و عليكم السلام و رحمة الله و بركاته ...
اهلا حبيبي حياك الله .

بالنسبة لسيارتك فالأحسن أول شي تغير المكينة , و أنا أنصحك تختار بين هالمكاين . و راح أقولك ليش كل مكينة :
* H22A
قطع تعديلها رخيصة و متوفرة و المكينة نشيطة و قوية و إذا أخذتها راح تنبسط مع السيارة بالراحة .
تكلفك مكينة كاملة مع ملحقاتها " قير و ظفيرة و كومبيوتر " راكبة على السيارة في حدود الـ 10.000 ريال .
إذا عليها فل هوائيات و كلتش رياضي فالسيارة بتكون جبارة , لكن الـ H22A ما راح تحس فيها إذا كانت N/A يعني تنفس طبيعي . إذا دخلت عليها التيربو و يكون سنجل و على بوست واطي مو عالي , يعني 8 Psi راح يكون معاط طلقة ف كيف إذا ركبت بساتم ضغط واطي و رفعت للـ 20 Psi أتوقع بيطلع معاك شي خطير , و جرب شوف مقاطعها على اليوتيوب و شوف السيارات إللي تجرب معاها .

* B16a
حلاة هالمكينة عزم قوي و شغل مو طبيعي عليها و قطعها كثيرة و مفعولها قوي . و بصراحة أنا أشجع مشاريع الـ B16 أكثر على هالسيفيك خصوصا الهاتشباك :d .
مشكلتها , مكينة غالية و ما في كثيرين يعرفولها و أصلا هذا كلو إذا حصلت المكينة و تعديلها بيكون مكلف شويتين و التيربو عليها مصروع بزيادة , مكينة أعتبرها تحفة من هوندا . لكن المشكلة إن ما في أحد يفهم لها هنا . فأبعد عنها للفترة الحالية و إلا هالمكينة جنان :( .

* K24A4
و هذي تعتبر أقوى خلطة على السيفيك في رأيي . و هي :
مكينة أكورد موديلات 2003 - 2005 و أخترت هالموديلين لأنها في التيربو أحسن من الـ A8 حقت 2006 - 2007 و لو إن الـ 2006 - 2007 أقوى :d .
لأن الـ A4 ضخ البنزين فيها عادي أما الـ A8 فإليكتروني . فالضخ لما بيكون عادي يساعدك و يوفر عليك كثير إذا راح تركب تيربو ;) .
تشتري هالمكينة مع قير الأكورد العادي حق نفس الموديل و إذا توفر معاك قير إنتيجرا نظيف و بسعر حلو خذوا و لا تفكر لأنه يجيك 6 نمر . تركب المكينة مع القير بس و بتشوف عزم مرة حلو .
و الأحلى إنك تركب عليها الـ Head حق الـ K20a بتصير سيارتك و قتها وحش . و إذا معاك فلوس تقدر تولف تيربو سيستم كامل ما بياخذ منك أكثر من 6000 ريال و بساتم بضغط و اطي و كراسي رياضية و تصير السيفيك وقتها سيارة خطيرة و جبارة .
سعر المكينة مع القير و الضفيرة و الكومبيوتر بـ 8000 ريال تلقاها في التشاليح كثير . أما هالإضافات ممكن يطلع معاك السعر لحدود الـ 25.000 ريال و إذا وصلت معاك للـ 25.000 ريال فخذ في علمك إنك إنت الكسبان و منت خسران شي , إذا جبت المكينة و القير و الهيد و الثروتل و الثلاجة و التيربو بها السعر فإنت الكسبان أولا و أخيرا ;) .

بالتوفيق في مشروعك ....