهم . و برمج في بيتك و أنبسط يا معلم .
و عندك Hondata , يكفيك إنك ترسلهم رقم الشاصيه حق سيارتك و رقم المكينة و فئتها و القطع إللي عليها و هم يرسلون لك بروجرام جاهز مجهز , بس عليك تركبه و هذا كله بـ 3500 ريال .
البرمجة ترى عالم كبير و صعب و مو أي واحد يبرمج تمام , يا يجبها صح يا يجيب العيد فيها و تبدأ مشاكل مالها نهاية .
أتمنى ما أكون طولت أو كثّرت كلام , لكني حبيت أوضحلك حبيبي و أوضح لباقي الأعضاء إن البرمجة أبدا ما هي سهلة . و مو أي واحد يقدر يبرمج .
مواقع النشر (المفضلة)