الموضوع: تركيب تيربو على هوندا اكورد فتك في سيهات

اخيرا وبعد محاولات باءت بالفشل بسبب رغبة الناس في تركيب التيربو على h22. لاكن اخيرا قدر واحد من سيهات انه يركب التيربو على h22 بعد شغل شهرين تقريبا . لاكن صار الموتر ماعليه كلام. وانا شخصيا شفت الموتر بعيوني.كل شي فيه شركة. الكبوت. الشنطة. اسيات ريس. رول قيج. الخ.... بس السيارة ماتتحرك الا الخميس والجمعة. وبصراحة انا ماشفتها تدعس الا فى مرتين بس. لان هو يسمع البشر صوت العطاس وقليل ادا دعس ويا سيارات ثانية. تقريبا كلفته 24 الف. وكل الي سواه هو. انه اخذ له هيدرز بقاعدة تيربو. واخ له كولر. وفلتر. وركب الهيدرز والتيربو ومد ماصورة زيت التيربو في الكرتيل. واخذ له بساتن وأبر وبلوف جاسكيتات . جو كلهم في طقم واحد لدعم التيربو. وطبعا اخذ له بيبات وعكفات حق التيربو ومنظم للتيربو. وغير طرمبة النزين وركب طرمبة gt-r لان دفع البنزين اقوى ودبة صوت وابوكسي وسستم اكسوز . وحوايج واجد ماعرف اساميها لاكن الموتر مزود صح. وركب كل شي بايده وعلطول طلعها عالبحرين على سطحة وهناك زبطوا المكنة والتيربو على الداينو . يمكن دخلوها حسب الكلام الي وصلني دخلوها 4 مرات الي الداينو. واخيرا زبط اول موتر في المنطقة الشرقية يدعم vetc و turbo في نفس الوقت. بس الموتر محسوود . وناس واجد حاولوا انهم يشترونه من عند رعيه بس مارضي يبيعهم وياه. لين انتهى مصيره في حادث . بس لازالت الرحلة متواصلة وبسوي سيارة ثانية غير الي انصدمت. انا حلمي اني امتلك سيارة فيها تيربو لاكن انا مكفيني h22 وادا حسيت ان الوضع استلزم التيربو فاني باركب التيربو وبس بدون اي تزوسدات وقطع ثانية لان مافي فلووووس . انا شخصيا جربت حركة على مكينة سيارتي h22 . ركبت الهدرز بقاعدة التريبو وركبت التيربو ومديت له ماصور من التيربو الى الكرتيل حق المكينة وشبكت بيب الدخل من التيربو في الكولر. وخليته كذا . يعني خطتي كلها ان لما ادعس ويفتح التيربو . الناس بيسمعوا صوت هوندا تيربو . رح الفت نظرهم.
لاكن التيربو مو مشبوك تبع المكينة اصلا . يعني العزم مارح يفرق ابدا لان التيربو مايضغط الهواء في المكينة . انا خليت التيربو يضغطه بره. فالمكينة مارح تتاثر ولا تتضرر والناس يستغربون من هوندتي انها تيربو لاكن لما وديتها الفحط شلت الهدرة كلها هذي لان ترسب فيها
والي عودت ركبتها . الي عنده اي سؤال او استفسار يقول ترى حاضرين وشكرا