شنو أقوى مكينة أركبها على السيفيك ؟
h22a ? - f20b ? - b ?
سؤال عن تركيب مكينة على سيفيك
سلام عليكم
عندي سيفيك هاتشباك ek موديل 1992 الجير اتوماتيك
شنو أفضل مكينة أركبها على السيارة ؟
شرايكم بمكينة h22a ?
أقدر احول السيارة إلى جير عادي ؟
ويعطيكم العافية
شنو أقوى مكينة أركبها على السيفيك ؟
h22a ? - f20b ? - b ?
وحبيت أسأل الجير الاتوماتيك يتحمل المكينة الجديدة ؟
وشنو فرقه عن العادي ؟
ترى رديت عليك علشان ماتقول ماحد عطاني وجه :d
الله يعينك تنتظر لين يفيدونك الشباب راعين التزويد
وانا أخبر أكثر اماكن التزويد عندكم بالكويت
################
ادخل هنا - يوسف سعد الدريويش (kakashi-san) إنقطع عمله وانتم أمله !!
################
مشكور على الرد ولو أنه مافادنيالمشاركة الأصلية كتبت بواسطة المباشر
ترى رديت عليك علشان ماتقول ماحد عطاني وجه :d
الله يعينك تنتظر لين يفيدونك الشباب راعين التزويد
وانا أخبر أكثر اماكن التزويد عندكم بالكويت
احنا عندنا بالكويت أماكن تزويد كثيرة
بس يقولك المثل أسأل مجرب ولا تسأل طبيب
وبأنتظار المختصين
والله يالغالي
بشكل عام الياباني يفضل لو يكون قير عادي
وهل انت ناوي على تزويد قوي ولالا
اذا انت ناوي على شغلات قوية اقولك مكينة h22a
هي الأختيار المناسب
واغلبية السفكات القديمة +crx هم اللي مركبين هذي المكينة
والله يوفق ان شالله
يعطيكـ العافيه أخوي
حتى عندك مكينه k20 حلوه وقويه وعندك 1,6b بعد ترتيب
وبعد ما تركب المكينه والغير العادي أنشاء الله
تركب سستم قزوز , رامير , فلايويل , أسلاكـ ( وايرات ) وعده شغلات والموتر بيصير فلـــته
و عليكم السلام و رحمة الله و بركاته ...
اهلا حبيبي حياك الله .
بالنسبة لسيارتك فالأحسن أول شي تغير المكينة , و أنا أنصحك تختار بين هالمكاين . و راح أقولك ليش كل مكينة :
* H22A
قطع تعديلها رخيصة و متوفرة و المكينة نشيطة و قوية و إذا أخذتها راح تنبسط مع السيارة بالراحة .
تكلفك مكينة كاملة مع ملحقاتها " قير و ظفيرة و كومبيوتر " راكبة على السيارة في حدود الـ 10.000 ريال.
إذا عليها فل هوائيات و كلتش رياضي فالسيارة بتكون جبارة , لكن الـ H22A ما راح تحس فيها إذا كانت N/A يعني تنفس طبيعي . إذا دخلت عليها التيربو و يكون سنجل و على بوست واطي مو عالي , يعني 8 Psi راح يكون معاط طلقةف كيف إذا ركبت بساتم ضغط واطي و رفعت للـ 20 Psi أتوقع بيطلع معاك شي خطير , و جرب شوف مقاطعها على اليوتيوب و شوف السيارات إللي تجرب معاها
.
* B16a
حلاة هالمكينة عزم قوي و شغل مو طبيعي عليها و قطعها كثيرة و مفعولها قوي . و بصراحة أنا أشجع مشاريع الـ B16 أكثر على هالسيفيك خصوصا الهاتشباك :d .
مشكلتها , مكينة غالية و ما في كثيرين يعرفولها و أصلا هذا كلو إذا حصلت المكينة و تعديلها بيكون مكلف شويتين و التيربو عليها مصروع بزيادة , مكينة أعتبرها تحفة من هوندا . لكن المشكلة إن ما في أحد يفهم لها هنا . فأبعد عنها للفترة الحالية و إلا هالمكينة جنان :( .
* K24A4
و هذي تعتبر أقوى خلطة على السيفيك في رأيي . و هي :
مكينة أكورد موديلات 2003 - 2005 و أخترت هالموديلين لأنها في التيربو أحسن من الـ A8 حقت 2006 - 2007 و لو إن الـ 2006 - 2007 أقوى :d .
لأن الـ A4 ضخ البنزين فيها عادي أما الـ A8 فإليكتروني . فالضخ لما بيكون عادي يساعدك و يوفر عليك كثير إذا راح تركب تيربو ;) .
تشتري هالمكينة مع قير الأكورد العادي حق نفس الموديل و إذا توفر معاك قير إنتيجرا نظيف و بسعر حلو خذوا و لا تفكر لأنه يجيك 6 نمر . تركب المكينة مع القير بس و بتشوف عزم مرة حلو
و الأحلى إنك تركب عليها الـ Head حق الـ K20a بتصير سيارتك و قتها وحش . و إذا معاك فلوس تقدر تولف تيربو سيستم كامل ما بياخذ منك أكثر من 6000 ريال و بساتم بضغط و اطي و كراسي رياضية و تصير السيفيك وقتها سيارة خطيرة و جبارة
سعر المكينة مع القير و الضفيرة و الكومبيوتر بـ 8000 ريال تلقاها في التشاليح كثير . أما هالإضافات ممكن يطلع معاك السعر لحدود الـ 25.000 ريال و إذا وصلت معاك للـ 25.000 ريال فخذ في علمك إنك إنت الكسبان و منت خسران شي , إذا جبت المكينة و القير و الهيد و الثروتل و الثلاجة و التيربو بها السعر فإنت الكسبان أولا و أخيرا ;) .
بالتوفيق في مشروعك ....
اها يعطيكم العافية
أنا مفكر ازودها خفايف حالياً لو بركب مكينة
يعني هوائيات وشغلات بسيطة
وراح أعدل فيها مستقبلاً
فأبي مكينة حتى لو ماتزودها تمشي معاك
وأبي معلومات عن كل مكينة تركب ( مواصفات , حصان , تورق ... )
وابيها تصلح للاستعمال اليومي
--
طبعاً راح أسوي عليها مشاريع كبيرة منها التيربو مستقبلاً إن شاء الله
أخوي Accord 764 أنا ضفتك بالمسنجر بعد أذنك وخذيت الايميل من الملف الشخصي إذا مافي مانع
التعديل الأخير تم بواسطة Q8Civic ; 26-06-2009 الساعة 08:13 PM
اللة ايا يحفظكم هالشباب خبرة علمية زينة وممتازة وانا اتعلمت من هالردود الفنية الشيء الكثير وكثر اللة من امثالكم وزود علمكم اكثر والبركة في الشباب
ضوابط المشاركة
مواقع النشر (المفضلة)